مبتعث جديد New Member
الولايات المتحدة الأمريكية
MR-FaHo0odi , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى Polymer Technology & scince
, بجامعة Pennsylvania college of technology
- Pennsylvania college of technology
- Polymer Technology & scince
- ذكر
- Portland, Oregon
- السعودية
- Feb 2012
المزيدl July 15th, 2012, 12:38 AM
موضوع متعوب عليه
ما اقول الا الله يجزاك خير ويحقق امانيك
اتمنى من المشرف يثبت الموضوع
احمممد July 15th, 2012, 06:36 AM
7 " يعطيك الف عافية والله موضوع حلو ستفدت منه كثييير
اتمنى المشرف يثبت الموضوع عشان الكل يستفيد
ماقول الا غير الله يسعدك ويوفقك ويفتحها عليك وين متروح
دكتور الغرام July 15th, 2012, 06:54 AM
7 " بصراااااااااااااحه موضوع يستحق الشكر
يعطيك العااااااافيه
وبالتوفيق ياغالي وعقبال ماترجع باعلى الشهادات
ماجستير معاناة July 15th, 2012, 07:22 AM
7 " موضوعك رائع .. كل الشكر
اكثر مالفت انتباهي هي فيزتك السريعه عشان كذا حبيت اسال ... وين سويت المقابله ... وش الاسئلة اللي انطرحت عليك .. وكيف كانت ؟
وش تنصح اللي يبي يطلع الفيزا ؟
هل نوع الفيزا من اسباب تاخير الفيزا ؟
هل لو الفيزا سياحية تطلع اسرع من الفيزا حق اللي يبي يدرس ؟
وسوري على الاطاله
leave me alone July 15th, 2012, 06:36 PM
7 " يعطيك الف عاقيه حبيبي على المجهود الاكثر من رائع و فادني في امور كثيرة بس وانا اخوك راسي قاعد يلف مو محصل الولاية المناسبة او اخاف اختار اختيار غير موفق او غير صائب
Hemoo u.s.a July 15th, 2012, 06:44 PM
7 " 
LinkBack URL
About LinkBacks
وربـك يستر لأنـي طاالع وع الله مااعرف انضم او لا 
July 15th, 2012, 12:38 AM
اولا .. انا تعمدت اكتب الموضوع باللهجة العامية ل سبب انها الاقرب للفهم ... وبرضوو سويت هالموضوع عشان شغلة ثانية .. انا تعبت فيها لما جيت ب اطلع ف حبيت افيدكم فيها ... شباب المنتدى مو مقصرين في جميع المواضيع من ناحية شروحات نصائح .. الخ ... لكني دخت في البداية ادوور لي موضوع شامل بالخطوات مالقيت ... لاني لقيت مواضيع و كل موضوع خاص في شغلة .. بس بما اني مبتدئ ماكنت اعرف وش اسوي اول .. وايش اسوي ثاني ... عشان كذا حبيت اني ابسط الموضوع في موضوع واحد ... بالاستعانة بمواضيع بعض الاخوان في مواضيعهم التخصصية ..
ثاني شئ ... قبل لاتقرا الموضوع للاخير ب اقولك شغلة ....
انا حاليا لي اسبوعين في امريكا ولله الحمد .. قبل تقريبا 3 شهور لما بديت اجراءاتي للسفر وتقديماتي وامور الفيزا .. كان معاي واحد من اخوياي .. برضو يبي يطلع امريكاا .. ف عرضت عليه اني اقدم له وادوور له قبولات بما اني ب ادوور ب ادوور ل نفسي انا .. فرفض وهو زي ماتقول فيه اشوية استهزاء علي .. قالي انا ب اقدم عن طريق مكتب .. وبطلع وب اسافر و بابدا ادرس وانت لسا ماجاك قبول .. ف قلت الله يوفقك واالايام بيننا .. طبعا نهاية الموضوع طلعنا الطيارة انا واياه بنفس اليوم ... وازيدكم من الشعر بيت .. سالته عن مجموع اللي دفعه للمكتب ( اجراءات قبول معهد + جامعة + فيزا + سيفس ..الخ ) قالي بين 7 الى 8 الاف ريال ... فرجعت له النظرة اللي عطانياه اوول ماعرضت عليه الموضوع ... وحسبت له كل شئ دفعته انا .. تقريبا الفين ريال سعودي فقط .. يعني الفرق اكثر من خمسة الاف ريال !!!!! فاللي يهمه الموضوع هذا حياه ربي ويقرأ الموضوع و انشاء الله نفيد ونستفيد ... واللي ماتهمه الخمسة الاف يديور الله لايهينه ... بس قبل لا يديور خليه يضغط على يوزري ويرسلي رسالة خاصة ويطلبني رقم حسابي ترى مابستحي ولا بقول لا
ثالثاا .. لا تستغرب من الفترة الطويلة اللي ذكرتها ( 3 شهور ) ... اغلب الفترة هذي (كانت فقط ل تحديد المكان ( المعهد + الجامعة ) اللي بروح لها ... اما الاجراءات الباقية ماتاخذ شئ .. تقريبا كل قبول يبي له اسبوع الى اسبوعين ... الفيزا ولله الحمد مااخذت اكثر من يومين ( بالنسبة لي ) في ناس تاخذ بالشهور >>>> الزبدة ... الفترة اللي من تبدا اجراءاتك الين تسافر تعتمد عليك شخصيا وعلى اجراءاتاك .. يعني مافيه حد اعلى او ادنى .
رابعاا ... انا موضوعي هذا موجهه لـ ( خريجي الثنوية العامة + خريجي الدبلوم ) لاني انا شخصيا خريج دبلوم عالي من كلية الجبيل ... وزيي زي خريج الثنوي في جميع اجراءات التقديم ... لسبب واحد راح اذكره لكم ان شاء الله .. بس قبل السبب احب اقولكم .... الموضوع هذا هو جميع ماسويت انا في فترة ثلاثة شهور ... يمكن نختلف انا و احد الاشخاص في اكثر من فكرةة .. ( خصوصا طلاب الدبلوم ) .. لكن احب اقولك وانبهك .. انت طالع طالع .. كل اللي عليك تسويه بس انك تنتظر لين ماتلتحق بالبعثة ( باذن الله ) ... ف متوسط المدة اللي راح تقضيها هناك للغة .. تقريباا سنة كاملة ... ففي هالسنة يمديك تجيب قبول الجامعة اللي انت تبي وتتشرط بعد ... بس مبدئيا خليك ع المظمون واللي مطلوب انك تسويه عشان بس تطلع وبرضو تستوفي الشروط المطلوبة ... طبعا السبب اكيد الغالبية منكم عرفوه .. اللي هوو ( انا ك طالب دبلوم قدمت وحصلت على قبول مشروط من جامعة بالثنوي ) وهذا المفروض الكل يسويه ... ليش ؟؟ طيب انا اقولك ليش ... القبول المشروط بالثنوي ... فيه جامعات تعطيك اياه في اسبوع الى اسبوعين ( اهم شئ تكون معترف فيها ) ... اما لو فكرت انك تسوي معادلة ساعات وتقدم بالدبلوم .. راح تحتاج من فترة شهر الى ثلاثة شهور ع الاقل لين يجيك القبول ... ف انت كل اللي عليك تسويه انك تقدم بالثنوي .. واذا وصلت هنا بالسلامة .. و على بال ماتنضم للبعثة باذن واحد احد وتكمل فترة اللغة عندك تقريبا سنة ... طقطق في القبوولات وتخيررر .. وماراح احد يقولك لا ... طبعا انت وجهدك ...
خامسا .. كل اللي عليك تسويه في البداية تسأل وتدوور في النت .. وتستشير وتبحث .. عن المدينة والولاية اللي تبي ترووح لها .. طبعا هذي مااحد يقدر يفيدك فيها الا انت شخصياا .. ليش ؟؟ البعض كل اللي يدووره تكون المدينة رخيصة والمعهد رخيص ولايهمه شئ ثاني ( بما انه على حسابه ) وهذي اغلبية اللي طالعين على حسابهم يدورون له ... في بعضهم يستحي يذكر هالشئ وياكلهاا اذا وصل هنااا ... حبيت اذكرك بشئ واحد .. تذكرر قبل لاتستحي انك ولله الحمد احسن مستوى من كثيررررررررررررررررررررر من العالم ... فيه البعض الاخر قد ماتهمه التكلفة يهمه الامان والمستوى المعيشي للناس اللي بيروح لهم والمجتمع اللي بيعيش فيه .. في ناس يهمه المدينة نفسها كيف ؟؟ المواصلات ؟؟ المطاعم ؟؟ نسبة الخليجيين ؟؟ .... الخ عشان كذا انت دوور واسال حسب اللي تبيه ... لكني ب اعطيك معلومة صغيرة انا ب افيدك فيها ... ( حسب اللي شقته انا ) اغلبية السعوديين متواجدين في فترة الدراسة على حسابهم الخاص في ولايتين ... ( اوريغون مدينة بورتلاند ) + ( كولاردو مدينة دينفر او مدينة فورت كلرس ) .... ليش ؟؟ انا اقولك ليش .. لانها تقريباا الانسب من جميع النواحي ... فيه مدن ارخص منهاا بس ناسهاا زبالةة ( تكرمون ) .. او مافي امان .. او مستوى معاهدها سئ جدااا ...الخ من الاسباب ... لكن هذي الولايتين تقريبا الانسب من جميع النواحي .. و انت وراحتك .
سادساا . اخترت المكان اللي بتروح له .. طيب توكلنا على الله :
جمع اوراقك واستخير وتووكل ...
1- جواز السفر وتاكد انه ساري المفعول ... انا واحد من اللي اكلووهاا .. ( وهذا سبب ثاني في تاخري 3 شهور ) يوم قررت كل شئ .. اطالع الجواز لقيته منتهي !!!!
2- شهادة الثنوي العامة مترجمة ... تقدر تترجمها في اي مركز تربوي قريب منك تابع لوزارة التربية والتعليم وياخذون يوم واحد فقط وبلاش ... كل اللي عليك تسويه تودي الشهادة + شهادة حسن سيرة وسلوك + جواز السفر ... وبرضو سمعت انا انه اصلا شهايد الثنوي صارت بالاساس تطلع مترجمةة ... مادري انا بس اتكلم عن زي حالتي اللي متخرج من 4 سنين او اكثر
3- بطاقة فيزا .. او ماستر كارد . والغالبية هنا ينصحون ب فيزا الراجحي او الاهلي ... بس انا انصحكم بشئ انا شخصيا سويته ... افتح لك حساب في بنك الانماء .. دايركت حسابك يكون هو نفسه فيزا .. بدون ماتطلع بطاقة ثانية او اي شئ ... ويكون عندك امكانية تسدد عن طريقها الى حد 1000 ريال يوميا .. ( للمعلومية .. ماراح تحتاج الى اكثر من الالف ريال في اي خطوة من الخطوات )
5- الظمان المالي ... طبعا هذي تخلي الوالد او اخوك او اي شخص يملك المبلغ اللي تبيه او اللي راح يتكلف بدراستك .. يزور البنك ويقولهم ابي ظمان بنكي بالمبلغ الموجود ويكون عام وشامل وبالانجليزي ويذكر اسمك فيه ... يعني حتى لو كان واجد بالاصل ماتعرفه يروح يطلع لك الظمان البنكي مافيه مشكلةة .. اللهم انه يكتب اسمك ورقم جوازك ظمن الظمان البنكي .. طبعا الظمان هذا ماراح يجمد الحساب ولا شي ولا اعتقد انه راح تلحقه اي مسؤولية لو صار شئ لا سمح الله .. اللهم اجراء احتزازي ( على اسمه ظمان ) من جميع المعاهد والجامعات الامريكية .
4- جميع مستناداتك واثباتاتك
5- لغة بسيطة جدا + مترجم قوقل .. وتمشي امورك وربي .. لا يغررك اللي يقول لك لازم لغة ومدري ايش .. لغة بسيطة بحيث انك تقدر تتفاهم عن طريق الايميل فقط لا غير ..
سابعا .. تقدم للمعهد اللي تبي تدرس فيه ... هذا الموضوع فيه اشوية تفصيل
طبعا اذا حددت المعهد اللي تبي تروح له .. يا حبذا في البداية تراسله عن طريق الايميل ... طبعا اغلبية المواقع تلاقي خانة في الصفحة الرئيسية اسمها contact us يعني تواصل معنا .. اضغط عليها .. اما انك تحصل ايميلهم او تحصل نافذة مباشرة تكتب الي تبي تستفسر عنه وترسله لهم وتحط ايميلك وهم راح يردون لك عن طري الايميل .. بعدها امتحنهم لين ماربك يفررجهاا وتقرر .. طبعا حاول تسالهم عن كل شئ حتى لو انك تعررف .. فقط لمجرد التاكد وبرضووو عشان يعلمونك كل الامور الخافية عنك ..
طبعا كل اللي راح تدفعه لهم في البداية .. رسوم الابليكيشن وهي تختلف من معهد لمعهد بس غالبا مابين 30 الى 150 دولار ... + رسوم توصيل الاي تونتي لك اللي هي غالبا 90 دولار .. طبعا هم راح يرسلون لك نسخة ع الايميل لكن النسخة هذي ماتستفيد منها الا في موضوع التقديم ع الفيزا .. يعني لازم النسخة الاصلية تكون معك .. عشان اذا جيت تسافر واجراءاتك في المطار
ملاحظة بسيطة من ناحية المعهد : بعض الناس يشوف اسعار بعض المعاهد مثلا 2000 دولار في السمستر .. ومعهد ثاني قيمته 900 دولار في الشهر .. فيحسب ان الثاني ارخص ... لا احبيبي اول شئ تاكد السمستر كم مدته ؟؟ لان اغلبية السمسترات مدتها مابين 3 الى 4 شهور ... فيكون الاول ارخص بمليوون مررةةة
شئ مهم جداا .. حاول انك تسأل المعهد وبرضو في نفس الوقت تنسب لوالديه انه يخلص لك ويسدد لك هو رسوم السيفس .. طبعا غالبية المعاهد تسوي هالشئ .. تدفع لهم رسوم السيفس اللي هي 200 دولار وامورك بالسليم .. وهم يخلصونها لك ... اذا مررررة مارضواا .. الله يعينك اجل سددها بنفسك .. وهذا موضوع جدا جميلا عن تسديد السيفس مع الشرح :
http://www.mbt3th.us/vb/forum128/thread315706.html
ثامناا .. خلصت من سالفة القبول وجاتك الاي تونتي بحمد الله ؟؟ قدم ع السفارة عشان الفيزا ... ماراح اتفلسف عليك واجد .. شوف نفس الموضوع السابق لاخوي المبدع Moom18 :
http://www.mbt3th.us/vb/forum128/thread315706.html
تاسعااا .. كذا يكوون تقريبا خلصت من سالفة السفررر .. الباقي هنا عليك اختياري ... وتقدر تطقطق فيه على راحتك .. زي ماذكرت ناس تبي تطلع معاها قبول الجامعة وناس مافكررر اهم شئ يطلع وناس وناس وناس .. الخ
اللحين دامك حجزت وتنتظر موعد السفارة وتنتظر الفيزا لين ماتطلع .. شووف لك اسهل جامعة يعطونك قبول مشروط ... ايش هو القبول المشروط .. طبعا لكل جامعة شروط معينة .. اغلبيتنا الحمدلله متجاوزين هالشروط الا شرط اللغة .. طبعا كل الجامعات يبون لغة .. تختلف من جامعة لجامعة .. كل جامعة تبي مستوى معين في التوفل او الايلتس .. لكن انت مبدئيا شوف لك اسهل جامعة يعطونك قبول في مدة قصيرةة .. زي ماذكرت في بداية الموضوع شوف لك اي قبول ( بالثنوي ) بس عشان تستوفي الشروط وتقدر تسوي طلب الحاق بالبعثة .. وبعدها طقطق على راحتك وجيب لك القبول اللي انت تبيه .. دامك مابديت الدراسة في الجامعة وانت لسا تدرس لغة تقدر تحدث ملفك وتحط الجامعة اللي تبيها ...
هذا موضوع جميل جدا للي يبي يراسل الجامعات :
http://www.mbt3th.us/vb/forum14/thread21924.html
وهذا موقع للتاكد من اعتراف الوزارة ب الجامعة .. لا تجيب العيد وتصدقني مرةةةة عااااد وتجيب لي جامعة مو معترف فيها اصلاا ...
الجامعات الموصى بها
عاشراا ... شووف موضوع السكن ودبر عمرك .. اذا كنت راح تدرس فيه معهد تابع لجامعة غالبا يتوفر عندهم اما سكن الطلاب .. او السكن مع عوائل عاد انت اسالهم وشوف ... اذا كان معهد تجاري .. غالبا يحاولون يوفرون لك سكن .. برضو اسأل وشوف .... اذا ماقدرت تدبر السكن عن طريق المعهد هذا موقع جدا جميل ونصيحة مني شخصيا حطه في المفضلة لانك راح تستخدمه حتى وانت في امريكا .. دوور فيه لك على سكن مع عائلة او دوور لك شقة او استديوو ... او اي نوع من انواع السكن اللي تبيه :
Craigslist > Cities
طبعا تختار المدينة او الولاية الي انت ساكن فيها .. وتحدد اللي تبيه بالضبط اللي هو سكن ( لان الموقع هذا شاااااااااااااااااااااااااااااااااااااامل لكل شئ ينباع حتى لو ورقة مكتوب عليه
احدى عشر .. رووح موعد السفارة ... وسوي اللي عليك والباقي على ربك ... الين ماتطلع لك الفيزاا .. طبعا انا شخصيا ولله الحمد مااخذت اكثر من يومين .. فيه البعض تاخذ شهر او اكثر !!! ف انت وحظك .. اوول ماتطلع الفيزاا .. شوف الوقت بين دراستك وبين صدور الفيزا وروح احجز لك ... طبعا يفضل من وجهة نظري الشخصية .. انك تحجز بحيث يكون الوصول مابين 5 الى 7 ايام قبل الدراسة .. ولاتحاول تززوود اكثر لانك راح تطفششششش .. هذا اذا انت رايح لولاية ماتعرف فيها احد .... اذا بتروح لولاية فيها ناس تعرفهم من قبل .. فالعكس افضل انك تروح حتى لو قبلها بشهر .. تتمشى وتشوف الدنيا وتشووف العالم الين ماتتعود وتنفتح نفسك للدراسة ...
طبعا من ناحية الحجززز .... انا شخصيا افضل انك تحجز ع الخطوط الالمانية او الهولندية ... ليش ؟؟ انا اقولك ... الخطوط هذي رحلاته الى جميع ولايات ومدن امريكا تقريباا ... هذا شئ الشئ الثاني .. رحلاتهم جميلة جدا بحيث انها تكون مقسمة .. يعني نص الرحلة ( تقريبا ) من مكان اقلاعك الى هولندا او المانيا .. والنص الثاني ( تقريبا ) الى المدينة اللي بتروح لها ... فيكون اريح لك .. من كثير من الخطوط اللي تخليك 14 الى 15 ساعة في الطيارةة ... طبعا ليش مانصحتك انا بالخطوط السعودية ... الخطوط السعودية اولا رحلاتها الى واشنطن ونيوورك فقط !!! بعدين نفس ماقلت لك تخليك في الطيارة 14 الى 15 ساعة وانا شخصيا احسه تعب ... اما الخطوط الاماراتيةةة فنصيحة مني لكم جميع بما اني جربتها .. لا احد يفكر يطلع عليهاا ... مثلا انا مشيت طبيعي من الدمام الى دبي ... دبي قعدت فيها 9 ساعات !!!!!!!!!!!!!!! طبعا انا اضطريت اني احجز عليها عشان الوقت ... لان فيزتي طلعت في يومين ولله الحمد .. وانا ماكنت متوقع .. ودراستي تبدا بعد صدور الفيزا باقل من اسبوع .. فما حصلت الا هي ... طبعا يوم سألت ايش السبب اني اقعد 9 ساعات ... قالولي جميع رحلات الخطوط الاماراتية من 8 الى 10 ساعات في دبي .. بسبب تنظيم الرحلات السئ عندهم ....
ا ثنا عشرر .. وصلت امريكا ؟؟ الحمدلله ع السلامة ...
طبعا اللي تسويه اللحين حاجة وحدة اللي هي فتح ملف في الملحقية ... وطلب الحاق ... كل شئ بالتفصيل تلاقيه في الموضوع هذا :
http://www.mbt3th.us/vb/forum60/thread295936.html
نصيحة سريعة .. حاول انك اذا وصلت امريكا تكون جميع اوراقك مسوي لها اسكان من يوم وانت في السعودية وتحطها بفلاش مومري ... بما انك راح تجي ديرة ماتدرري وين تسوي فيها اسكاان للمستندات .. طبعا الشئ الوحيد اللي يبقى لك تسوي له اسكان ماتقدر تسويه في السعودية اللي هو خطاب المباشرة وورقة الاي ناينتي فور اللي يدبسونها في جوازك اول ماتوصل المطار ...
فتحت ملف ؟؟ داوم وبدا اللحين طقطق على قبول الجامعة اللي تبي تدرس فيها ومعززم عليها ( بعد الاستشارة طبعاااا ) ... وطلاب الدبلوم زي حالتي
اللحين ظبط وضعك .. وداوم وشد حيلك والله يووفقك وترجع رافع راسك وراس اهلك يا رب ....
طبعاا بعضكم بيقول اغلبية الموضوع ماخذ اسلوب السواليف .. انا ذكرت في الاول اني راح اتكلم باللهجة العامية لسبب اني احسها اقرب للفهم .. و لتوصيل المعلومة .. والموضع زي ماذكرت مجرد تنظيم لجميع الخطوات اللي انا ماحصلتها ... وبرضو سرد نصائح من مجررب ... واشياء طحت فيها انا مااتمنى اي واحد فيكم يطيح فيها زيي ...
اي استفسار انا بالخدمةةة ... اي شئ تبيه .. ابشر ولا يرردك الا كيبوردك .. واذا ماتبي تكتب في الردود .. رسالة خاصةة و ابشر بعززك ...
كل اللي ابيه منكم دعووة في ظهر الغيب بان ربي ييسر اموري ويوفقني واياكم باذن الله ويجيني الالحاق في البعثة باذن واحد احد ..
في امان الكريم