استخر الله والله يوفقك
7 " ما رأيكم بآي تي سي ارامكو
ما رأيكم بآي تي سي ارامكو
تنبيه: هذا الموضوع قديم. تم طرحه قبل 4285 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- اخوي نصيحه روح لارامكو والله يالكليه وجع راس وشهادتها ماتسوا كل ربعي متخرجين منها ويتبهذلون على مايلقون وظيفه نصيحه نصيحه توظف في ارامكو وكمل دراستك على راحتك وعلى الاقل يكون عندك دخل قوي وتصير معتمد على نفسك7 "
- وعليكم السلام والرحمة ..7 "
وانت بصحه وسلامه اخوي ..
ما شاء الله تبارك الله على النسبه والله يعطيك اكثر ان شاء الله ..
اخوي انصحك انك تتوظف ومن خلال عملك ادرس الكليه يعني انت ضمنت الاثنين وماخسرت شي ..
ولو اني مكانك والله هذي الطريقه اللي راح اسويها عشان اللي بتمناه لنفسي بتمناه لك اوخي ..
بالتوفيق يااارب ونشوفك اكبر مهندس في الدنيا .. - شاكر لكم جميعا اخوتي على ردودكم7 "
وننتظر باقي الاخوه
جزاكم الله خير الجزاء ودفع عنكم البلاء بإذنه - شوف حبيبي...7 "
خويي صار له مثل حالتك ودرس في الاي تي سي وخرجوه ماينتيننس في راس تنورة ... هو يحسب ان ارامكو كلام ثاني ووضيفة سنعه لكن وش تتوقع سوو فيه ؟؟
عطوه 5500 فول باكيج .... هذي ارامكو اللي تهايطون فيها ...
باختصار اذا انك تقدر تاخذ باكلوريوس واهلك عندهم الاستطاعه فما انصحك تدخل ارامكو مررررة ... والله مقبرة الاي تي سي ... راس مالك تناقز في ذا البايبات وصيانه في الحرررر ولا يزتونبك في الربع الخالي والرقوق ... والله نصيحه انححححش وخلك فالصناعية عالاقل تتخرج بشهادة مو متدرب....
ومين قالك تقدر تاخذ هندسة انتساب ... ذا نصاااب كبييير ... مافي جامعة في العالم تعطيك هندسة انتساب ... لان فيه كورسات براكتيكل (عملي) مستحيل يعطونكياها ....
ونصيحتي لك خلك فالصناعية ابرك ولا حاول تحول لجامعة الدمام ولا الكلية الجامعية ولا تجينا هنا في امريكا (الله يحييك)
وبالتوفيق - شوف اخوي انا برد عليك من واقع تجربة ارامكو هذي اذا مامعاك شهادة هندسة لا تقربها لأنك بتتعب وانسى انك لو كملت دراسة وانت موظف نهم بيغيرون وضعك ولا يعترفون فيها هذا اذا لقيت ادارة متعاونة معاك واعطوك فرصة تداوم قريب من جامعة محمد بن فهد عشان تكمل فيها لانها يبغالها حضور7 "
بالنسبة للوظيفة بعد الثانوية وخاصة بنسبة زي نسبتك ماشالله اللي يحدد هو انت اذا نفسك تكملهندسة وعندك طموح تصير مهندس لا تلتفت ابدا للوظيفة توكل على الله ولو حصلت فرصة تكمل في امريكا افضل لك بمية مرة لان راتب المهندس يبدأ من عشرة الاف اما لو بديت من الاي تي سي ماراح تزيد عن خمسة الاف ولا يوصل راتبك راتب مهندس حديث التخرج الا بعد ١٢ سنة هذا اذا انت مجتهد في عملك. هذا من واقع تجربة. لكن اذا انت انسان بس تبغى راتب وبس مالك اي طموح ثاني في التقدم الوظيفي او في درجة اجتماعية معينة روح ارامكو و انت مغمض لكن بعد ما يتقدم فيك العمر وتشوف زملاك اللي كملوا دراسة في مناصب ووظائف في ارامكو اعلى منك وافضل منك لا ويجي واحد اصغر منك رئيس عليك ساعتها بتندم ولا عاد ينفعك الندم
بعدين ليش ماتقدم على السي بي سي اللي هو برنامج الابتعاث حق ارامكو نسبتك اوكي او قدم على برنامج سابك او بترو رابغ او التأمينات لا تضيع عمرك في مستوى تعليمي اقل من امكانياتك ترى هذا للفنييين ماهو للناس المجتهدة اللي تبغى مستوى وظيفي جيد.
وفي النهاية انت من يتخذ هذا القرار لانه مصيرك وانت المتأثر بالنتايج اولا واخيرا. اتمنى اني افدك بشي انا مريت فيه. - Joey Tribbiani انا مع الاخ في كلامه7 "
من واقع تخرجي من السنه الا فااتت درست في جامعة الملك عبدالعزيز سمستر وخرجت منها الدراسه في ذي الجامعه كان اشمئزازي
فا توكلت على الله وانا الان على حسابي في امريكا انا افضل اكمل تعب ومشقه في امريكا ولا اكمل تعب ومشقه في السعودية لانه راح يكون التعب دبل من ناحية الدكاتره والاجواء
طبعا فكرت ادخل اي تي سي وكان باقي لي درجه عشان ادخل وكان بمقدوري ادخل لو اختبرت قياس بس احس افضل الدراسه تتعب على شي يسوى ولا تتعب على شي ما يسوى فكره في ذي النقطه ي خوي
وده الواحد يشتغل ويفتك بس لازم الواحد يكون طموحي شوي للافضل
بالتوفيق - يااخوي دامك ماشاء الله عليك شاطر روح بره ادرس هندسة بااحسن الجامعات بره بامريكا او كندا لا تعب نفسك بكلية الجبيل الصناعية او تشغل نفسك بوظيفة باارمكوا مشغل حتى لو بغيت تاخذه هندسة من جامعة محمد بن فهد ماراح تكون بقوة جامعات بره7 "
- يااخوي دامك ماشاء الله عليك شاطر روح بره ادرس هندسة بااحسن الجامعات بره بامريكا او كندا لا تعب نفسك بكلية الجبيل الصناعية او تشغل نفسك بوظيفة باارمكوا مشغل حتى لو بغيت تاخذه هندسة من جامعة محمد بن فهد ماراح تكون بقوة جامعات بره واكثر الاحتمالات ماتقدر توفق بين دومك باارمكوا وبالجامعة حتى لو وافقوا عليك يمكن يتغير رئيسك ويجي رئيس ثاني عليك ويقول اختار ام ارامكوا او الجامعه وهذا الشي صار مع زميل لي لما اتغير رئيسة القديم وجاء جديد بعد دراسته سنه ونص بالجامعة7 "
July 27th, 2012, 08:24 AM
كل عام وانتم بخير
اخواني ابغى مشورتكم
انا طالب متخرج من الثانويه العام
بنسبة 99.20
وقدرات وتحصيلي بال70
انا صارت لي ظروف بالسمستر الاول من السنة اللي فاتت
فإظررت الى ترك الجامعة
وانقبلت بكلية الجبيل الصناعية
تقني
ولي الان سمستر والدراسة سهلة
يعني باقي لي السمستر الجاي واتخصص
طبعا سجلت بأي تي سي ارامكو وقبلت ولله الحمد باقي الفحص بس
فـأنا والله محتار ابقى بالكلية او اروح لأرامكو
علما اني ابغى شهادة البكالوريوس
الكلية دبلوم ثم بكالوريوس
ارامكو خبرة لكن اقدر اسجل بجامعة محمد بن فهد وانا موظف واخذ الهندسة
طبعا حالتي المادية معتدله ولله الحمد والمن
ابوي متوفي له 11 سنة
واخواني هم اللي قايمين بي وبأهلي
خاطري اكون مهندس بس كليتي ماتقدم البكالوريوس مباشره وثم شهادتها مو قوة محمد بن فهد
والدراسة ماتشكل لي اي عائق
واخاف اكمل دراسة وما القى وظيفة احسن من راتب ارامكو
خصوصا اذا تبفى بكالوريوس بتاخذها ب 6 سنوات لأنها دبلوم ثم بكالوريوس مو متصلة
اهلي في منهم يقولون روح اررامكو امسك الوظيفة بعدين كمل عراحتك
وفي منهم يقول كمل بالكلية
طالب مشورتكم والله اني محتاااااااااااااار
الله يرزقكم جميعا من خيراته في هذا الشهر الفضيل