20 يوم ولم يأتيني رد على طلب الدراسة بالخارج من الوزارة !

السلام عليكم ورحمة الله وبركاته ... أشكر الجميع على مجهوداتهم المتميزة بمساعدة أخوانهم

عندي طلب صغير أتمنى المساعدة منكم بارك الله فيكم ووفقكم في دراستكم وغربتكم

صار لي 20 يوم مقدم على طلب الدراسة بالخارج في الوزارة ولم يأتيني أي رد ... وعند متابعة للطلب من خلال موقع الوزارة يطلع لي أن الطلب في الوزارة لسه !

أعتقد الطلب عادة ما يأخذ أكثر من أسبوع وأنا الآن صار لي 20 يوم ... فأتمنى الي عنده إيميل أحد الموظفين المختصين بالموضوع أو تلفون مكتبه يرسله لي على الخاص أو يضعه هنا عشان الجميع يستفيد ... أتمنى منكم المساعده يا أخوان بارك الله فيكم

تحياتي للجميع

ترا هم يتأخرون انا رفعت الطلب مرتين وبكل مره كانت المده تختلف

وحتى هنا بالمنتدى في ناس ردو عليهم بوقت قصير وناس طولو

حبيبي انا رفعت 3 طلبات ورفضت وكل طلب اخذ 6 ايام بالتمام

لكن حاليا رفعت طلب له 17 يوم للحين مكتوب زيك في الوزارة طبعا الحل ياطويل العمر

خلي احد يروح الوزارة يشوف لك اش الهرجه او انتظر زينا وادعي ربك اننا ننظم في اسرع وقت

امممم بخصوص الموافقه على االطلب
اذا انت مسافر برا خل اي احد من اهلك يمر الوزاره ويستفر عنك عطه رقم الطلب اللي موجود وبياناتك ويمر الوزاره ويسال ايش حاله ملفك
انا ما اخذت الا 3 ايام وجتني الموافقه والتفعيل قعدت اسبوع وتمت الموافقه عليه بعد

انا لي الان 27 يوم واتصل عليهم يعطوني تحويله واتصل عليها يقولي التحويله خطا واكلم السنترال يحولني يدق يدق يدق يدق يدق يدق يدق يدق يدق ......................الخ والا احد يرد

ومدري وش بسوي معهم والله لو مقدم على وظيفه زمان خلصت

مدري هل يستفسسرون عني شاطر والا مب شاطر والا وش ساللفتهم هذول والا يبون يتاكدون وش ارجع

الله المستعان ... اليوم جاني ايميل من الوزارة مكتوب فيه انه تم احالة الطلب الى اللجنه !

في أحد مرت عليه نفس الحاله ... وشنو معناة الكلام هذا ؟

مر الوزارة تجيك الموافقة في نفس اليوم اذا أوراقك كاملة

الأمر جدا بسيط مرهم أو أرسل أي أحد وعطه رقم الطلب والسجل المدني

أنا بأمريكا حاليا ... وللأسف ماعندي معارف بالرياض !

يارب تسهل أمورنا

وشكورين الأخوان على الردود

حبيب قلبي الله يكتب الي فيه الخير ,,

اذكر الله ومايحتاج لامعارف ولا شي

انا من الناس الي رفعت طلب واحد فقط في تاريخ 3-8-2012

وماكلمت احد ولا سويت اي شي لان اساسا ايميلاتهم مايردون عليها ولا تليفوناتهم

المهم في تاريخ 8-9-2012 جاني ايميل منهم بأنه تمت الموافقه ,,

يعني ان شاء الله راح تجيك الموافقه بس يبيلها صبر شد حيلك وركز بدراستك والي كاتبه ربك يبي يصير ..

لا اله الا الله ... مشكور حبيب قلبي عيسى ... وان شاء الله ربي بيفرجها ... ومن يتق الله يجعل له من امره يسرا

ربي يوفق الجميع لما يحبه ويرضاه