ابي رايكم وفزعتكم

ما اخفيك ان ما عندي علم اكيد
لكن من كلام الشباب ان في الوقت الحالي ما يضمون طلاب المعاهد الا بالواسطة، الانضمام الحين من الجامعة

اذا جيتك لامريكا فيها تضحية بوظيفة او بغيره فلا تضحي
واذا انت مالك الا الله ثم امريكا تعال وتذكر ان (كل امر المؤمن خير له) ولو ما تطلع منها الا بتعلم اللغة

وعليكم السـلام ورحمة الله وبركاته

والله ياخوي مدري وش نقـول لك ولا عاد ندري وش نقـول لأنفسنا.

الإنضمام هذي الأيام بتوفيق الله أولا ثم الواسطه ثم الحظ ثم مزاج المسؤولين وأخيـراً تطبيق مايقال عنه شروط الإلحاق للبعثه.

طبعا هذا التدرج شرحه شوي معقد. بحاول أشرحه وأبسطه قد ما أقدر وأتمنى تفهمون. والمعذره لو لحست مخكم.

لو الله سبحانه كتب لك التوفيق فإنه راح يسخر لك عالأقل واحد من الأسباب الباقيه.

لو سخـر لك الواسطه فإن الأسباب الباقيه راح تكون عديمة الفايده وراح تنضم بدون النظر لأي منها.

لو سخر لك الحظ فإنك راح تنضم يا بمكرمه أو حسب ماوصلني أن فيه طلاب ينضمون أسوة بزملائهم الطـلاب !! عاد تسألني كيف أقـولك توفيق من الله وحظ.

لو سخـر لك مزاج المسؤوليـن فـ راح تنضم أيضا بطريقة " أسـوة بزمـلاءه الطـلاب !!!!!!!!!!!!! " أو بطريقه فكاهيه أخرى ستفصح عنها وزارتنا المؤقره مستقبـلاً.

السبب الأخيـر اللي هو إتمام شروط الإلحاق للأسف أنه مايتطبق إلا بشرط توفـر الأسباب السابقه عدا الواسطـه.

صدقني بتدور ومابتحصـل غير إجـابتي. بـس عندي لك نصيحه أنصحك تسـويها.

صـل الإستخـاره وإن شاء الله ربي يختــــــآر لك الخيــر.

تحيـــــــــــآتي