ابشركم جاني قبول لفتح الملف بعد الرفض وهاذي اجوبه اللي سؤالني عن فتح الملف

August 1st, 2012, 02:52 PM

رحت اليوم للوزاره وقابلت رئيس الدارسين على حسابهم الخاص الدكتور هذال العتيبي لاني كنت امس مقدم شكواه له لانهم رفضوني لان الجامعه مغلقه والصحيح هو تخصص واحد مغلق وتخصصي مفتوح والحمدلله اقبلوني علما باني لم ارسل كشف طبي والمعهد اللي مسجل فيه ولايه غير الجامعه ومتكدس بعد وبالنسبه لاسئله الاخوان والاخوات

1/ بالنسبه اللي سفرهم قريب يعني خلال شهر او اقل يقدم طلب ويرفق صوره من التذاكر ويسوي كشف طبي ويتوكل على الله ويخلي اي واحد يرسل الكشف له بالايميل وبعدين يرفقه وهو في الخارج
يعني يقدم من الحين وراح يرسلون له الرجاء ارفاق الكشف الطبي ومتى ماجاك الكشف الطبي ترسله لهم وبالنسبه للي مامعه قبول جامعي يقدم طلب ويرفق التذاكر ويكتب بالملاحظات انه مامعه قبول جامعي وانه يتعهد انه يجيب قبول خلال شهرين وان سفرته قريبه (وانشاء الله ننظر في امره مع مراعه ضروفه)

2/التقديم الكتروني يعني مافي داعي تجي للوزاره ابدا والقبول والرفض يجي عن طريق الايميل والدوام عندهم مستمر حتى 29 رمضان ويبدا 3 شوال

3/ المعهد لازم يكون معترف فيه وعادي لو كان متكدس بس اهم شي انه معترف فيه

4/الجامعه لازم تكون معترف فيها وفيه بعض الجامعات كلها مغلقه وفيه جامعات تكون بعض التخصصات وفيه جامعات تكون كلها غير معترف فيها من الاساس وعليكم التاكد من موقع الوزاره

5/الموافقه على فتح الملف لاتعني سرعه الالحاق او تاخيره يعنى اجراء روتيني فقط

6/الكشف الطبي لازم يكون من مستوصف او مستشفى حكومي فقط

7/ القبول او الرفض يجي خلال يومين او ثلاث ايام عمل ويجيك عن طريق الايميل فقط او عن طريق متابعه الطلبات اللي في الموقع


طبعا هاذ كله كلام رئيس الدارسين على حسابهم الخاص


لاتنسونا من دعواتكم

• نشر عبر تويتر
• نشر عبر فيسبوك
• نشر عبر جوجل