الأعضاء الإشتراك و التسجيل

الملتقيات
ADs

ابتعاث الموظفين ....................؟

ابتعاث الموظفين ....................؟


NOTICE

تنبيه: هذا الموضوع قديم. تم طرحه قبل 5931 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية الحاتم
    الحاتم

    مبتعث مستجد Freshman Member

    الحاتم غير معرف

    الحاتم , تخصصى ممرض , بجامعة جامعة الملك سعود
    • جامعة الملك سعود
    • ممرض
    • غير معرف
    • الرياض, فانكفور قريبا
    • غير معرف
    • Aug 2007
    المزيدl

    December 23rd, 2007, 08:01 PM

    السلام عليكم

    يا شباب عندي مشاكل ( عويصة )..............ومحيرتني

    1/اخوكم يبي يكمل دراسة في الخارج .....لكن اطقها منا تروح من الجهة الثانية ..........يعني تعقيد في تعقيد

    (( والله عانيت يا شباب ................ولكن طموحي ماأبه يروح ))



    ومالكم في الطويلة

    انا موظف احدى الوزارات الحكومية ومعي دبلوم تمريض وابي اكمل بكاروليوس في الاردن وانا الان

    اجمع فليساتي ...........................!!!!

    لكن .................

    كيف ادرس على حسابي ثم التحق بالبعثة؟؟؟؟............... ما عندي مانع اني استقيل بس اضمن البعثة !

    وفكرت اني اخذ اجازة استثنائية سنة بدون مرتب طبعا ثم امدد سنة ّ!!!!!

    فهل تعتقدون ان الوزاة سوف تمنحني الفرصة ؟؟


    او وش رايكم في حلي ام هناك حل اخر ؟؟

    مع العلم ان خدمتي سوف تكون اقل من سنة ( يعني 4 شهور تقريبا)

    2/ هل بأمكان التحويل من دولة عربية الى دولة اجنبية ؟؟؟ وهو ملتحق بالبعثة ؟




    تكفون يا شباب وصبايا الي عنده لو علم بسيط(( في هذه المشكلة )) لا يبخل علينا ممكن يفيدنا ؟؟؟
  2. هلا اخوي الحاتم

    من كلامك باين عليك عندك خلفية عن النظام وصلاحياته..
    بالنسبة لك كموظف النظام ممكن يعطيك اجازة دراسية بدون مرتب لأي قبول
    تجيبة لكن شرط يكون عندك ع الأقل خدمة ثلاث سنوات (باستثناء الأطباء)
    ويعطيك اجازه استثنائية سنة تتمدد بعد ذلك من ديوان الخدمة المدنية حسب
    اذا كان لدى الموظف عذر مقنع.

    اذا كانت خدمتك اقل من ثلاث سنوات فما عندك الا خيار الإجازة الاستثنائية وهي تعطى لك عادي شرط يكتب رئيسك المباشر (لامانع لدينا)
    اذا كانت خدمتك اكثر من ثلاث سنوات فتعطى اجازة دراسية حتى انتهاء مدة دراستك تقدمها لوزارة التعليم العالي عند ذلك الوزارة تبتعثك بعد مرور سنة حسب النظام دون الحاجة الى الاستقالة.

    مريت بظروف مشابهه حسب الحالة الأولى واضطريت بعد انتهاء الاجازة الاستثنائية للاستقالة والآن مبتعث ولله الحمد..أنصحك دامك مضحي بفلوس ووظيفة ومتغرب..تدرس طب او طب أسنان والله يوفقك وين مارحت..
    اتمنى اكون افدتك واي تساؤل آخر انا حاضر
    7 "
  3. هلا اخوي fofeto

    والله ان ردك يفرح الواحد .................من جد ما قصرت

    لكن اخوي انا خدمتي في الوزارة اقل من سنة يعني حوالي( 3 او 4 شهور ) ؟؟؟؟ فهل يعطوني

    اجازة استثنائية !!!............... انا اظمن مديري الباشر ( لا مانع)


    طيب اخوي ممكن تعطيني الاجرآت الي سويتها ...............ولا عليك امر


    لاني ابي اسوي مثلك ولا اعرف كيف ابتدي منه !!!


    وهل التحقت بالبعثة وانت ماخذ اجازة استثنائية ...........................يعني وانت موظف حكومي ؟



    ويعطيك الف عافية
    7 "
  4. تقريبا نفس الوضع مريت فيه أنا....بس أنا كنت موظف سابك وخدمتى حوالي سنه
    ورفضوا يعطوني إجازة استثنائية,,ورفضوا يطلعوني على حسابهم,,لكن الشي هذا
    ماوقف بطريق طموحي,,وقدمت استقالتي رغم معارضة العائلة,,والحمد لله أنا
    الان مبتعث,,,أهم شي أحسب ماديا وبالتوفيق ان شاء الله
    7 "
  5. هاوي نغم .. منور يا غالي..
    قرارك شجاع وربي عوضك بالبعثة ان شاء الله فالمستقبل لما يكون بين يدينك شهادة ترفع راسك راح تتأكد انك أقدمت على الخطوة الصحيحة..بالتوفيق يارب..


    اخوي الحاتم..اذا خدمتك 3 او 4 شهور فماأتوقع انك لك صلاحية بأي نوع من الإجازات..لأن السنة الأولى تعتبر فترة تجربة في القطاع الحكومي..لازم تكون خدمتك ع الأقل سنة

    لكن هذا نظام وزارة الخدمة المدنية ومعرف اذا كل الوزارات راح يطبقوه بحذافيره..انت جرّب وشوف..

    تكتب خطاب لرئيس القسم اللي انت فيه..او الشخص المسؤول اللي توجه له الخطابات ويرفها لمدير المستشفى..
    الخطاب مضمونه انك ترغب بإجازة استثنائية بسبب ظروف قاهرة ومدتها 6شهور من تاريخ كذا ويوافق عليها رئيسك ويرفعها لمدير المستشفى ويفضل يكتب عليها (لا مانع حيث ان العمل مُؤمن خلال هذه الفترة)..وهي عاد من عند مدير المستشفى تآخذ طريقها للوزارة او المديرية ويصدر لك فيها قرار لمدة 180يوم قبل انتهاء المدة بشهر او شهر ونص ترفع خطاب بتمديد الاجازه وتتمدد عادي..(بعد سنة)ترفع خطاب تمديد آخر..(اذا حبيت) لكن الموافقة هذي المرة راح تجي عن طريق ديوان الخدمة حسب ظروف الموظف وأحقيته لها.. لأن أول سنة تمنح عن طريق جهة عملك ومابعدها عن طريق الديوان.

    بالنسبة لي انتهت السنة الاستثنائية واستقلت بعد ماتأقلمت فبلد الابتعاث وبدأت اجراءات الانضمام للبعثة..وانضميت للبعثة بعد 20شهر من بداية الدراسة بسبب وزارة التعليم العالي ونظامها الجائر.

    اي تساؤل آخر انا حاضر
    7 "
  6. طيب ممكن أدخل عرض بعد إذن أخوي صاحب الموضوع

    عندي كم سؤال للأخ fofeto

    أنا معلم ولي خدمه سنــة والآن في الثانيـة هل يحق لي طلب اجازة استثنائية ؟

    ورئيسي المباشر هل هو مدير المدرسـة ؟ ! !

    وإذا قدمت هل في ظنك يوافقون ؟

    ثم هل تؤيدني في الاستقالـة واكمال الماستر في استراليا ؟


    وأتأسف لصاحب الموضوع ولكني في حيرة من أمري


    تحياتي
    7 "
  7. أولا : يعطيك العافية اخوي على مساعدة الغير وهذا يدل على طيب اصلك .


    ثانيا: ( ضروف قاهرة ) هذه حط عليها الف خط وخط .....! كيف ؟


    يعني اقول مثلا ظروف قاهره وبس !!! ............ أو اقول ابي اكمل دراستي حتى التحق بالبعثة

    ثالثا :و اعتقد انا من شروط الابتعاث على الحسابهم الخاص.... موافقة العمل عليك وهذه علياه

    اوراق واختام ؟!؟


    طيب يعني اذا قلت انا ابي اجازة اسثنائية لاجل الدراسة هل سوف يوافقون عليها ؟


    وانا صراحة داخ راسي في انظمة الوزارات .


    واشكرك اخوي مرة اخرى
    7 "
  8. اخوي Yamen مراحب يا غالي..احنا حاضرين

    اذا كان مدير المدرسة هو الشخص اللي يرفع لك تقييمك السنوي فهو رئيسك المباشر و موافقته الأساس..
    واذا رفعت بطلب اجازة استثنائية ومقر عملك موافقة فالوزارة توافق..مسألة روتين فقط..
    بعدين لاحظ ان الاجازة الاستثنائية فترة (بدون راتب) و (لا تحسبلك خدمه) فهم ماراح يخسرون شي طالما انك مرجعك موافق..

    اذا التخصص اللي انت رايح عليه باستراليا متميز وراح يعود عليك بالنفع فيما بعد فتوكل ع الله
    لكن خل نيتك خالصة لله أول شي واستخير وشاور والديك والله يكتب لك الخير حيث كان.

    ------------------------------------

    اخوي الحاتم .. الله يعافيك ماسوينا شي

    أكتب ظروف قاهرة او اي ظرف آخر ومو ضروري التبرير لأن الإجازة اذا كانت من حقك راح تمشي ومحد بيوقف فطريقك وخصوصاً انك اول مرة.. اما بعد سنة فتحتاج ظرف حقيقي ومقنع.
    وانصحك انك ماتكتب دراسة لأن الظروف الدراسية لها ((الاجازة الدراسية)) وهذي اتوقع انها صعبة يوافقون عليها وانت خدمتك قليلة.

    بالمناسبة..اذا بديت فاجراءات الحصول ع الموافقة وعبيت الاستمارة لاتكتب انك موظف..والوزارة ماراح تعرف اذا انت موظف او لأ..لأن فحالة قلت انك موظف..بيطلبونك الوزارة وحده من الثنتين ( استقالة او اجازة دراسية) بعدها راح تدخل معاهم فمشاكل..

    تمنياتي لكم بالتوفيق
    7 "
  9. يا الحااااااتم أيّ يراجعون الخدمة المدنية

    أبفهمك شي..
    الوزارة مو فاضية تراجع وراك وتشوف انت موظف أو لأ
    او بمعنى أصح مو مضطرة..
    لأن اذا كنت موظف حكومي وطلعت تدرس مرجع عملك نفسه راح يجبرك ع تصحيح وضعك بعد انقضاء الاجازة الاستثنائية إما بالعودة للعمل او الإستقالة أو الفصل..
    أذكر انك موظف فحالة انك تستطيع احضار اجازة دراسية فقط لأن فهذي الحالة بس وظيفتك راح تكون محجوزة لك وتبتعث بعد مرور سنة كأيّ طالب..غير كذا اكتب غير موظف أريحلك..لأن ممكن بعد توصل بلد الدراسة وتباشر دراستك يجيك ايقاف من الوزارة ويخيرونك بين احضار اجازة دراسية او احضار قرار الاستقالة..ووقتها تكون انت طالع بأجازة استثنائية مثلاً..فتضطر تستقيل بدري(هذا الشي حصل مع صديق لي)
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.