وضحو لي السالفه

والله يا ابن الحلال انا عارف ان محد راح يرد عليك

بس انا بوضح لك الأمر على اللي فاهمه

اول شي

اذا تبغى تنضم للبعثه لازم تكون معاك اجازة تغطي فترة الدراسه كامله يعني لو تبي تدرس بكالوريوس لازم تكون اجازتك بالقليل 5 سنوات من العمل

ثاني شي

موضوع انك تنظم في خلال فترة بسيطه محد يقدر يوضح لك لكن من خلال بحثي لقيت ان الناس جالسه تنضم من اسبوع الى سنه بس الكل ينضم ان شالله اذا اوراقه سليمه يعني قبول مشروط من جامعه معترفه وغير متكدسه و و و و و تقدر تشوف شروطهم من الموقع

ثالث شي

انك تبيع سيارتك وكم ريال على قولك صعب اني اقولك تكفي ولا ماتكفي لكن اللي اقدر اقولك اياه على حسب الولايه اللي رايح لها وعلى حسب مصروفك الشهري

يعني في ولايات غاليه جدا السكن فيها ب1500 ارخص شي
وفيه ولايات تلقا سكن ب300 دولار يمكن

يعني اول شي حدد لك ولاية وشوف اسعار المعاهد وسعر السكن وتقريبا المصروف الشهري لك (اكل -مواصلات-فواتير) والناتج اضربه في 3.75 ويطلع لك كم تكلف شهريا بالريال وبعدين اقسمها على المبلغ اللي عندك ويطلع لك كم شهر تقدر تجلس بهذا المبلغ

بس عشان تكون في السليم خلي حسابك على 9 اشهر كحد ادنى وسنه كحد اعلى

وان شالله تنضم للبعثه في اسبوع يارب

انت وكل طموح يبغى يشرف دينه وبلده واهله ونفسه



بالتوفيق

يحقلك نظاما الالحاق دام معك اجازه دراسيه من عملك تغطي فترة الدراسة
وانا مثل وضعك اخذت اجازه دراسيه 3 سنوات من عملي والان لي شهر باستراليا وبادي باللغه وجاري رفع اوراقي للالحاق بالبعثه
وش بتدرس ؟

اخوي انا طالع ادرس تمريض والان طلبوا مني الملحقيه اجدد القبولات تمهيدا لرفع الالحاق للوزارة ان شاءالله

وانت اول خطوة صل الاستخارة والله سبحانه بيدلك على اللي به خير لك
ثاني خطوه رح لادارة التدريب والابتعاث بمنطقتكم وخذ نماذج الاجازة الدراسيه وعبها و ارفق قبول من جامعه معترف فيها مع النماذج والمعامله تاخذ مجرياتها تقريبا مدة 3 شهور او اقل

وبهذه الحاله تكون انت مجهز نفسك للسفر وتشوف وش يصير علي و تستفيد من تجربتي

الله يوفقك ياخوك .... (عليك ببر والديك , بها اشياء مهما تصعب تتيسر )

الله يجزاك خير اخوي وان شاء الله ييسرها ربي عليك
ويارب يسرها علي و وفقني