تعرفون وين ينباع ( الانتحار ) ؟؟؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم


كنت اكتب الموضوع وتحدثت الصفحة لوحدها وضاع كل شي ...!!


الله يسلمكم انا على حسابي الخاص من 5 شهور تقريبا , وفيه غيري أقدم مني الله يساعدنا ويساعدهم
سالفتي اني تخرجت علمي 86 والقياس فوق 70 الحمد لله

درجة حلوة , بس لما قدمت في كل مكان بالبلد كنت غير مقبول .. يعني الشهادة مقامها تحت النعال مهما كانت نسبتها !!!!
بعد الاضطهاد بالتعامل معي برفضي بجميع مكان كنت أقدّم فيه أنا وخويي ... جاتنا فكرة السفر للخارج
وباختصار بعد وقت جانا والد صاحبي وقال لقيت لكم واسطة اذا تبون جامعة الملك سعود
فكرت بالموضوع انا قررت السفر كان عندي مبلغ شوي قليل بس زين كنت اشتغل سكيورتي راتب 1600 ريال جمعت الراتب والوالد ساعدني أكيد ماقدر أستغني عن مساعدته الله يحفظه ...

اللي حصل ان كلام الناس أغراني كان ينقط عسل >> راح يضمونك على البعثة بعد اسبوع , بعد اسبوعين , بعد شهر ,, لاتخاف يضمونكم هاليومين ,,, << مايحتاج أكمّل

وخويي قرر دخول الجامعة , الله وفقه .. وبعد ماشاف الطلاب يقولي ان فيه كثير نسبهم بالثانوية خايسة خايسة وش مدخلهم الجامعة !!!

3 شهور صرفت المبالغ اللي عندي بمعهد اللغة مع بركة الملحقية بالرفض المتواصل ...
كنت أقرأ وأسمع عن الواسطات وكيف ينضمون أصحاب الواسطات بأوقات خيالية وكنت أقول ( قوووية ) كنت اتوقع اللي يكتب أو يقول هالشي يحط بهارات من عنده

الين شفت بنفسي بالمعهد معي شباب بأقل من 30 يوم والله العظيم انضموا على البعثة أكثر من واحد .. وبعضهم أخذ مدة أطول شوي ! بس مصيره انضم, لو ننظر لحالتهم المادية نشوف انهم يقدرون يدرسون 5 سنوات ويجيبون شهادة ماستر وهم على حسابهم الخاص بدون أي تأثير على حالتهم المادية , ومع ذلك ينضمون على البعثة
والناس غيرهم اللي يحتاجون البعثة وراتب البعثة أكثر من غيرهم ... يضلون بلا بعثة انتظار للمكرمة , وكأن المكرمة تجي للفقراء والمساكين لستر الفساد الموجود بضم عيال الحمايل !!!!!!!!

بعد 3 شهور دراسة كلمت اخوي يبيع السيارة , صرفت الفلوس شهرين وكان قدامي شهر واحد واحتاج اني أدفع للترم الجديد بعد شهر
ماتت الأحلام فكرت بحاجات والله أخجل اقولها صرت مكتئب واقولها لكم بصراحة صرت خايس نفس >< ودرجاتي بالمعهد صارت زفت

كنت مقرر خلاص بعد هالشهر أرجع البلد وحسبي الله على الظالم
كلمني اخوي قال أنا بدعمك بمبلغ حق الترم الجاي 3 شهور ولكل حادث حديث ...! وقال انسى موضوع انك ترجع البلد بهالوقت
هذا اللي صار فكرت أغير المعهد أدور شي رخيص مالقيت شي يعجبني !

بعدها اكتشفت ان المبلغ هو أساسا من عند الوالد وهو متسلفه وماكان بيقول انه هالمبلغ من طريقة
ماقول الا الله يحفظة , ويلعن الظالم ! كلها بدعوة وحدة عشان تنقبل يارب..!!

والله مادري وش اقووول أكثر من كذا
عاد انا دايم اقول >> على الاقل انا جاي وأصرف فلوسي من تعبي وشغلي , ماهو مثل بعض الناس اللي بأقل من 30 انضموا .. بالوقت اللي انا كنت أشتغل فيه هو كان يدور بالتحلية <<
خخخخخخخخخ شرايكم واثق صح

بسسسسس مابقول زيادة ,,,, موضوعي ماله داعي اصلا بس كنت ابي افججججر الحررة اللي داخل صدري !!!!

حسبي الله ونعم الوكيل
حسبي الله ونعم الوكيل
حسبي الله ونعم الوكيل
الله يحاسبك ياظاااااااااااااااالم