الأعضاء الإشتراك و التسجيل

الملتقيات
ADs

حوار يابلادي واصلي وأحنا وراكي

حوار يابلادي واصلي وأحنا وراكي


NOTICE

تنبيه: هذا الموضوع قديم. تم طرحه قبل 4401 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية عبسي محتاجكم
    عبسي محتاجكم

    مبتعث مستجد Freshman Member

    عبسي محتاجكم الولايات المتحدة الأمريكية

    عبسي محتاجكم , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى لايوجد , بجامعة لايوجد
    • لايوجد
    • لايوجد
    • ذكر
    • الرياض, المنطقة الوسطى
    • السعودية
    • Jan 2012
    المزيدl

    March 12th, 2012, 02:15 AM

    السلام عليكم ورحمة الله وبركاته

    كيف حالكم جميعا عساكم ع القوة

    يالاخوان ماكتبت هالموضوع الا من حرقتي وقهري على حال الوزارة عندنا وعلى حال ملحقية اكبر بلد في العالم من حيث عدد المبتعثين السعوديين فيها وغيرها من الملحقية , الحال والله مايسر لا صديق ولا عدو , ياخوي مافي هالبلد الا هالولد ؟؟
    وزير للتعليم من عام 1412 هـ لحد الآن عام 1433 هـ , يعني اكثر من عشرين سنه وهو وزير للتعليم معقووووووولة مافيه غيرهـ ؟ والمشكلة ان تخصصه تخطيط مدري شنو , ابي افهم وش الانجازات اللي سواها لتعلمينا خلال هالعشرين سنه رغم ان ربع الميزانية يذهب للتعليم ؟

    المبتعثين تخرجو بالالاف ورجعو للديره بدون وظايف , والطلاب في الخارج ضايعين ماغير شغالين صرفيات على هالبنات والبارات ونا شايفهم بنفسي ( بدون تعميم ), اخترعوا موضوع الابتعاث عشان يلهون هالصغار بالسن عقب مارفضتهم الجامعات السعودية رغم ان نسبهم تتجاوز 90% , التواصل بين الطالب والوزارة او الطالب والملحقية اصبح سيئ جدا جدا , كل يوم والثاني نشوف طالب متضرر منهم , طلاب لهم سنتين يدرسون بمرحلة اللغة بسبب الواسطة , وطلاب ماتجاوزو السنه الا والصرف موقف عليهم لضعف الدرجات .

    نجد ان الدول صارت تعقد التأشيرة على السعوديين رغم اننا ندفع مليارات لهم ومع ذلك ماوجدنا اي تدخل من الوزارة لمساعدت الطلاب , اللي له ثلاث سنين يدرس ورفضو تجديد فيزته واللي باقي له ترم ويتخرج ورفضو تجديد فيزته والوزارة لا تحرك ساكنه .

    عيالنا في الخارج صارو ينتظرون رحمة موظف اجنبي بالملحقية السعودية وصرنا نذل انفسنا مع موظفين اقل مايقال عنهم انهم مستهترين ولا يستحقون هذا الشرف ابدا وكانهم يدفعون شي من مخابيهم , والمشكلة الواسطة ماغير تلعب لعب مع ابناء القبائل , تلاقي العتيبي يفزع للطالب العتيبي , والشمري يفزع للشمري وخذلك من هالواسطات اللي لاحقتنا حتى بالخارج .

    تخيلو يالاخوان طحت في مشكلة في كندا ولجأت لربي ثم لملحقيتنا الكريمه هناك ومن عام 2009 ليومنا هذا لم يتم الرد علي , رغم ان المشكلة مهمة جدا وفيها نهاية لمستقبل طالب , تعهد الملحق والموظفين على رعايتهم ومساعدتهم , وفعلا انتهى مستقبلي الدراسي في كندا وكان بالامكان علاجه من الملحقيه .

    تخيلو يالاخوان في موقع وزارة التعليم العالي , حبيبنا الدكتور يقاله طيب قلب ويبي يتواصل مع الطلاب ومفعل خانة اسمها ( تواصل مع معالي الوزير ) , فقلت في نفسي ماشاء الله حن علينا الوزير وتواضع واللي ماقدر يوصله لمكتبه بيوصله عن طريق هالخدمه , وقلنا يالله خل نراسله ونشوفه هل بيحل مشكلتنا ام لا , وراسلته طال عمره وابيكم فقط تشاهدون متى رسلت له هالرساله :




    طالعو يالاخون من شهر 7-2011 لحد الآن والله لم استلم اي رد على رسالتي

    قلنا ماعليه يمكن البطانه اللي تحت معالي الوزير أبو عشرين سنه طالحه وغير صالحه وماوصلت له هالرساله , وقلت يلا برسل له برقية طال عمره لعلها توصله من شركة الاتصالات , وفعلا رسلت له برقية طال عمره منذ أكثر من 4 أشهر وليومنا هذا والله يالاخوان لم يأتيني اي رد .

    ياخوووووووي فكونا من معالي الوزير وخلونا نشوف الملحقية العظمى حقتنا في امريكا , انا ابي ادرس على حسابي وميزانيتي على قدي ممكن تكفيني سنه فراح احاول اني اوفر جميع المتطلبات عشان اول ما اوصل اقدم طلب الحاق

    قعدت ست اشهر ادور على ولاية مناسبة لي وعقب ما حددت الولاية بعد هالعنا والتعب والمبالغ المالية اللتي دفعتها تفاجأت ثاني يوم ان الملحقية مقفله الولاااااااية كلها بدوون لا احم ولا دستور , بيوم وليلة ضيعو جهد ست اشهر مني , يعني مافيه تنبيه ، مافيه تقدير للي مسجلين في هالمعاهد , مافيه مراعاة لشعورنا , وكاننا جراثيم لا قيمة لنا .

    قلنا ماعلييييييييييييه نشوف ولاية ثانية وفعلا قعدت ادور على ولاية ثانية لحد مالقيت الولاية المناسبة لي ورتبت اموري وسنعت نفسي وقلت ياولد والله ماروح لحد ماراسلهم واقوولهم هاااااااه الولاية مفتوحة وهالمعهد معتمد او لا , ردو علي ( اييييييه ) نعم المعهد معترف وبامكانك تدرس فيه

    قلنا حلوو وادفع للمعهد واسنع اموري وارتحت نفسيا , وعقب اسبوعين قلت ياولد خل اسالهم مره ثانية يمكن الموظف نسى او شي ,, واقوولهم يالاخوان هل بامكاني ادرس بالمعهد واقدم طلب الحااااااق ,, ردو علي ( لااااااااا ) ماتقدر تدرس فيه لحد ماتجيب قبول مشروووط منه وساعتها يمديك تدرس فيه .

    قلنا ماعليييييييييييييييه بنجيب القبول المشروط , واقعد اترجأ المعهد واحاول فيه لحد ماعطوني قبول مشروط , وقلت ياولد برسل لهم القبول المشروط واقولهم هاااااااااه شغلي سليم هالحين او لا , عشان اسافر ونا مطمئن .

    ردو علي بعد كم يوم ( لاااااااااا ) حتى لو تجيب قبول مشروط ماتقدر تدرس بهالمعهد لاززززززم تغيره ؟؟؟؟؟؟؟؟؟؟؟؟


    بالله عليكم هالحوسه وهاللعب وهاللخبطه ماتقهر ؟ ياخي النفسيه صارت دمار ونا توي مارحت لامريكا اجل لو ارووووح وش بيصير لي , والله اني كرهت الدراسة وكرهت اكمال الدراسة كله منهم , واللي يجيب لك الغبنه انك تقعد تكتب رسالتك وتفصل فيها وتحرق نفسك فيها وتذكر كل التفاصيل ,, وتتفاجأ ان الموظف حبيب القلب يرد عليك بكلمتين بالضبطططططططططط , وكأنه يقول ياخوي طسس ماني برايق لكم .

    قلنا ماعلييييييييييييييييييه نقددددددم شكووووووى لقسم الشكاوي ونشوف وش بيسووون , وهالحين والله لي حول الشهر او الشهرين من قدمت الشكوى وليومك هذا ماجاتني حتى رساله فارغة منهم .

    اذا كان هذا حال ملحقيتنا العظمى في امريكا فما بالك بباقي الملحقيات السعودية في العالم

    الطالب مايحتاج فلوس كثر مايحتاج الدعم من الملحقية والوزارة , اذا ملحقيتنا ماوقفت معانا وماساعدتنا باسئلة سخيفة وتافهه من بيساعدنا ؟؟ صرنا نلجأ لهالصوص اللي ماغير ينهبون فينا ليل نهار عشان قبولات او عشان مساعدات , اللي المفروض يكون مسؤول عنها هي الملحقية .

    ياخي اذا كان عدد المبتعثين في امريكا يتجاوز العشرين الف بكثيرررررررررررر غير الدارسين على حسابهم الخاص , وذولي واضعين لك عشرة موظفين فقط مسؤولين عن الاجابة على استفسارات المعاهد والاعترافات وغيرها , والمشكلة انطررر يا,,,,, لحد مايجيك الرد منهم ,, وكاننا نظرهم طرارهـ .


    الحاصل والخلاصة الملحقيات والوزارة يبيلها غربله شاملة , يبيلها تنظيم وترتيب لان الوضع هذا مايسر لا صديق ولا عدو , ياخوي الدولة اللي تماطل بالفيز واللي ترفض فيز طلابنا لاسباب سخيفة محنا بملزومين نجبر طلابنا عليها مثل كندا , فيه مليون ديره غيرها , ياخوي حتى اسعار المعاهد زودوها علينا وجرمنا الوحيد هو اننا سعوديين فقططططططط , حتى الدراسة صارو يرسبوننا فيها حتى لو كنت دافور واذا سالتهم ليه قالولك ياخوي الوزارة تدفع عنك وش مزعلك ؟ ونروح نقول للملحقية وماحولك احد .

    الكلام هذا من وجهة نظري الخاصة ومن تجارب عشتها معاهم لاحد يفرفر فوق راسي ويقعد يطبل لهم عشان قبلوه في البعثة او عشان مشو له معاملة ومدري شنو ,




    مع السلامة

  2. بصراحة تعجبت من بعض الاخوان اللي كاتب له سبع مرات مقدم طلب ألحاق ورفضووه واللي يقول اكثر من سبع واللي يقول لي سنة ادرس وماضموني , يعني لازم نرسل شيابنا عند معاليه الكريم وتصير السالفة حب خشوم عشان يمشي الطلب ؟؟<br><br>انا درسة في كندا اكثر من سنة وكان الالحاق في البعثة على قفى من يشيل لدرجة ان الملحقية تدور على الطلاب اللي يدرسون على حسابهم مايمر ثلاث اشهر الا وانت ملحوق في البعثة اذا كملة اوراقك , فليه معقدين الوضع في امريكا ؟ او الدعوة تعقيد من الملحق نفسه والملحقية نفسها ؟<br><br>الواحد من كثر مايقرأ هالمواضيع صار يخاف من السفرية لامريكا يخاف يضيع شقى عمره ويدرس بالسنة والسنتين وفي الاخير مايلحقونه الا بالواسطة او بطريقة حب الخشوم وزيارة مكتب معالي الوزير .<br><br>ليه مايكون فيه سياسة واضحة ومكتوبة في موقع الملحقية ويكون التعامل لجميع الطلاب بسواسية بدون واسطات , طالب يدرس على حسابه خمس اشهر ومنتظم ودرجاته جيدة وش اللي يمنع يلحقونه للبعثة ؟&nbsp; <br><br>قمة الاحباط صراحة انا كنت اسمع عن تعقيد الملحقية في امريكا لكن ماتوقعتها بهالشكل
    7 "
  3. السؤؤؤؤؤؤال المحير جدااااااااااااااا

    معقولة الدولة ماهي بقادرة تفرح ابنائها الكم الف المتواجدين في امريكا ويدرسون على حسابهم ؟؟

    يعني لو ماكانوا فعلا ناويين يدرسون ولو ماكانو طامحين يخدمون بلدهم ولو ماكانو مهتمين بالدراسة , هل معقولة بيطلعون للخارج وبيتغربون عن اهلهم وبيدرسون على حسااااااابهم الخاااااااص وبيدفعون من عرق جبينهم لعبا ولهوا ؟

    ياخي خل نقول عدد الدارسين على حسابهم في امريكا خمسة الالاف معقولة الدولة ماعندها قدره تلحقهم بالبعثة وتصرف عليهم بدون واسطات ولا حب خشوم ولا ترسل شايبك لمكتب معاليه الكريم وتحب راسه وبدون ماينفخ عليك موظف سخيف من الملحقية وبدون مايتم رفض طلبك بسبب ان اليوم الموظف مافطر زي الناس أو لازم ندفهم من تحت الطرابيزة مثل حال الوزارات اللي عندنا بالجوازات ومكتب العمل وغيرها

    شباب ودنا واحد يغامر ويضحي ويدفهم من تحت الطرابيزة ونشوف هل تمشي اموره او لا , نبي نسوي حملة اسمها

    (( اول راتبين لك )) للي يدفنا طبعا

    المشكلة مانطلب تعقيدات ومانطلب اشياء خيالية , كل اللي نبيه المساواة ياخي اذا بتمشي علي مبدأ خلص اللغة وخلص الثلاثين ساعه طيب مشها على غيري ونا راضي واحطك على عيني وراسي , اما انك تمشيها علي وتنشب لي ومع غيري تزحلقها يمين يسار هذا اللي يقهر .

    والمشكلة ايضا ماعندهم قانون ثابت والله يالاخوان هالشي ملاحظة بشدة , يعني كاتبين في موقعهم لازم تخلص اللغة وثلاثين ساعه وتتفاجأ ان فيه ناس ضموهم خلال شهر وناس ضموهم قبل مايخلصون اللغة وناس ضموهم عقب اللغة وناس ماضموهم ابد الا عقب ماخلصوا الثلاثين ساعه , هذا وش نسميه بالله ؟

    حسبنا الله ونعم الوكيل هذا اللي نقدر نقوله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.