كل ماتعرفه عن ولاية كلو رادو ....الي عنده معلومات عن هالولايه لايبخل علينا ...

للــــرفـــــع


ياجماعة الخير معقوله محد يعرف شي عن هالولايه

وعليكم السلام والرحمه
ان شاء الله توصل بالسلامه
انا في كلورادو مدينة بولدر نص ساعه لدينفر
دنفر لاهي غاليه ولا رخيصه ومعروفه ببرودتها وفيها عرب كثيير ومدينه حلوووه اغلب الشباب كل ويك اند في دنفر وفيها مطاعم حلال كويسه
وبالنسبه الى الجامعه اغلب اللي اعرفهم في جامعة دينفر واعتفد انه الملحقيه سكرتها لكثرت العرب فيها
اتمنى اني افدتك وبالتووفيق

بالتوفيق لك إن شاء الله

والله ياطول العمر ماعرف عن الجامعتيـن هذي شئ.

بس كولورادو عز الله أنها ديره. توي جاي منها من كم يوم تمشية خـلال الإجازه.

الطبيعه فيها حلوه جدا. يوجد فيها جزء من جبال الروكي المرتفعه. والأنهار فيها ياكثرها. غاباتها يآلبـيه.

أنا دخلتها من الجنوب الغربي مرورا بجبال الروكي مع طريق سياحي رايح جاي. مرورا بمدن صغيره لكنها حلوه والطريق كله غابات وأنهار وتلوج. ما أبالغ لو قلت لكم أن تقريبا 70% من طريقنا من يوم دخلنا كولورادو لين وصلنا دنفر يمشي جنب أنهار.

فيها مدينه صغيره مشهوره إسمها آسبـن ( فيها جبال وغابات وأماكن للتزلج ) وهالمدينه غاليه لأنها معروفه أنها مكان يقصده المشاهير والأثرياء للإستمتاع بمناظر المدينه الطبيعيه وممارسة التزلج على الجليد.

ومرينا بعد على مدينة صغيره ثانيه إسمها ليدفيل. حلوه الطبيعه فيها وإرتفاعها أكثر من 10 آلاف قدم فوق سطح البحر.

دنفـر مريناها مرور سريع تغدينا فيها بمطعم عربي إسمه السلطان أو سلطان تشتغل فيه عائله سورية وأكلهم لذيذ وتعاملهم كان جداً راقي معنا. شفت فيها مطاعم عربيه كثير على الـ GPS . بس إخترنا المطعم هذا وكان إختيار موفق ولله الحمد. مرينا الداون تاون أخذنا فيه لفه سريعه. وبصراحه المدينه حسيتها عاديه. ( ممكن وجهة نظري خطأ لأن المدينه ماجلسنا فيها أكثر من ثلاث ساعات ).

بعدها توجهنا جنوبا على كولورادو سبرنق. الناس يمدحونها بس ماتمشينا فيها. وصلناها وعلى فندقنا واليوم الثاني توجهنا مباشره على مدينة صغيره إسمها كانون سيتي. بصـراحه من أفضل الأماكن اللي مريناها خصوصا أنه بذيك الليله نزل ثلوج وحنا بالفندق وكان منظرها خيالي ( أول مره أشوف تلج ينزل ) وفيها جسر إسمه رويال جورج بريدج. فوق نهر يجري بين جبلين وفيه قطار يمشي على النهر بس مقفلينه بالشتاء وفيها ألعاب وحديقة حيوان بس مافيها إلا شوية حيوانات وفيها محلات وغرف من خشب على الطراز القديم وأدوات وعربات تراثيه. يوم رحنا لها كان الثلج توه نازل الليله اللي قبل والأشجار والعربات والجبال والمحلات كلها مغطاه بالثلوج ومناظر خيالية.

جوها طبعا بالشتاء بارد وثلوج. درجة الحراره يوم كنا فيها وصلت 10 تحت الصفر. بالصيف أعتقد جوها معتدل.

الولايه أعجبتني كطبيعة. لكن من ناحية الدراسه ومستوى الجامعات ماعندي معلومات كثير عنها.

تحيـــــــــآتي لك وبالتوفيق

الله يعطيك العافيه على ردك

لكن لو هي موقوفه كان وضح معي في موقع التعليم العالي

يعطيك العافيه على رك

ياعيني عليك والله تعبت نفسك معي

لكن من جد عطيتني معلومات حلوه .. ويعطيك الف عافيه

لكن بغيت اسألك سؤال

الحين مثلا لو جبت قبول من جامعه في اختصاص معين .. وحبيت اغيره بعدين ؟؟

اقدر اغيـــر التخصص بعـديــن ..؟؟؟؟

ياجماعه الخيــر حبايب قلبي


اذا اخترت تحصص وجبت قبول مشروط من جامعه هل يمديني اخير الاختصاص بعدين ..؟؟

وبالنسبه للمعاهد المعتمده من التعليم العالي في هالمنطقه كيف اعرفهم ..؟؟

طلب تغيير التخصص

• ارفاق كشف درجات حديث من الجامعة و معتمد يتضمن التخصص الذي يدرسه و عدد الساعات المنجزة و عدد الساعات المتبقية و المعدل الذي حصل عليه و بداية الدراسة
• إرفاق القبول من الجامعة
• أي وثائق أخرى لها علاقة بالطلب(مسوغ إختياري

نسخته من البوابة الإلكترونية. وهذا يدل على أنك تقدر ترفع طلب تغيير تخصص. ولكـن مع ملحقيتنا مافيـش مستحيـل. والله أعلـم

طيب حبيب قلبي انت

الحين انا بروح لأقرب مكتب بالرياض ولا ادري وين المكاتب الي اثق فيها

وابي اجيب قبول من جامعه ومعهد

بس المعاهد مدري وين احصلها ..؟؟

يعني ابي معاهد في نفس الديره الي اخترتها بس معتمده من التعليم العالي

فهمت علي يالغالي