أبشركم حصلت على قبول طلب الدراسة على الحساب الخاص + نصائح

August 9th, 2012, 04:14 AM

السلام عليكم ورحمة الله وبركاته

مبارك عليكم العشر الأواخر ،، وفقكم الله

بقول لكم كل اللي صار على شان نكون على بينه كلنا

الحمد لله انا جتني موافقة للدراسة على الحساب الخاص ،، طبعاً انا اخو صاحب المعرف هذا


انا بكالوريوس هندسة ميكانيكية
وعندي قبول مشروط + قبول معهد في مدينة اخرى ولكن في نفس الولايه < وما أعتقد هذا الشي يؤثر يعني لو كان المعهد في ولايه والجامعه في ولايه ماعتقد فيها مشكلة

في البدايه قدمت في تاريخ 6 قبل وقت السحور بنص ساعه وجاني الرفض الساعه 10 الصبح بنفس اليوم بعدم ارفاق القبول الجامعي مع اني كنت مرفقه

وقدمت مره ثانيه في نفس اليوم اللي هو تاريخ 6 اوقست وانتظرت الى بكره 7 ماصار شي ،، قلت لازم ألحق اروح للوزاره يوم الاربعاء اللي هو 8 اوقست لعله تجيني الموافقه قبل الويك اند

جهزت نسخ من ارواقي ( التذكره + الكشف الطبي+ الفيزا + صوره ملونه من الجواز + صورة بطاقة الاحوال + صور اخر المؤهلات الثانويه و الدبلوم + قبول المعهد + قبول الجامعه + الآي تونتي حق الجامعه + الاي تونتي حق اللغه )

جيتهم اخذت رقم وانتظرت طبعاً انا اتكلم عن وكالة الوزارة لشؤون الابتعاث اللي في الغدير
قلت بقابل مديركم د هذال طبعاً هو شكله مشغول ومايقابل احد ،، و حولوني على موظف وتفاهمت معه
قلت شف هذي كل اوراقي وانتم رافضين طلبي بسبب القبول الجامعي وهذا القبول الجامعي
شاف اوراقي الله يجزاه خير وقال لي كم رقم طلبك و عطيته قال خلاص ان شاء الله امورك في السليم وسجل اسمي في ورقه مع رقم الطلب وبيحولها على المدير يوقعها

رحت البيت جتني رسالة التحويل للجنة قبل نهاية الدوام تقريباً الساعه 2 ونص،، وجات رسالة القبول الساعه 8 بالضبط بالليل
المهم يا جماعه اللي يقدم ويشوف انه أرفق كل المستندات يروح لهم بسرعه وياخذ نسخه من اوراقه ويوريهم
ويقعد عندهم لين يتأكد ان طلبه قيد الدراسه و اللي ماجتهم رسايل احالة للجنة يروحون ضروري يتابع معهم

مع ان تقديم الطلب الكتروني بس للأمانه احس اني لو ما رحت لهم كان تأخروا أكثر < وهذا مربط الفرس

أتمنى اني أفدتكم ،، اسألتكم يمكن تذكرني بشي نسيت اقول له لكم فتفضلوا وان شاء الله أفيدكم

• نشر عبر تويتر
• نشر عبر فيسبوك
• نشر عبر جوجل