مساعده الله يعطيكم العافيه افكر ارجع السعوديه ..

يارجال عادي الوضع بالبدايه صعب

بعدين تتعود حرام ترجع عشان اكل ولا شي بسيط

مده وتتعود تحمل وتسلك الامور ان شاء الله كل الشعب مثلك ترا

الاكل مو مشكله ان شاءالله ما اكل

لكن احس اني غريب ما اعرف من كلامهم شيء ، صح بعض الكلمات اعرفها بس مادري وش السالفه بالضبط

شعوري احس اني لحالي وسط الناس ، وخايف اني ما اقدر اتعلم اللغه الانجليزيه واصير ضاعت مني سنه من غير فايده

وعليكم السلام ورحمة الله وبركاته

والله ياخوي انا مثلك اول ماوصلت لأمريكا ماني عارف راسي من رجليني المهم بعد ما تحملت اسبوع وبدأت دوام بالمعهد وعرفت سعوديين الحمد لله الله فرج همي ....

الله يفرج همك ويكون عون لك في غربتك ....

استحمل وثابر وصدقني راح ترفع راسك بعدين .

بالتوفيق

اول اسبوع لك بدري ، صدقني اول ماتتعرف على سعودين يساعدونك امورك بتضبط ، الله يوفقك و يسر لك

المعهد يبدأ بعد اسبوع وحتى لو لقيت سعوديين اخاف اختلط معهم كثير واضيع باللغه

انا بس ابي اعرف حاجه ، اللي مره مو فاهم شيء ابدا باللغه المعهد والعائله راح يفيدونه ، اكيد ولا مو شرط ؟

لأني سمعت ناس يقولون اذا بتروح تدرس برا وانت ما معك اساسييات بسيطه ماينفع ماراح تستفيد شيء وبترجع

انت احتك بالعائله بأدب و خلك معهم طيب و شوي شوي بتبدأ تطقطق باللغه و بإذن الله تتعلمها مضبوط ، لا تشيل هم ، انت بس حاول تضغط على نفسك و تتعلم

الاحساس اللي انت فيه عادي بما انك توك جاي وحاس ان الامور ملخبطة لكن مع الوقت والجد بتتنبهر بالتغيير
خل ثقتك بالله كبيرة يقول الله بالحديث القدسي(انا عند ظن عبدي بي)
مافيه احد ولد متعلم وفاهم..(انما العلم بالتعلم)
واصح تردد الكلام السلبي لانه رح يصيبك بالاحباط ويخليك عاجز..اجعل قدامك هدف واعزم من داخلك انك بتحققه..وبأذن الله بتحققه
المهم الان حاول تحتك في العائلة اكثر وتكلم معهم حتى لو كلامك بالبداية كله غلط ...اهم شي بربر واختلق السواليف وماااعليك اصلا هم عارفين وضعك ومايركزون كثير على الاخطاء بقدر مايهمهم انهم يوصلون لك المعلومة وهذا اللي لاحظته بالامريكان
الامر الثاني حاول تشاهد التلفزيون وخصوصا الاخبار بتلقط لك كلمات جديدة مع تكرارها بتحفظها
اذا بديت بالمعهد وخلال اسبوع واحد بتلاحظ تحسنك
اهم شي ثق بالله وامورك بتتسهل بأذنه



بالنسبة للأكل ومادامك توك جاي ومستحي اشتر لك كيس توست وجبن مثلث ومربى وحط لك ساندوش وقت الجوع ويمدحون السنكرس وقت الزنقه
وذا انت دافع فلوس الاكل عند العائلة اسألهم تراهم صريحين وهالامور ابدا ماتهمهم لو تظطر تجيب القاموس وتشرح لهم هذا حقك

شي طبيعي انك تحس ب هالشعور صدقني راح تتآقلم بس يحتاجلك شوية وقت ...

حبيبي يا ليت تترك الدلع شوي على جمب << واسف ولا تاخذها بمحمل شخصي


انت رجاال تدبر اموورك وهذا الموضوع المفروض ينزل من بنت طالعه لحالها


ياخوي انا الي اكلمك طلعت الهند وانا وقتها صغير عمري توي 18 سنه ولا اعرف كلمتين انقلش ورايح على الله ومشيت اموري الحمدالله بكل شى وجلست وعشت بالهند ثلاث سنين وغيري كان يجي من اول اسبوع يرجع السعوديه وقتها يقول ما اقدر استحمل ومدري ايش ولا اقدر اتاقللم

انت بكندا كل شى عندك سهل اما سالفه انا اجوع وما اعرف شى هذا شى طبيعي والمفروض لا ينذكر << خلك خشن شوي مافي انسان ناااجح بحياته بدا كل شى بسهووووله تلاقيه عانا من اشياء مقارنه بالي تقوله انت شى يضحك مشكلتك



ولا احد يتهجم علي بالرد رجاء ويقول توه جديد وغيره معليش السالفه كلها دلع وشى عااادي


وموب كل من قسى عليك يا صاحب الموضوع يغني كرهك بعض الاحيان العكس << والمعنى واضح


اتمنى لك التوفيق والله من كل قلبي وترجع لاهلك سالم غانم ويارب يجعلك احسن سفير لبلدك هناااك


سامحني لو قسيت عليك بالرد