رسالة الى ابو متعب

January 31st, 2012, 01:16 AM

بسم الله الرحمن الرحيم

والصلات على محمد بن عبد الله صلى الله عليه وسلم وبعد :

السلام عليكم ياطويل العمر يا بومتعب ترى اوضاعنا دمار ونفسياتنا تعبانه والحالة الماديه رايحه فيها وش ذنبنا اذا ما عندنا واسطه في رجاجيل تجي شهر وتتحول وفي رجاجيل تظل ما يجيها خيرك يا طويل العمر واللي متدين واللي بايع سيارته واللي ماعنده ياكل واللي رامينه الملحقيه على جنب اذا وفيه واحد اعرفه احسابه صفر بالبنك ترى اوضاعنا مو ماشيه وهنا المعهد غالي وحنا على قد حالنا سموك ولو تسمع اوضاعنا تبكي والله لكن مافيه رسالة توصلك وفي رجال فقد الامل يقول بو متعب مو حاس فينا والله لكن لو توصلك هذي الرسالة والله لتلحقنا كلنا لكن ادري انها ماراح تصلك لكن يضل فيه امل يا طويل العمر نبي مكرمه لا اشاعات ولا كلام الناس يحلها ما يحلها الى انت وحنا نحبك يا طويل العمر ونتمنالك الخير لكن نبي مكرمه الناس تصيح اهنيا واللي ما عنده مستقبل واللي صرف ماوراه ودونه لكني اثق كل الثقه انك ماراح تسكت والملحقيه ماترد علينا لا تليفون ولا ايميل ولا حتى بيجر مانبيها منهم نبيها منك يا طويل العمر والله لو مافيه مكرمه الناس بتضيع وحنا ناس على الحافة مثل ما يقولون نبيها هالشهر ذا لانه الناس بدت ترجع ولا عدهم مكان يروحون له الجامعات السعوديه بالواسطات والتحويل بالواسطات لكن في شي واحد مافي واسطه المكرمه يا طويل العمر وانا واحد ابدوي على الله ثم عليك جاي هنا انشالله توصلك الرسالة ولا يحذفونها الموقع بس نبي شي واحد يا طويل العمر المكرمه

وصلى الله على محمد بن عبد الله صلى الله عليه وسلم

• نشر عبر تويتر
• نشر عبر فيسبوك
• نشر عبر جوجل