الحمد لله الذي بفضله تتم الصالحات

January 16th, 2012, 12:21 PM

السلام عليكم ورحمة الله وبركاته

الحمد لله الذي تتم بفضله الصالحات ,, الحمد لله المتفضل على عبيده دون سواه
تم صدور قرار الحاقي في يوم 14/1/2012 ولله الحمد والمنه عن طريق جلسة 193

يا شباب نصيحه لوجه الله ,, الكل بيده كل شيء بعد الله سبحانه وتعالى ,, الكل يقدر يراجع الوزاره ويجيب لنفسه البعثه ,, ولكن تحصله يدور على واحد يأخذ فلوس ويحوله
يعني قدامه الحلال ويروح للحرام

الكل جالس يشكي للعباد هنا وأنا لي شهور ودفعت كذا ونسي رب العباد فوق سبع سموات

بديت دراستي في أوغست وقدام لا أطلع جوني لراسي ناس كثيرين يأخذون فلوس ويحولوني ,, بالرغم من كذا رفضت وضيعتهم كلهم
مر شهر وشهرين حاولت يمين ويسار ما فيه أمل ,, جاني إبليس وقال لي شوف لك أحد يأخذ منك 10 آلاف وتتحول أحسن من يوم تدفع للمعهد كل شهرين 16 ألف ,, ودورت وحصلت واحد وبفضل من ربي ومنه ورحمه, هالآدمي رفض يسوي لي شيء
قلت خيره من ربي منعني عن العيشه بحرام ,, جاني بعده كذا واحد وكلهم رفضتهم لأني خلاص اقتنعت إني ما راح آخذ إلا نصيبي لو هو في قبري
كنت تحت ضغط نفسي بالرغم إني أضحك مع أخوياي ,, لكن اللي أدفعه يجبر قلبي إنه ينغزني
أجي أدخل مبتعث وألقى نفس المنوال الكل يشكي وأنا دفعت خلال ست شهور ,, وأحصل الكل يقول اللي دفعه وألقى اللي دفعه في 6 شهور أنا دفعته في شهرين أو ثلاثه شهور بالرغم إني ولله الحمد من عائله كنصف عوائل السعوديه, ولكم إنكم تتخيلون المعهد لحاله 4500$ كل شهرين وإني أسكن بمدينه التاكس فيها 8% وأقول الحمد لله على كل حال

أدخل أحصل حمد الله يصلحه يحطم الكل ويتشائم وكنت أكتب دائماً الأمل بالله موجود لكم لأنه ما فيه شيء راح يصير إلا بإذنه سبحانه

باختصار يا شباب ,, لا تلتفتون من اللي يجلسون يحطمون فيكم طول أيامهم وهالحين جالس يستلم مكافأه ومهيص ,, علقوا القلوب بربها وراح تحصلون كل خير إن شاء الله
عليكم بالله ثم الله ثم الله ثم الوزاره ,, توكلوا على الله واعملوا الأسباب وراح يجيكم نصيبكم إن شاء الله من هالبعثه

لي أخ(خوي) هنا ,, يخطئ مثل ما نخطئ وأزود, أموره كلها ماشيه ولله الحمد تمااااام
قالي لي السر ,, قال أنا قبل لا أنام أوقت الساعه على 1 الليل أقوم أصلي وأرجع اكمل نومي
والله ورب النعمه إني حسدته على اللي يسويه ,, وأتمنى الكل يسويه ومنكم أنا حتى ولو إن ربي يسرها لنا

بالتوفيق, وإن شاء الله الأيام الجايه نسمع خبر انضمام الجميع ...,

• نشر عبر تويتر
• نشر عبر فيسبوك
• نشر عبر جوجل