الأعضاء الإشتراك و التسجيل

الملتقيات
ADs

عمري 33وأبي ادرس على حسابي في هيوستن لغه !! اقدر ولا لا تكفون ردو علي

عمري 33وأبي ادرس على حسابي في هيوستن لغه !! اقدر ولا لا تكفون ردو علي


NOTICE

تنبيه: هذا الموضوع قديم. تم طرحه قبل 4152 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Tagi.
    Tagi.

    مبتعث جديد New Member

    Tagi. الولايات المتحدة الأمريكية

    Tagi. , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى art and design , بجامعة university of houston
    • university of houston
    • art and design
    • أنثى
    • houston, تكساس
    • السعودية
    • Nov 2012
    المزيدl

    November 16th, 2012, 06:52 AM

    مرحبا

    يارب تجاوبوني بحثت كثير في النت ما حصلت أجابه

    انا ابي اروح ادرس لغه في معهد تابع لجامعه على حسابي وعمري 33
    صعب القبول ولا لا ؟؟
    الشي الثاني بأخذ معاي بنتي عمرها خمس سنوات وين تدخل بمدرسه ولا تمهيدي ؟؟؟
    وشي ثاني لو كانو يدخلونها مدرسه أمريكيه مجانيه ولا على حسابي وكيف طريقة التوصيل فيه باصات حكوميه ؟
    ملاحظه ما معاي الإشهادة الثانوي
    وأبي اروح هيوستن
    تكفوون محتاره ساعدوني ولكم دعوه بظهر الغيب
    مشكورين جداً مسبقا
  2. هلا بك اختي ..
    ايه اكيد ممكن تدرسين مهما كان عمرك في حال كنتي تبين تدرسين على حسابك الخاص ..
    ولكن الملحقية - في حال حبيتي تنضمين للبعثة - تشدد شويه على مسألة العمر .. لكن مش هذيك المشكلة ..
    والأهم من مسألة العمر .. من شروط انضمام البنت للبعثة هو حضور المرافق .. فـ لابد يكون عندك مرافق الا فيه استثناءات معينة حسب ظروفك وتكون مقنعة للملحقية ..

    وبالنسبة لتعليم الأبنة - الله يحفظها لك - فـ اكيد ممكن تدرس في مدارس حكومية مجانية بكل مكان .. وراح يسجلون بنتك بالمدرسة الحكومية حسب مكان السكن الي راح تسكنينه .. والتوصيل راح يكون على المدرسة طبعاً .. ومثل ماقلت لك سابقاً مجاناً ..
    وفي حال انضميتي للبعثة .. الملحقية تعطي الاطفال المرافقين ٢٠٠$ لكل واحد فيهم .. وراتب المبتعثة الطبيعي ١٨٥٠$ .. وراتب المرافق في حال توفره ١٠٠٠$ ..

    وانا جاهز لأي استفسار .. وبخدمتك ..

    - - - مشاركة محدثة - - -

    على فكرة نسيت اضيف أهم نقطة .. وهو ضرورة الحصول على قبول جامعي للحصول على البعثة .. اذا ماكان عندك فـ صعب جداً تنضمّين للبعثة ..
    والقبول سهل يجي في حال المعهد كان تابع لجامعة حسب قولك .. ولكن حاولي تخلصين المتطلبات وأنتي بالسعودية عشان تسهل عليك هنا ..
    7 "
  3. وفيه شغلة أحب اضيفها .. تو انتبهت انك تبين تدرسين على حسابك ..
    انصحك انا تجين بداية على حسابك . وتكملين متطلبات الملحقية للإلحاق بحيث تنضمين للبعثة .. ومتطلبات البعثة للبنت هي/ صورة من قبول لغة وجامعة - صورة من ورقة مباشرة المعهد - صورة من الجواز - صورة من بطاقة العيلة او الاحوال ( في حالتك إنتي أعتقد عيلة لأن ابنتك معك عشان يصرفون عليها) - ختم الدخول لأمريكا - ختم الدخول للمرافق (في حال ماتوفر .. تقدرين تكتبين الاسباب الي منعته من الحضور وإن شاء الله يتعاونون معك) ..

    وانا موجود لأي خدمة أخرى
    7 "
  4. الله يرضئ عليك دنيا وآخره
    فعلا جاوبتني بإخلاص جعلها في موازين أعمالك
    انا عندي ولد اخوي غير متزوج موجود هناك هل ممكن يضموني له
    وعندي اخوي لأكن متزوج أيضاً يدرس هناك
    لاكن زوجي مستحيل يجئ لانه على راس عمل وهو اللي بيصرف على دراستي
    لاكن انت تقول قبول جامعي أجيبه من هنا في الرياض يعني إرسل للجامعات في هيوستن
    علما اني مخططه ادرس لغه وان قدرت انظم للبعثة كملت جامعه ؟؟؟ لأكن اللي اعرفه مستحيل لانه سني متعدي كثيرررر
    ومشكور جدا
    7 "
  5. المشاركة الأصلية كتبت بواسطة Tagi.
    الله يرضئ عليك دنيا وآخره
    فعلا جاوبتني بإخلاص جعلها في موازين أعمالك
    انا عندي ولد اخوي غير متزوج موجود هناك هل ممكن يضموني له
    وعندي اخوي لأكن متزوج أيضاً يدرس هناك
    لاكن زوجي مستحيل يجئ لانه على راس عمل وهو اللي بيصرف على دراستي
    لاكن انت تقول قبول جامعي أجيبه من هنا في الرياض يعني إرسل للجامعات في هيوستن
    علما اني مخططه ادرس لغه وان قدرت انظم للبعثة كملت جامعه ؟؟؟ لأكن اللي اعرفه مستحيل لانه سني متعدي كثيرررر
    ومشكور جدا
    واعمالك يارب ...
    ايه ولد اخوك ممكن يكون مرافق/محرم ( في حال كنتوا في نفس المدينة ) ..
    بس لازم تأخذين ورقة اجل من زوجك بأن موافق يخلي ولد اخوك مرافق لك طوال فترة اقامتك في امريكا .. مع توقيع الزوج (أو ولي الأمر) وعمدة الحي و الشرطة (مش مطلوب عمدة الحي والشرطة .. بس احتياطاً عشان ماتنرفض)..
    وممكن كذلك يصير اخوك محرم لك ( في حال كنتوا في نفس المدينة ) خلال فترة ابتعاثك ويكون خطاب من ولي أمرك الحالي بأنه موافق جعل اخوك محرم او مرافق لك طيلة فترة اقامتك ..
    ويكون مثلا على هالصيغة/

    أنا ............... رقم سجل مدني ................. صادر بتاريخ ........

    أقر بأنني موافق على دراسة ابنتي / زوجتي ........... من قبل وزارة التعليم العالي إلى دولة ........ لدراسة اللغة والبكالوريوس ونظراً للظروف ................

    وإنني فوضت ( صلة القرابة + الاسم الرباعي .............. ............. ) لوجوده في نفس المدينة التي تدرس بها
    رقم سجل مدني .................. صادر بتاريخ .................

    محرما مرافقا لها والبقاء معها طيلة مدة الدراسة.
    لكن في حال كان اخوك او ولد اخوك مرافق او محرم لك .. لن يتم الصرف على دراستك .. ولابد منك طلب إلحاق بالبعثة بنفسك .. المرافق والمحرم بيكون فقط لنظامية وجودك بأمريكا بالنسبة للملحقية ..
    دام انك مخططة تدرسين جامعة .. فـ خلي اخوك او ولد اخوك يجيب لك قبول جامعة مشروط بإنهاء اللغة .. وتقدمين قبول الجامعة والمعهد للملحقية مع كامل المتطلبات الي قلتها لك بردي السابق .. وتنضمين إن شاء الله بالبعثة .. حتى وأنتي تدرسين بمرحلة اللغة مثل مايصير مع الطلاب حالياً ( إنهم ينضمون ولهم شهرين إلى اربعة شهور من مباشرتهم للدراسة ) ..
    ونعم تقدرين تراسلين جامعات وانتي بالسعودية عن طريق أحد المكاتب المنتشرة (لكن ما انصح فيهم شخصياً لانهم نصابين ويزيدون بالسعر) .. وانصحك بأنك تخلين اخوك او ولد اخوك يجيب لك قبول دامهم هنا وعارفين الموضوع (ملاحظة/ مش لازم يكون قبول الجامعة بنفس المدينة الي بتدرسين فيها اللغة) ..
    وموضوع إن مستحيل تكملين دراسة جامعية على حساب وزارة التعليم العالي فـ هو خطأ .. انا شخصياً عندي صاحبين ... واحد عمره ٣٩ سنة ويدرس ثاني سنة جامعة الان .. والاخر عمره ٤٣ ويدرس ثالث او ثاني سنة بالجامعة وجميعهم على حساب الملحقية .. وإنضموا بدون واسطات ولا حاجة .. فقط قدموا اوراقهم وتواصلوا مع الملحقية وماقصروا ..
    الموضوع جداً سهل .. حاولي يكون القبول الجامعي و المحرم واوراقه جاهزين عندك .. وقدمي طلب إلحاق اول ماتوصلين .. وحتى لو تبين مساعدة بالإلحاق منب مقصر معك ..

    والله يوفقك ويسهل عليك
    7 "
  6. واو قسم بالله شكرًا من كل قلبي
    لأني ما فكرت ولا واحد بالميه ممكن انقبل وانا بها العمر
    مشكور طيب كيف اقدر أتواصل معاك او زوجي يتواصل معاك الله يرضئ عليك الخاص عندي ما يرسل
    اقسم بالله ما قصرت
    7 "
  7. إيه نسيت أسالك بعد ادري اقلقتك
    يعني أيهم اسهل قبولي بالبعثه وانا هنا اقدم عليها وممكن يقبلوني ولا اروح وبعدها يلحقوني ؟
    الشي الثاني اخوي معاه زوجته يعني أتوقع صعب أصير مرافق لان زوجته مبتعثه مثله معاه
    وولد اخوي لحاله
    ايهم تنصح اكون معاه
    وكلهم بهيوستن بنفس المدينه ؟

    - - - مشاركة محدثة - - -
    ما قدرت افتح صندوق الرسائل يقولي مشاركاتك قليله وشيء زي كذا
    7 "
  8. اختي ....
    خلي ولد اخوك يكون مرافق لك افضل ...
    ثاني شي ماتقدري تقدمين على البعثه من الحين لأن فترة التقديم انتهت والان طلعت نتائج الترشيح للمتقدميين
    انتي روحي ادرسي بالمعهد وان شاء الله اربع شهور وتنظمين للبعثه
    بس اهم شي انكي تجيبي قبول لغه وقبول جامعه مشروط وتاخذي موافقة الوزاره من هنا قبل ماتروحين لبد الابتعاث
    يعني أيهم اسهل قبولي بالبعثه وانا هنا اقدم عليها وممكن يقبلوني ولا اروح وبعدها يلحقوني ؟

    المصدر: http://www.mbt3th.us/vb/forum60/thre...#ixzz2CNZ33PVB


    يعني أيهم اسهل قبولي بالبعثه وانا هنا اقدم عليها وممكن يقبلوني ولا اروح وبعدها يلحقوني ؟

    المصدر: http://www.mbt3th.us/vb/forum60/thre...#ixzz2CNZ7TfW9

    يعني أيهم اسهل قبولي بالبعثه وانا هنا اقدم عليها وممكن يقبلوني ولا اروح وبعدها يلحقوني ؟

    المصدر: http://www.mbt3th.us/vb/forum60/thre...#ixzz2CNZ33PVB
    بالتوفيق اختي العزيزه
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.