غلط يسويه كل واحد يبي يدرس على حسابه الخاص نص فلوسه تروح على هالشيء

November 24th, 2012, 08:19 AM

السلام عليكم

مابي اطول عليكم

الموضوع ومافيه ياشباب المكاتب ( والله انهم بهذله ) تروح للمكتب يقولك انا بسويلك وانا وانا وانا وانا بسكنك مع عائله ولا بالسكن حق الجامعه او المعهد وبسوي لك استقبال ورسوم الكتب ومادري ايش

انا مسافر الحين ومسوي كل شيء بنفسي بدون ماياخذ مني 2 او 3 او 4 الاف ومن مكتب لمكتب تفرق

كل السالفه واحد بالبيت او بالعايله او من اخوياك يعرف انقلش مضبوط

يدخل موقع الجامعه اللي تبيها ويجيب لك القبول والاي توني ويسأل فيه سكن ولا لا , ومن ناحيه سكن العوائل فيه موقع بعد خاص بسكن العوائل

والله اعرف ناس راحو سكنو بسكن عوائل بحواري بعيده عن الجامعه او المعهد بحواري كلها بالمعنى الفصيح ( خوال ) يعني بعضهم حراميه وبعضهم هوم لس وبعضهم يستعملون مخدرات وسرقات وبلاوي

ولا يقدرونك كطالب واعرف طلاب والله شارين لهم سياكل عشان سكن العائله بعيد عن الجامعه

انت دبر نفسك بنفسك

انا جبت القبول من معهد الجامعه والسكن ضبطته , كلها مراسلات مع ايميل الجامعه وتجاوب سريع ترسل ماتجلس ساعه ساعتين الا هم رادين علييك يعني هم اصلا بحاجه للفلوووس

تضبط امورك بنفسك تضمن وضع المكان اللي بتروح له من كل النواحي مب تروح على عماها وعلى كلام فلان وعلان

انا جيت المقاطعه اللي ساكن بها مرتاح ومتضبط وشعب طيب ماتضايقت ابد بس يوم واحد حسيت بالغربه من جد لأن اول الايام كان اعصار ساندي واغلب اللي بالسكن امريكان ورايحين عند اهاليهم

ضبط وضعك انت حتى الفيزه والله تقدر تدخل على موقعهم وبالانقلش تحدد الموعد اللي تبيه بعد يومين بعد ثلاثه اللي تبي والفيزه والله ماتطول انا طلعتها بيوميييين

بس فيه رسوم على الفيزه ورسوم على السيفيس ورسوم ارسال الاي توني من امريكا بشركه يو بي اس مثل فيدكس مكانها بالعليا ومخزنهم بحي الجزيره بمخرج 16

تروح لمكتب يدري عليك رسوم تدفعها بس ياخذ حلاوته وهذا اعتبره من حقه

بس هذا معليش مايروح له الا اللي مايعرف وش الطبخه ابد وعادي اسمحولي بهالكلمه ينلعب عليه

هذا مستقبل انا ماروح يرموني بسكن هم اصلهم والله مايدرون وينه بالضبط او وش اللي ساكنين وش الجيران وش المنطقه يجيب لك خريطه ومادري ايش والله كله كلام فاضي وزبرقه على قل سنع

هذي نصيييحه لكم وانتم بكيفكم واي سؤال انا حاظر

اي شيء بخصوص الدراسه على حسابك انا موجود اي استفسار

• نشر عبر تويتر
• نشر عبر فيسبوك
• نشر عبر جوجل