تقرير تحذير من معهد اللغة بجامعة مونتانا مدينة ميزولا ELI

الحمدلله يارب انا في كلورادو والمعهد ممتاز جدا وياهل للجامعة بدون ايلتس ولا توفل

يالطيف منو الي يهوديه؟؟؟ لا تكون anna?

والله ياختي المعامله معه كويسه وهم محترمين لكن مثل ما قلتي ما عندهم اجهزه والفصول شبه متهالكه>>> الشتا هذا والله ياهو برد والمشكله التكييف تعبان

المعلمين طيبين الا الان ماشفت عنصريه.. بالنسبه للسعوديين والله انا ما اشوفه عيب بالعكس السعوديين افتخر اني ادرس معاهم! ع الاقل ولد ديرتي وفاهمين ع بعض..

وسوا حنا نتكلم انجليزي لانو ممنوع نتكلم عربي..

بس الصراحه بشكل عام ما حبيت المعهد والمدينه ملل * ملل ( بس حلوه للي يدرس جامعه ) اصلا المدينه جامعيه.. والناس فيها من افضل شعوب تعاملت معاه قبل...

شكرا للتحذير بس طاح الفاس بالراس بدري تو تتكلمين ٤ سمسترات

يا اختي ماودي اقولك ان 80 بالميه من المعاهد في امريكا كذا والعن . تقريبا كل الي في ها البزنسس عندهم فكره عن برنامج الملك عبدلله وكيف يقدرون يمصون الفلوس من ثغرات الملحقيه الاداريه . في جاماعات صارت تفتح معاهد شكل بس لان تدري الشعب يكب عليها مهما كان . دنفر مثلا فيها ست معاهد اعرفهم . كلهم 90بالمية من الطلاب سعوديين. اخر حركه وصخه واحد منهم دبل السعر فجئة بدون اي سبب رفع اربع ميه من رااااااااسه !! وهو زرنوق الواحد يمشي ويصقع في العالم وهذا كل يوم امر عند الاوفس اقل شي ثلاثه واقفين كل واحد يبي يطلع اي توني لجماعته. اما عاد اساليب الزرف الله لايوريك والله انهم تفنن في لحس الضمان المالي.
اما الي يقول مافيهم عنصريه اسمح لي اقولك قلبك توه رهيف لاتخدعك الابتسامه والوجه البشوش. درست في ثلاث معاهد وكل واحد العن من الثاني .التدريس موجود وحمدلله المستوى تمام لكن من النواحي الماديه فصراحه لاعبين لعبتهم صح.

المعاهد الاهلية مثل معهد ELS في امريكا من المعاهد المادية من الدرجة الاولى والمشكلة انها تتعمد ترسيب السعوديين لعلمهم باننا على حساب حكومتنا حكومة ابو متعب عطيب المضاريب الله يخليه لنا يا رب فاصبحو يحاولون مص كل ما تحتويه الميزانية الموضوعة من قبل ابو متعب لكل طالب سعودي .
لكن انا ارى من وجههة نظري وضع جهة في الملحقية الثقافية تقوم بتتبع هذه الظاهرة من قبل هذة المعاهد وان تعاتب عليهم وان تخبرها بانها ستوقف هذا المعهد الاهلي كان او جامعي من قبل الملحقية حينها سوف ترون كيف ستسير الامور (مثال حصل على واحد من اصحابنا سعودي من ربعنا في المعهد كان يختبرالفاينل ولم يحضر طالب معه في نفس الكلاس من جنسيه تركية الى هذا الاختبار يعني التركي غايب الاختبار النهائي تفاجئ صاحبي السعودي في النتائج اليوم الثاني بنجاح التركي الذي لم يحضر الاختبار واخونا السعودي اكلها في لحيته يعني رسب يعني سقط يعني يعيد الشهر يعني تصرف ميزانية جديدة على نفس الترم وهذا حصل في معهد ELSقبل ثلاثة اسابيع مدينة فلادلفيا ولاية بنسلفانيا ).

كل الشكر والتقدير لصاحب هذا الطرح الجميل .

^^^^^^^^^^^^
ياخي صح بهالنقطه هذي انا معاك.. في عنصريه كبيره لاننا مبتعثين ممكن يجلسوك.. في واحد عندنا صار له هنا في نفس المعهد سنه كامله ولسا في المستوا الاول!!!!!

وفي ناس لهم سنتين ولسا في المستوا الثالث!!!

بهذي احب احذر من المعهد..