August 21st, 2012, 06:25 AM
السلام عليكم ورحمة الله وبركاته
اما بعد .. كنسلنا المقدمه
كل عام وانتم بخير وينعاد علينا وعليكم بالصحه والعافية
يا اخوان بصراحه انا معاي واحد من الشباب كنا شغالين أنا وياه بشركة موبايلي الموضوع بصراحه عن نفسي ماناسبني .. ماناسبني مو لاني ماني راعي شغل لا والله بس اللي يدخل شركات الاتصال يفهم مقصدي من جميع النواحي بغض النظر عن المكالمات والجودة وساعات العمل تحس انك هندي تشتغل ١٢ ساعه او ٩ ساعات متواصله على راتب ٣٠٠٠ وازيدك من الشعر بيت الراتب يمكن يكون ناقص على حسب الجوده يمكن ينزلك ٢٥٠٠ او ٢٠٠٠ ريال يعني ياتقول للعميل الله يرحم والديك قيمني ولا يقولون لك الراتب وتستقبل من ٣٠٠ الى ٨٠٠ مكالمة يوميا ورا بعض
اغلب الشركات عندنا حقيقه لاتسمن ولاتغني من جوع
مالنا بالطويله في الموضوع هذا
المهم (معاي زميل) من العمل قلت له وش رايك بالهند انا رحت لها قبل كذا وعلمته ولعبت في راسه واقنعته على اساس انه يخاويني وان الدراسه زينه ( جالس العب على نفسي اقوله الدراسة زينه في الهند ) خخخخخ .
حقيقه يا اخوان هذا الشخص اخ وحبيب وصديق ولكن ميزانيته ماتسمح بحكم الظروف ومن شركه لشركه وان اخس والعن منه لكن حمدلله متيسر الحال .. فقررنا اننا نروح الهند ندرس انجليزي
وصراحه ياجماعه الخير انا متردد في ماليزيا
بحكم تجربتي للهند فأنا رحت للهند والله ياجماعه الخير ان العيشه فيها ماتنطاق واللي بيروح بيظغط على نفسه وفوق هذا نفسيه واجوائها ماهي اجواء دراسه
جلست في الهند شهرين من بنقلور الى قوا الا كوتشي الى اوتي ومونار وميسور
مشكلة الهند بكل صراحه وسخه والروايح وانتم بكرامه اشكال وانواع وفوق هذا الله يكرمكم البقر والكلاب ماتخلى منها واذا جيت امشي في الطريق يميني زبالة ويساري زبالة ووراي بقر وقدامي كلاب
من جميع النواحي محاصر ولاجيت ادخل المعهد سلم ودرج دورين ماتوصل المعهد الا وانت تفكر كيف تطلع المره الثانيه ولا فوق هذا جالس لي كلب وانتم بكرامه بوليسي جنب المهد كل ماجيت قام ينابح ورابطينه بسلسله في الشارع يابوي ماصارت دراسة بلد عصابات هذي خخخخخخ
اول اسبوع سكنا عند عائله وحصلت واحد سعودي في الغرفه وثنين حضارم في غرفه ثانيه بدون مكيف ماقلنا شي سرير من عهد الجاهليه ماقلنا شي ناموس ماقلنا شي لكن يوم تجي تنام اخر الليل تقوم حرب الشوارع بين الكلاب لا انت اللي تقدر تنام ولا انت اللي تقدر تطلع لهم والعائله مقفله الباب من الساعه ١١ الليل < اما تقفيل الباب الساعه ١١ هذا جاب لي الكئابه والله
اول اسبوع متحمس سكنت واخذت دشكنري ودفاتر واقلام اشكال وانواع والاحمر اهم شي ( يعني اني بصحح لنفسي الاخطاء) وجالس اتعلم وسجلت في المعهد ورحت مرتين ( لك الله ) المره الاول يوم رحت امشي ساد خشمي والمره الثاني ادف نفسي دف وامشي في الطريق واقول ياعمي هونها وتهون كله لا اجل الوظيفه وانقليزي وحركات وتقدر تسافر دول اجنبيه وينفعك, الطريق كله وصلت المعهد وتفكيري واصل باريس ( يعني اني تعلمت وانا في باريس الحين ) خخخخ ياعمي والله حال هناك مايعلم فيه الا الله
سحبت على المعهد وجلست ادرس في البيت ويجوني ثنين حضارم في الغرفه الثانيه تعرفت عليهم واللي معاي في الغرفه ثنين واخر الليل بالوت وهواش والهندي صاحب البيت كل شوي وهو داخل علينا بشويش بشويش .. المهم قضيتها دشره لدرجة اني حسيت اني في السعودية والمطعم لاوصلت عنده اجلس أأشر له نص ساعه ونص ساعه على بالي مايفهم
اوه والله اني هذاك الوقت حسيت اني عايش مجاعه الصباح تنقطع الكهرباء والظهر تنقطع المويه وادق سرا على الحمام وانتم بكرامه هاه بشر جات المويه ولا ماجات
وفيه شارع اسمه كمنهلي فيه واحد يبيع منقا يعرفونه اللي في الهند مايحتاج زحمه عليه والله يا جماعه الخير تشوف الذبان اللي عنده اكثر من المنقا والفواكه
تشرب المنقا من هنا على الحمام سيدا وانتم بكرامه وفيه عجوز في بيت العائله جالسه عند الحمام ووانتم بكرامه قريب منه هذي جالسه لي كل مادخلت تحسسني اني مجرم بنظراتها ولاجيت اقولها قود مورنق ماترد اعوذبالله حسيت اني ذابح واحد من عيالها
مالكم في الطويله يوم قالو رحلت السعوديه جات والله حسيت اني هذاك اليوم مسافر سويسرا ماهي السعوديه ماصدقت على الله بس احط رجلي في المطار
المهم ماعلينا في الامور هذي طولناها وهي قصيره الحين يزعلون علينا اللي في الهند ويقولون انت ماعندك سالفه جاي تدشر منت جاي تدرس خخخخخخ
ماعلينا بس المهم الحق ينقال البلد هذي اجوائها ماتساعد انك تدرس يابوي لو اني ادرس مع بقر والله تعلمت من كثر البقر في الشارع عندهم خخخخخخ
ياجماعه الخير بعد معاناه وذكريات مريره قررت اني اسافر الهند ولكن كل ماتذكر اللي صار لي اقول لالا ماليزيا المهم اني قررت الان ماليزيا وان شاء الله ان التعليم زين والاكل موجود ماهو مثل الهنود كشنه وفلفل
والزميل ماعليه كلام يقول ودنا المكان النظيف المهم النظافه والنفسيه مانبي نروح ونرجع مرضانين
وبخصوص الانجليزي عني تقدر تقول ماني متوسط ولاني ضعيف اقدر اخارج نفسي بأمور بسيطه في الانجليزي يعني ممكن تقول عندي ( ٢٠٠ كلمه ) حافظهم وشوية قرامر من الهند شخبط ولخبط
المهم يا اخوان الميزانيه اللي عندي الان هي ٥٠ الف
اتمنى يكون فيه شخص درس فيها من الصفر يعلمنا هل الدراسة زينه فيها او لا
اما عن الاسئله
هل تكفينا ٥٠ او ٦٠ لمدة ٩ اشهر ؟
هل دراسة اللغة الانجليزية جيدة في ماليزيا وتقدر تطورها ( معلوم صديق معلوم كله يرجع للشخص نفسه ) ولكن هل الاغلبيه يتكلمون انجليزي ؟
كمل يكلفنا السكن في منطقة حلوه وجنبها مطاعم لمدة ٩ اشهر ؟
افضل معهد في ماليزيا ؟ انا قرأت عن ( ELS) لكن ابي النصيحه من شخص مجرب
كم تكاليف المعيشه هناك بالشهر مع المعهد ؟
مافيه كلام راح نسوي شوية اقتصاد كبداية ولكن لابد من الاجابه على السؤال هذا خخخخ
هل البلد غاليه وهل الميزانية اللي معانا تسمح لنا اننا ندرس ٩ اشهر مرتاحين .. ؟
هل الدولة مثل السعودية من ناحية الامن والامان ؟ اعتبر السؤال هذا تحصيل حاصل بس نحب نعرف على اساس مانتفاجئ هناك خخخخ
وسمعت ان عملتهم اغلى من الريال صحيح ؟ < ان كان صحيح والله افا وبقوه افا ريالينا مايطيح الا وقت الرخى ولا وقت الشدايد ينطح اليورو هههههههههه
اتمنى اني ماضيقت صدوركم بكثرة الثرثره لكني والله حبيت افيدكم بخصوص الهند والرحلة المريره اللي مريت فيها ( اي نعم بلد سياحي وطبيعه خلابه ) لكن ما انصح بالدراسة فيه الا اللي بيظغط على نفسه ويتحمل المعيشه اللي هناك
واتمنى من الله العلي القدير التوفيق لي ولكم
August 21st, 2012, 06:25 AM
السلام عليكم ورحمة الله وبركاتهاما بعد .. كنسلنا المقدمه
كل عام وانتم بخير وينعاد علينا وعليكم بالصحه والعافية
يا اخوان بصراحه انا معاي واحد من الشباب كنا شغالين أنا وياه بشركة موبايلي الموضوع بصراحه عن نفسي ماناسبني .. ماناسبني مو لاني ماني راعي شغل لا والله بس اللي يدخل شركات الاتصال يفهم مقصدي من جميع النواحي بغض النظر عن المكالمات والجودة وساعات العمل تحس انك هندي تشتغل ١٢ ساعه او ٩ ساعات متواصله على راتب ٣٠٠٠ وازيدك من الشعر بيت الراتب يمكن يكون ناقص على حسب الجوده يمكن ينزلك ٢٥٠٠ او ٢٠٠٠ ريال يعني ياتقول للعميل الله يرحم والديك قيمني ولا يقولون لك الراتب وتستقبل من ٣٠٠ الى ٨٠٠ مكالمة يوميا ورا بعض
اغلب الشركات عندنا حقيقه لاتسمن ولاتغني من جوع
مالنا بالطويله في الموضوع هذا
المهم (معاي زميل) من العمل قلت له وش رايك بالهند انا رحت لها قبل كذا وعلمته ولعبت في راسه واقنعته على اساس انه يخاويني وان الدراسه زينه ( جالس العب على نفسي اقوله الدراسة زينه في الهند ) خخخخخ .
حقيقه يا اخوان هذا الشخص اخ وحبيب وصديق ولكن ميزانيته ماتسمح بحكم الظروف ومن شركه لشركه وان اخس والعن منه لكن حمدلله متيسر الحال .. فقررنا اننا نروح الهند ندرس انجليزي
وصراحه ياجماعه الخير انا متردد في ماليزيا
بحكم تجربتي للهند فأنا رحت للهند والله ياجماعه الخير ان العيشه فيها ماتنطاق واللي بيروح بيظغط على نفسه وفوق هذا نفسيه واجوائها ماهي اجواء دراسه
جلست في الهند شهرين من بنقلور الى قوا الا كوتشي الى اوتي ومونار وميسور
مشكلة الهند بكل صراحه وسخه والروايح وانتم بكرامه اشكال وانواع وفوق هذا الله يكرمكم البقر والكلاب ماتخلى منها واذا جيت امشي في الطريق يميني زبالة ويساري زبالة ووراي بقر وقدامي كلاب
من جميع النواحي محاصر ولاجيت ادخل المعهد سلم ودرج دورين ماتوصل المعهد الا وانت تفكر كيف تطلع المره الثانيه ولا فوق هذا جالس لي كلب وانتم بكرامه بوليسي جنب المهد كل ماجيت قام ينابح ورابطينه بسلسله في الشارع يابوي ماصارت دراسة بلد عصابات هذي خخخخخخ
اول اسبوع سكنا عند عائله وحصلت واحد سعودي في الغرفه وثنين حضارم في غرفه ثانيه بدون مكيف ماقلنا شي سرير من عهد الجاهليه ماقلنا شي ناموس ماقلنا شي لكن يوم تجي تنام اخر الليل تقوم حرب الشوارع بين الكلاب لا انت اللي تقدر تنام ولا انت اللي تقدر تطلع لهم والعائله مقفله الباب من الساعه ١١ الليل < اما تقفيل الباب الساعه ١١ هذا جاب لي الكئابه والله
اول اسبوع متحمس سكنت واخذت دشكنري ودفاتر واقلام اشكال وانواع والاحمر اهم شي ( يعني اني بصحح لنفسي الاخطاء) وجالس اتعلم وسجلت في المعهد ورحت مرتين ( لك الله ) المره الاول يوم رحت امشي ساد خشمي والمره الثاني ادف نفسي دف وامشي في الطريق واقول ياعمي هونها وتهون كله لا اجل الوظيفه وانقليزي وحركات وتقدر تسافر دول اجنبيه وينفعك, الطريق كله وصلت المعهد وتفكيري واصل باريس ( يعني اني تعلمت وانا في باريس الحين ) خخخخ ياعمي والله حال هناك مايعلم فيه الا الله
سحبت على المعهد وجلست ادرس في البيت ويجوني ثنين حضارم في الغرفه الثانيه تعرفت عليهم واللي معاي في الغرفه ثنين واخر الليل بالوت وهواش والهندي صاحب البيت كل شوي وهو داخل علينا بشويش بشويش .. المهم قضيتها دشره لدرجة اني حسيت اني في السعودية والمطعم لاوصلت عنده اجلس أأشر له نص ساعه ونص ساعه على بالي مايفهم
اوه والله اني هذاك الوقت حسيت اني عايش مجاعه الصباح تنقطع الكهرباء والظهر تنقطع المويه وادق سرا على الحمام وانتم بكرامه هاه بشر جات المويه ولا ماجات
وفيه شارع اسمه كمنهلي فيه واحد يبيع منقا يعرفونه اللي في الهند مايحتاج زحمه عليه والله يا جماعه الخير تشوف الذبان اللي عنده اكثر من المنقا والفواكه
تشرب المنقا من هنا على الحمام سيدا وانتم بكرامه وفيه عجوز في بيت العائله جالسه عند الحمام ووانتم بكرامه قريب منه هذي جالسه لي كل مادخلت تحسسني اني مجرم بنظراتها ولاجيت اقولها قود مورنق ماترد اعوذبالله حسيت اني ذابح واحد من عيالها
مالكم في الطويله يوم قالو رحلت السعوديه جات والله حسيت اني هذاك اليوم مسافر سويسرا ماهي السعوديه ماصدقت على الله بس احط رجلي في المطار
المهم ماعلينا في الامور هذي طولناها وهي قصيره الحين يزعلون علينا اللي في الهند ويقولون انت ماعندك سالفه جاي تدشر منت جاي تدرس خخخخخخ
ماعلينا بس المهم الحق ينقال البلد هذي اجوائها ماتساعد انك تدرس يابوي لو اني ادرس مع بقر والله تعلمت من كثر البقر في الشارع عندهم خخخخخخ
ياجماعه الخير بعد معاناه وذكريات مريره قررت اني اسافر الهند ولكن كل ماتذكر اللي صار لي اقول لالا ماليزيا المهم اني قررت الان ماليزيا وان شاء الله ان التعليم زين والاكل موجود ماهو مثل الهنود كشنه وفلفل
والزميل ماعليه كلام يقول ودنا المكان النظيف المهم النظافه والنفسيه مانبي نروح ونرجع مرضانين
وبخصوص الانجليزي عني تقدر تقول ماني متوسط ولاني ضعيف اقدر اخارج نفسي بأمور بسيطه في الانجليزي يعني ممكن تقول عندي ( ٢٠٠ كلمه ) حافظهم وشوية قرامر من الهند شخبط ولخبط
المهم يا اخوان الميزانيه اللي عندي الان هي ٥٠ الف
اتمنى يكون فيه شخص درس فيها من الصفر يعلمنا هل الدراسة زينه فيها او لا
اما عن الاسئله
هل تكفينا ٥٠ او ٦٠ لمدة ٩ اشهر ؟
هل دراسة اللغة الانجليزية جيدة في ماليزيا وتقدر تطورها ( معلوم صديق معلوم كله يرجع للشخص نفسه ) ولكن هل الاغلبيه يتكلمون انجليزي ؟
كمل يكلفنا السكن في منطقة حلوه وجنبها مطاعم لمدة ٩ اشهر ؟
افضل معهد في ماليزيا ؟ انا قرأت عن ( ELS) لكن ابي النصيحه من شخص مجرب
كم تكاليف المعيشه هناك بالشهر مع المعهد ؟
مافيه كلام راح نسوي شوية اقتصاد كبداية ولكن لابد من الاجابه على السؤال هذا خخخخ
هل البلد غاليه وهل الميزانية اللي معانا تسمح لنا اننا ندرس ٩ اشهر مرتاحين .. ؟
هل الدولة مثل السعودية من ناحية الامن والامان ؟ اعتبر السؤال هذا تحصيل حاصل بس نحب نعرف على اساس مانتفاجئ هناك خخخخ
وسمعت ان عملتهم اغلى من الريال صحيح ؟ < ان كان صحيح والله افا وبقوه افا ريالينا مايطيح الا وقت الرخى ولا وقت الشدايد ينطح اليورو هههههههههه
اتمنى اني ماضيقت صدوركم بكثرة الثرثره لكني والله حبيت افيدكم بخصوص الهند والرحلة المريره اللي مريت فيها ( اي نعم بلد سياحي وطبيعه خلابه ) لكن ما انصح بالدراسة فيه الا اللي بيظغط على نفسه ويتحمل المعيشه اللي هناك
واتمنى من الله العلي القدير التوفيق لي ولكم