مساعدة أتمنى تفيدوني بخصوص خطاب كشف الحساب وكم سؤال معاهم ( تكفون هالمره ردوا علي ؟

و عليكم السلام ورحمة الله وبركاته


السؤال الأول : لما يطلعون كشف الحساب فيه ورقه أو خطاب تكون موجهه لي والا كيف بالضبط ؟؟ وين الاقي هالخطاب أو وش يكتبون فيه ؟

الضمان المالي يكون موجه الى الجامعة او المعهد (عادة يكون الجامعة اذا كان المعهد تابع لها) و هذا تاخذه من البنك وانت تقول ليهم يكون موجه الى مين. أما بالنسبة لكشف الحساب فحسب اللي أعرفه ما يكون موجه الى اي جهة معينة


السؤال الثاني : عادي لو آخذ كشف حساب الوالده وأخوي عشان تكون السالفه أضمن مع السفاره والا أكتفي بكشف حساب واحد فقط ؟

كشف الحساب لازم يكون خاص بنفس الحساب اللي جايب عليه الضمان. مثلا اذا كان كشف الحساب خاص بالوالدة, الضمان أيضا لازم يكون على حساب الوالدة و هكذا


السؤال الثالث : حساب الوالده وأخوي ماينزل عليه الا رواتبهم فقط هل هالشي يكفي والا لازم اضيف مبلغ كبير بالحساب قبل ما اخذ الكشف أو مايحتاج هالشي بما انو عندي شهادة بنكيه باسمي ؟

الافضل انه يكون الحساب فيه مبلغ كافي وقت طباعة الكشف


السؤال الرابع : أنا عندي قبول لغه فقط من معهد ELS وابي اكمل ماجستير بس مالقيت جامعه الى الحين تعطيني قبول مشروط , وش أقول بالسفاره انو طالع ادرس لغه فقط والا انو باقي ادور جامعه ؟؟

ما يهم يكون عندك قبول جامعة حاليا. قول لهم انك راح تدرس لغة و جامعة و وش تخصصك

أخوي أنا قريت بأكثر من مكان انو مو مشكلة لو كانت الشهادة البنكيه باسمي وكشف الحساب للوالده أو لأخوي ,,

سؤالي وش صيغة الخطاب من الوالده أو أخوي ,,

ويعطيك العافيه على ردك ,,

ياليت أحد يفيدني ويجاوبني بشي أكيد ,,

المقصد انه اذا كان كشف الحساب للوالدة المفترض الشهادة البنكية راح يكون فيها اسمك و اسم الوالدة (على اساس انه هي اللي راح "تضمن" مصاريفك الدراسية)

السفاره مرات ماتطلب الا شهادة الظمان البنكى اللى معاك .. بس مرات يطلبون كشف حساب لمدة 3 شهور للشخص الذى سيكون مسئول عن مصاريفك خلال الدراسه و الذى انت كتبت اسمه كعائل لك .
انا ابنى ما طلبو منه كشف حساب مع انه رايح على حسابى وطلعت التأشيره له خلال 5 ايام من الظهران وبنفس الوقت ابن اختى مقدم بعدة بأسبوع طلبو منه كشف حساب لمدة 3 شهور وصارله للحين اكثر من شهر و ما حصل التأشيرة .. انا ماأدرى الصراحه شلون شروطهم والله يوفقك وانشاء الله امورك طيبه.
ابوشملان

يعطيكم العافيه
وماجاني في تعبئة البيانات اسم عائل ؟؟؟؟؟

سؤالي مره ثانيه عن صيغة خطاب كشف الحساب اللي راح يكتبه لي أخوي أو الوالده ؟؟؟

بالتوفيق لك أخوي .

السـلام عليكم ورحمة الله

السؤال الأول : لما يطلعون كشف الحساب فيه ورقه أو خطاب تكون موجهه لي والا كيف بالضبط ؟؟ وين الاقي هالخطاب أو وش يكتبون فيه ؟

أولا أخـوي يحيى فيه فرق بيـن كشف الحسـاب والشهـادة البنكيه

كشف الحسـاب / كشف تطلبه من البنك ويعطونك مباشره ويكون فيه تفاصيل العمليات اللي أجريتها على حسابك ( تاريخ العمليه - نوعها - مبلغ العملية - المبلغ المتبقي في حسابك ).
الشهادة البنكية / خطاب من البنك أما يكون موجه لدائره حكوميه أو جامعه أو معهد أو ... أو يكون موجه إلى من يهمه الأمر. ويكون فيه إسم صاحب الحساب ورقم حسابه والمبلغ المتوفر في الحساب وقت إصدار الشهادة وتاريخ إصدارها.

السؤال الثاني : عادي لو آخذ كشف حساب الوالده وأخوي عشان تكون السالفه أضمن مع السفاره والا أكتفي بكشف حساب واحد فقط ؟

كشف حساب واحد يكفي. وأعتقد أنه لازم يكون الحساب اللي أخذت عليه كشف هو نفسه الحساب اللي أصدرت منه الشهادة البنكيه. وأتوقع أنهم يطلبونه عشان يتأكدون أن المبلغ اللي الشهادة البنكية لصاحب الحساب وموجود فيه لفتره طويله. يعني عشان محد يجمع فلوس من أهله وأخوياه ويطلع الشهادة البنكيه ثم يرجع الفلوس لأصحابها. أنا وقت السفاره حطيت الفلوس بحسابي وتركتها شهرين تقريبا ثم أخذت كشف حساب.

السؤال الثالث : حساب الوالده وأخوي ماينزل عليه الا رواتبهم فقط هل هالشي يكفي والا لازم اضيف مبلغ كبير بالحساب قبل ما اخذ الكشف أو مايحتاج هالشي بما انو عندي شهادة بنكيه باسمي ؟

الـ 80 ألف اللي بحسابك كم صار لها فيه ؟ إذا لها فتره طويله خلاص خذ كشف لحسابك أنت. بالنسبة إذا يكفي نزول الرواتب عليه أو لا. الله أعلم ماقدر أفتيك.

السؤال الرابع : أنا عندي قبول لغه فقط من معهد ELS وابي اكمل ماجستير بس مالقيت جامعه الى الحين تعطيني قبول مشروط , وش أقول بالسفاره انو طالع ادرس لغه فقط والا انو باقي ادور جامعه ؟؟

قبول المعهد يكفي عشان تطلع الفيزا. وإذا سألوك قلهم عندي قبـول معهد بس ألحيـن وقبـول الجامعه بحاول أجيبه خلال فترة دراستي اللغه.

المهم أنت خلك واضح وصريح معهم وترى المقـابلة سـهـالات جداً جداً. الناس بعضهم مكبر الموضوع وهو مايستاهل. أنا أذكر مقابلتي مع المسؤول القنصلي ما أخذت ثلاث دقايق وكلها أسأله وين بتدرس ووش بتدرس وسافرت العراق أو اليمن ومن بيصرف عليك.

طلبوا مني الشهادة البنكيه شافها ورجعها مباشره. ماطلب مني كشف حساب. بس فيه واحد قدامي طلبوه منه. مقابلتي كانت في قنصلية الظهران قبـل سبعه شهور.

تحيـــــــــآتي

نسيت أكتب لك صيغة الشهادة البنكيه اللي على حساب أحد من أقاربك

إلى / المعهد أو الجامعة أو القنصلية أو من يهمه الأمر

هذي الشهادة لإيضاح أن عميلنا / فـلان بن فلان الفلاني ( إسم قريبك ) , عنده حساب في بنكنا من تاريخ كذا كذا وحسابه يحتوي على مبلغ كذا كذا في تاريخ كذا كذا, والذي يساوي ( المبلغ بالدولار ) ( المبلغ كتابة بالحروف )

وأنه يتكفل بمصاريف فلان بن فلان الفلاني ( إسمك أنت ) صلة القرابة ( إبن أو أخ أو ... )

هذه الشهادة أعطيت للعميل بناء على طلبة لتقديمها لكم بدون أي ضمانات أو مسؤوليات على البنك لأي سبب من الأسباب.

ختم
توقيع . طق طق

هذي ترجمه لشهادتي البنكيه من بنك البلاد. أتمنى الترجمة تكون واضحه ولا تضحكون عليها ههههههههه

تحيــــــــــآتي

أخوي الله يسعدك على ردك ,,

أنا عارف الفرق بين الشهاده البنكيه وكشف الحساب ,,,

أنا مطلع شهادة بنكية من حسابي أنا بقيمة 80000 ريال لمدة 24 ساعة وسحبتها هالكلام قبل شهرين تقريبا ,,

الحين انا باخذ كشف حساب من أخوي مثلا وش اللي يثبت ان اخوي بيصرف علي قدام السفارة ؟؟؟؟ أبي صيغة خطاب انو أخوي بيتكفل فيني والاثبات كشف الحساب تبعه ,,