الأعضاء الإشتراك و التسجيل

الملتقيات
ADs

طالب دبلوم عالي وابي اطلع على حسابي بس وش تنصحوني فيه ؟؟

طالب دبلوم عالي وابي اطلع على حسابي بس وش تنصحوني فيه ؟؟


NOTICE

تنبيه: هذا الموضوع قديم. تم طرحه قبل 4429 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية MR-FaHo0odi
    MR-FaHo0odi

    مبتعث جديد New Member

    MR-FaHo0odi الولايات المتحدة الأمريكية

    MR-FaHo0odi , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى Polymer Technology & scince , بجامعة Pennsylvania college of technology
    • Pennsylvania college of technology
    • Polymer Technology & scince
    • ذكر
    • Portland, Oregon
    • السعودية
    • Feb 2012
    المزيدl

    February 11th, 2012, 10:02 PM

    السلام عليكم ورحمة الله وبركاته

    صباح/مساء الخير....

    كيفكم ؟

    راح احاول اختصر الموضوع اللي ابي اسالكم فيه ....

    انا طالب متخرج من كلية الجبيل الصناعية ( دبلوم عالي ...خلصت 73 ساعة ) .... تخصصي هو هندسة البوليمرات ... طبعا التخصص هذا جديد .. وحسب علمي انه موب موجود في الشرق الاوسط الا في كليتنا ودبلوم بس وفيه في جامعة البترول بس ماجستير و دكتوراة ...
    ف انا حاب اكمل البكالوريس بالاول ...
    طبعا انا خريج اللحين ... وبيني وبينكم ماابي اصبر حواالي 6 شهور او اكثر الى وقت تقديم بعثاات الملك ... وانتظر كم شهر زيادة وفي الاخير يمكن انقبل ويمكن لا ..
    فحبيت اختصر الموضوع من الاخير واطلع على حسابي الين يجيني الحاق في البعثة باذن الله ...
    طبعا دخلت موقع وزارة التعليم العالي ... فحصلت الجامعات التالية معترف بها لنفس التخصص و نفس الدرجة العلمية :
    AUBURN UNIVERSITY - MAIN CAMPUS
    CASE WESTERN RESERVE UNIVERSITY
    CLEMSON UNIVERSITY
    EASTERN MICHIGAN UNIVERSITY
    GEORGIA INSTITUTE OF TECHNOLOGY - MAIN CAMPUS
    PENNSYLVANIA COLLEGE OF TECHNOLOGY
    ROCHESTER INSTITUTE OF TECHNOLOGY
    UNIVERSITY OF AKRON MAIN CAMPUS
    UNIVERSITY OF CALIFORNIA - DAVIS
    UNIVERSITY OF EVANSVILLE
    UNIVERSITY OF SOUTHERN CALIFORNIA
    UNIVERSITY OF SOUTHERN MISSISSIPPI

    في البداية ... اللي عنده اي فكرة عن اي جامعة من المذكورة اعلاه يعطيني خبر ...

    ثاني شئ وهو المهم :
    انا ان شاء الله راح اطلع على حسابي زي ماذكرت واللحين انا الترم هذا في فترة تطبيق ... وبما اني فاضي هالثلاث شهور ...
    حبيت اني اقدم بنفسي دون الحاجة الى اي مكتب ....
    انا تصفحت ملتقى مبتعث ... وحصلت مواضيع مفيدة عن الابتعاث .. لكني ماحصلت شئ لنفس حالتي ...
    او احصل كل حاجة بموضوع ... ومادري الاولوية لايش ..؟؟ يعني اقدم ع السفارة او اعادل الشهادة او اراسل الجامعة او المعهد او ايش بالضبط ؟
    اللي عرفته للحين ... اني اخذ ( الترانسكربت ) وارسله للجامعات .. واقدم عالسفارة .. وبس ...
    فياليت اللي عنده خبرةةة في اي شئ يهمني ... سواء طريقة التقديم ... او اي خبرة في تخصصي ... او اي خبرة في معادلة الدبلوم ( خصوصا من نفس كليتي ) ... يفيدني واكون له من الشاكرين ...

    اتمنى اني ماطوولت عليكم .. والف شكررر مقدمااا
  2. اهلا فيك اخوي فهودي

    بالنسبة للسؤال الأول ما اقدر افيدك فيه لأن ما عندي علم بالجامعات المذكورة

    طبعا زي ما ذكر الموضوع ما يحتاج مكاتب ولا شي كل اللي عليك تراسل الجامعة اللي تبغاها وتمشي بخطوات التسجيل ... وودي اقترح عليك شي انا ما سويته بس انت حاول ... قبل ما تدفع رسوم التسجيل ارسل ايميل وقولهم ودي استفسر عن عدد ساعات المعادلة لأن شهادتي دبلوم ... والرد راح يكون واحد من اثنين

    الأول - انهم ما راح ردون عليك بعدد الساعات المعتمدة عندهم الا بعد الدفع ... وبهذي الطريقة تحاول انك تتأكد ان عندهم اصلا معادلة لأن بعض الجامعات ما تعادل ... على شان تدرس عندهم اكثر ... يعني على شان القروش
    الثاني - انهم ردون قبل دفع رسوم التسجيل ... وهذي املها ضعيف ... لكن ان حصلت تمام التمام ... بعدها انت تكون عارف وش انت عليه قبل لا تخسر فلوس ولا شي

    بعد حصولك على القبول و I-20 بعدين هوا على السفارة على شان الفيزا وخلاص


    وبالتوفيق يا غالي
    7 "
  3. ^^
    ما قصر الاخ بس حبيت اوضح كم شغله حسب ما اطلعت
    غالباً لو تبي تعادل راح تعادل عن طريق شركة WES بمبلغ مالي طبعاً ان ترسل لهم الترانسكرابت في ظرف مختوم من الكلية مع باقي الاوراق المطلوبة وهم يرسلون لها للجامعات اللي انت تبي تقدم عليها.
    يمديك لو تعرف جامعة تعادل لطلاب من نفس تخصصك انك تقدم عليهم في البداية بشهادة الثانوي ولما تبدا الدراسة الاكاديمة تطلب المعادلة.
    *ما ابي احطمك بس الاغلب ما يعادلون فوق 30 ساعة الا جامعة شمال كنتاكي على ما قرات انها عادلت ساعات كثيرة لطلاب الجبيل الصناعية او الملكية موش فاكر لانهم موقعين اتفاقايات
    *ارسل للجامعات اللي فيها تخصصك واسال اذا تقدموا قبول مشروط او لا؟ بعدها ابحث عن معاهد هالجامعات واذا ناسبتك قدم عليهم.
    *وقت ما تقدم للملحقية وتفتح ملف ما انصحك انو تحط انك حاصل ع دبلوم لكن قدم بالثانوي من شان لو قدمت بالدبلوم وضموك للبعثة راح يعطونك بعثة 3 سنوات ع ما اعتقد وع الاغلب ما حتكفيك.

    خخخ الدبلوم ذا عني ما استفدت منو شيء الا اني قدمت الترانسكربت للسفارة وشوفو انو درجاتي ممتازة طبعاً انا موش من كلية الجبيل.

    +

    لو تبي تستفسر بعد بنجوبك خيوو /موفق خير
    7 "
  4. مشكووورين اخوي خط الناار و اخووي شقااوي ..
    بس اوول شي وشو الــ I-20 ؟
    ثاني شئ ... انا سؤالي مكن مافهمتوه صح او انا ماشرحته كوويس ...
    وشي الخطوات بالترتيب لاني زي ماقلت لكم حصلت كل خطووة في موضوع مستقل ومافهمت ولاقدرت ارربطها ببعض
    انا اللي عررفته اني اراسل اول شي شركة WES وارسلها الترانسكربت ... وهي تعادله وترسله للجامعات .. وبعدها انتظر القبول واقدم ع السفارة الين تجيني الفيزا وخلاص ..؟؟
    لكن مادري هل الخطوات هذي صحيحه او لا ؟
    وبرضو عن طريق شركة wes اقدر اراسل اكثر من جامعة في نفس الوقت لما ارسلهم الترانسكريبت او لا ... يعني اذا ارسلت الترانسكريبت اقولهم ابي الجامعة الفلانية و الفلانية ...الخ اعددلهم اكثر من جامعة ... والا جامعة وحدة بس ؟ وكم قيمة الرسوم حقت الشركة هذي ؟
    و برضو اذا جاني قبول بالجامعة ... كيف طريقة المعهد (لانه زي ماسمعت انه لازم اقدم على معهد قبل مابدا الدراسة ) ؟؟

    وفي الاخير .. اخوي شقاوي انا مافهمت طريقتك ؟؟ يعني اقدم بالثنوي و ابدا دراسة من جديد ؟ والا اقدم مبدأيا وبعدين اذا جاني قبول اجيهم بالترانسكريبت ويعادلون لي ؟ والا كيف ؟ لاني اخاف اذا جيت بالترانسكريبت بعد مايقبلوني .. يعادلون لي ساعات بسيطة بس ...

    ان شاء الله اني ماطوول عليكم ... و تفيدووني .. ويعطيكم ربي الف عافية
    7 "
  5. شوف انا ماعندي علم اكيد بس انت بعد ماتشوف الجامعة اللي تقدم عليها مثلاً
    ROCHESTER INSTITUTE OF TECHNOLOGY
    تدخل ع الموقع وتضغط ع Admission بعدين Transfer بعدين Transfer Students للانترنشنول
    هذي الصفحة شوفها

    المفروض بعد ماتقدم يطلبوا منك الترانسكرايبت ووصف المواد ويمكن يقولك عادل عن طريق الشركة واعطهم اسم جامعتنا
    بالنسبة لي اشوف ان التقديم بالدبلوم حيدخلك في متاهات وشغلنه لذلك قلت لك قدم بالثانوي بس موش متاكد عن وضع الجامعة اللي بتقدم فيها ع الاغلب لو قدمت لهم المعادلة وقت ما تبدي الاكاديمي بيعادلوا لك لو هم يعادلون بالاساس /عندي صديقي وقت ما بدا اكاديمي قدم لهم الدبلوم عشان يعالدلون له ويحذفون عنها الماث وحذفوها وهو في جامعة تكساس سان انطونيو
    بعد مثلك ما قلت الاغلب انهم ما يعادلون كثيير 30 ساعة وتحب يدك وجه وقفى ههه الا اذا كانت الكلية اللي انت متخرج منها موقع اتفاقيات مع جامعات اجنبية يعني شوف جامعة شمال كنتاكي فاكر انهم موقعين معكم اتقافية وانو في شباب درسو تخصصات في جامعة شمال كنتاكي غير عن تخصصاتهم في الجبيل وعادلوا لهم يمكن المواد اللي في نفس التخصصين او اللي موجوده في الجامعات.

    لاحظ اني قلت لك مو متاكد 100 من كل اللي كتبته
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.