بخلص لغة وماجاني الحاق وش الحل اماطل بالانجليزي ؟

لا ادخل جامعة على طول .. لان اذا كنت طالب اكاديمي وارسلت لهم اثبات تسجيل المواد و ورقة مباشرة من الجامعة مباشرة يروح ملفك للوزارة بالرياض ويضمونك .. لاتماطل .. ادخل الجامعة سو الي قلت لك وادعي لي

هلا أختي إن شاء الله أمرك سهل لطالما راح تخلصين اللغة أدخلي الجامعة وأرفقي جدول الجامعة وجميع أوراقك ومايثيت أجتيازك اللغة في طالب الألحاق وإن شاء الله أمورك تتسهل

وإذا واجهتك مشكلة حاولي تتواصلين مع الملحق الثقافي د. محمد العيسى لأنه على كلامه اللي يخلص اللغة مايحتاج يخلص 30 ساعة يتواصل معي

وأنا أضمه للبعثة هذا كلام د.محمد العيسى بعد أجتماعة برؤساء الأندية السعودية الأخير اللي صار بواشطن قبل شهرين تقريباً

لا لا روحي الجامعة

المطلوب الآن فقط ارفاق القبول + شهادة بآنهاء مرحلة اللغة (( توفل او ايلتس )) + ورقة مباشرة من الجامعة في التاريخ الفلاني + ورقة تسجيل مواد من الجامعة وراح يتم ارسال ملفك فورا للوزارة في الرياض وانشالله يتم الآلحاق

بس الي اعرفه عشان تسجلين مواد لازم تدفعين ولو اول ترم .. ولو الحقوك قبل ماينتهي الترم راح يعوضونك عن رسوم الترم بالكامل

انا نفس وضعك من اكثر من 3 شهور
اذا عندك امكانية انك تدفعي مصاريف اول ترم بالجامعة اقول لك توكلي ع الله وادخلي عشان تلتحقي على طول
لو ما عندك امكانية, حولي لمعهد رخيص واختاري كورس توفل لانه ارخص من الانجلش المكثف , وطول ما انتي بهالفترة اجلسي كل شهر خذي تقارير عن مستواك في المعهد وارفقيها في طلباتك حق الالحاق

فيه حل وهو الافضل لك وهذا الي انا سويته
اختبري توفل واول ما تجيك الدرجة خذي النتيجه ومعاها تقاريرك من المعهد تبين حضورك ومستواك في المعهد واطلعي ع الملحقية في واشنطن " فيرجينيا " وقابلي الملحق الثقافي وقولي له انك خلصتي لغه على طول بيقول لك خلاص بنرفع اوراقك للوزارة ,, وروحي لهم بعدها بيوم واطلعي الدور الخامس قسم بريد الصادرات والواردات وخلي الموظفه ترسل اوراقك قدامك عشان لا تنام الورقه عندها
وبعدها انزلي الدور الثالت وتابعي ورقتك هناك الين يرسلون لك اياها للوزاره وبعدها تقدري ترجعي لولايتك وتكملي معهدك وتدعي ربك تتيسر لك البعثة

اتمنى اكون افدتك والله يرزقنا البعثة في اقرب وقت ويوفقنا فيها

خلص اللغة وجب قبول نهائي
واطلع للملحقية تنضم بسرعه
الملحقية يتغاضون عن شرط ٣٠ ساعه
بس جب مايثبت انهاء اللغه وبدء الدراسة الاكاديمية واعتبر نفسك انضميت

بالتوفيق ان شاء الله

اخاف اتورط لان الجامعة مو مثل المعهد مقدور عليه

بصراحة كلام يريح بس
شلون اوصل له يعني مثلا لو سافرت واشنطن هل بقابله واستفيد

الحين الناس يبون يخلصون اللغة عشان ينضمون وانتي تقولين اماطل هههههههههه

بعض المواضيع شي غريب بصراحة
يعني معقوله دارسه في امريكا شهرين ومو عارفه شروط الالحاق ولا قد دخلتي المنتدى !!

على كلامه بابه مفتوح للكل أنتي سوي اللي قلت لك عليه خلصي اللغة أهم شيء تأخذين من المعهد ورقة تثبت أجتيازك اللغة وزيادة عليها جدولك للجامعة يثبت أنك فول تايم في الجامعة وإن شاء الله ماراح تطلعين من عنده الا وقرار الأبتعاث في يدك

كل اللي أطلبه منك دعوه لنا أخوانك وأخواتك الدارسين على حسابنا الخاص أن ننضم بأسرع وقت وإن شاء الله أنتي معنا

تحياتي لك