الأعضاء الإشتراك و التسجيل

الملتقيات
ADs

استفسار مابي منكم الا المشوره بس شورو علي بس^_^

استفسار مابي منكم الا المشوره بس شورو علي بس^_^


NOTICE

تنبيه: هذا الموضوع قديم. تم طرحه قبل 4372 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أحــمــد المطيري
    أحــمــد المطيري

    مبتعث مستجد Freshman Member

    أحــمــد المطيري السعودية

    أحــمــد المطيري , ذكر. مبتعث مستجد Freshman Member. من السعودية , مبتعث فى السعودية , تخصصى كهرباء , بجامعة الكلية لتقنيه
    • الكلية لتقنيه
    • كهرباء
    • ذكر
    • الدمام, الجبيل الصناعية
    • السعودية
    • Apr 2012
    المزيدl

    April 9th, 2012, 09:17 AM

    السلام عليكم ورحمة الله وبركاته

    حي الله كل مبتعث ومبتعثه

    الوطن اشتاقلكم ^_^

    اسال الله لعلي لقدير ان يحفظكم ويسهل اموركم ويرزقكم من حيث لا تحتسبو
    واسال الله الكريم المنان ان ينظم للبعثه كل من يحتاجها

    اخواني اخواتي

    اخوكم احمد المطيري 31 سنه متزوج وحلو ^_^
    موظف شركة سابك (مشغل)
    مديون بـ 220 الف قروض<<<ناوي اخلي اخوي ياخذ قرض ويسددها
    خريج كلية تقنيه تخصص قوى كهربائيه معدل 3.9 من 5
    لي شهر وانا افكر في اكمال الدراسه
    والفكر اتعبني واشغلت بالي

    في جيت اسال اهل لخبره واستشيركم لعل الله ان يهديني للطريق الصواب والخير

    هل الدراسه بالخرج تستاهل اني اترك وظيفتي واطلع ادرس
    هل بعد التخرج الفرص الوظيفيه كثيره؟
    ماهي انسب الدول للدراسه؟ امريكا بريطانيا استراليا نيوزلندا ...الخ

    هل انظم للبعثه بسهوله؟؟وهل الانظمام من خلال التعليم العالي ام الموسسه العامه؟؟

    شورو علي الله يجزاكم الفردوس الاعلى


    في امان الله

  2. حياك الله اخوي ..

    بأحاول اختصر لك قد ما أقدر .. اذا راتبك كويس لا تطلع
    وبالنسبه للانضمام مش سهل .. اول كان سهل .. بس حاليا لازم تكون مخلص اللغه وجايب قبول جامعه .. أول عالاقل يكون لك كم شهر بأمريكا عشان ينظر في أمرك
    وانا اشوف انك شخص مديون وممكن سفرك يحط على ظهرك دين اخر وعلى شي مش اكيد لانك ممكن تجي ولا يضمونك وساعتها تندم

    لكن اذا ودك مره بالابتعاث انا اقول لك خلص اللغه بالسعوديه واختبر الايلتس بالسعوديه .. وقدم على الجامعات وجيب قبول وتعال امريكا واحسب في بالك ميزانيه شهرين عالاقل واول ماتوصل روح للملحقيه وقول لهم ان امورك تمام وراح تبدء دراستك واتمنى يضمونك وقتها وما يطلعون بقرار جديد ان لازم تخلص التسع ساعات حقت الماجستير .. مثل ما هالسنه شددوا كثير على اللغه وما مشوا الطلاب الا اللي لهم فتره بأمريكا

    # اتمنى اكون افدتك والله يسخر لك الخير ويختار لك الصالح
    7 "
  3. حياك الله اختي Mima

    الله يجزاك خير على اهدائي القليل من وقتك الثمين والرد علي

    انا ابي اكمل الدبلوم واخذ هندسه

    سابك كررررررررف اذا ما عندك هندسه
    وانا احس مكاني انجنير ماهو مشغل


    انا ابي اتحمل الديون وادبر 120 الف ريال<<اتوقع تكفي لمدة سنه

    لكن استفساراتي فوق هل لها اجوبه؟؟


    في امان الله
    7 "
  4. أخوي احمد الله يرزقك ما تسد فيه دينك و زيادهـ ...

    بالنسبه للاستفسارات السابق ذكرها فوق ما ودي اتفلسف عليك لأنك عود وأكبر مني وأفهم لكن بس ما يمنع اني اهذي شوي عن نفسي اني فيلسوف ...

    المهم بالنسبه لوظيفتك بسابك يمكن تكون كرف و قلق و.... الخ لكن يقول المثل خليك على قردك لا يجيك الي اقرد منه وتركم انت والاعضاء من شلة القرود اللي حاطها ...

    لأن موضوع الهندسه الكهربائيه كنت مع واحد الاسبوع اللي راح عندهـ قبول هندسة كهربائيه والرجال ابوهـ دق عليه وقاله عمك اللي شغال بارامكو يقول غير تخصصك الهندسه الكهربائيه فيها اكتفاء

    ووظايفها صعبه في المستقبل هذا اللي قالي عليه الاخ ولا ادري صدقه من كذبه بس يمكن تفيدك المعلومه هذي ...

    لذلك انا اقولك خلك ع اللي انت فيه لا تجي تتمرمط سنين الله واخرتها ما تلقى وظيفه لا قدر الله او ترجع على وظيفتك نفسها وقتها بتصتغر الوظيفه بعينك بعد ما صرت مهندس ...

    اما اذا لك رغبة تكمل هندسة اخرى وعندك المقدره تتحمل المصاريف والكرف حق الغربه الله يقلعها وعاقد العزم ع الشهاده فاعقلها وتوكل بس حط فبالك الالحاق صعب اللحين ماهو زي اول هو يجي الالحاق

    بس المده ما تقل عن سته شهور ويمكن تزيد لحد السنه او السنه ونص اذا تقدر توكل ....

    وأخيرا عليك بالاستخارهـ والخيرهـ فيما اختاره الله ...

    هذا وأنا ما ابي اتفلسف كذا <<< ماشالله علي
    7 "
  5. وعليكم السلام

    اخي المطيري

    متزوج وعليك دين وتريد ترك الوظيفة وتثقل كاهل اخيك بالقرض فنصيحتي لك بأن تستمر في وظيفتك وانصحك للمرة الالف لاتترك وظيفتك

    تذّكر...انا اريد وانت تريد والله يفعل مايريد

    تذكّر...وعسي ان تكرهوا شيئا وهو خير لكم

    اكيد لديك اطفال

    هل لديك دخل اخر من عمارة مثلا لو تركت الوظيفة ؟؟؟؟؟؟؟؟؟

    الوظيفة لايحصل عليها انسان يملك ماستر بالنظام

    ولكن يحصل عليها راعي متوسطة او ثانوي بالواسطة ...وهو واقعنا وعلينا ان نعترف به .
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.