ارجوا منكم النصيحة

طيب كمل ماجستير في الملك عبدالعزيز ؟ و إن شاء الله بعدها دكتوراة
إذا المشكلة في عملك ، قدم على التعليم ، بس تتحمل التنقلات كم سنة



الله يحفظك لك العائلة الكريمة ،
لولا فسحة الأمل لضاق العيش ، و لولا ابتسامات الأطفال و أفراحهم لمللنا الحياة

اهلا بالزميل
اخي الكريم انا خريج جامعة الملك عبدالعزيز انتساب مثلك بالضبط

كل شي بحول الله وقدرته يتم

بس الموضوع يحتاج شوي ترتيب وتنظيم

انا مريت بمرحلتك هذي عموما اذا بغيت راسلني خاص وابشر بالخير
بعلمك بالي حصل معاي بالتفصيل

وفقني الله واياك

الله يجزاك بالخير على الرد بس المشكله في التقدير جامعات السعودية تقبل جيد ومافوق

يعجز لساني عن شكرك لكن الله يجزاك الجنه حبيت اسال انه بعد الثلاثين الابتعاث مقفل حتى لو ماجستير انا سمعت انه اقصى عمر ان يكون اربيعين والله يوفقك دنيا واخره

الف شكر والله انا احتاج من وقتك شئ بسيط لكن المراسة عندي مقفله ارجوا انك انت تراسلني على الخاص بكتابت ايميل والف الف الف شكؤ

اخوي عادل شهادتك بشركة WES لأن اغلب الجامعات الامريكية بتقولك روح عادل عندهم وبعدين قدم عندنا..

اذا عندك رسوب كثير الشركة هذي بترفع معدلك لأنها ماراح تحسب مواد الرسوب, فقط النتيجة الجديدة, ممكن تحصل شروحات عن هالشركة اذا بحثت بقوقل

أخوي dr.toronto
اللي أعرفه أن طلب الدراسة على الحساب الخاص و طلب الإلحاق في البعثة ما لهم عمر محدد
أنا اطلعت على موقع الوزارة و ما لقيت شي عن العمر
فإذا انت عندك مصدر للمعلومة بالله عطنا اياه لأن الموضوع أيضا يهمني ، فأنا تجاوزت الـ 30 و أريد دراسة الماجستير و حاليا خلاص أموري شبه منتهية بالنسبة للمعهد و باخذ إجازة علشان الموضوع هذا و على أساس أقدم إلحاق في البعثة

هل جربت ؟؟
أخوي ، ما أقصد أني أثنيك عن الدراسة في الخارج ، فهذا الخيار بيدك أنت و أنت أبخص بظروفك و قدراتك و ميولك ، لكن قاعد أحاول أفتح خيارات أخرى
أنا مثلك تقريبا ، و لي يمكن 5 سنوات و الدراسة ذي في ذهني ، الآن توفرت لدي سيولة جيدة ، و لكن ما زلت متخوف و لذلك راح آخذ إجازة و أدرس لغة و أقدم على الجامعات و أرجع ، إن جاءتني البعثة فبها و الحمد لله و إن ما جت فالحمد لله رجعت لوظيفتي اللي حقيقة مو رتاح فيها لكن أكون خلاص عرفت أن موضوع الدراسة في الخارج غير ممكن و أدبر وضعي بطريقة أو أخرى

أضيف إلى موضوع الظروف و القدرات و الميول ، التخصص ، وش التخصص اللي تبي تدرسه ، و ايش الوظائف اللي تتوقع أنك ستجدها ؟ ما فيه شي مضمون لكن المقصود ما هي الوظائف اللي تريدها أو تتوقع أن تخصصك يبي يجيبها لك بغض النظر عن إمكانيتها ؟ أنت ممكن تطرح موضوع مستقل عن التخصصات و تسأل و تستشير

أيضا موضوع الأولاد الله يحفظهم ، وش تبي تسوي بهم ، قد يكون بعض الناس الأمر عنده محلول ، مثلا بيت الوالد الله يحفظه كبير و عامر و حالته المادية جيدة فبالتالي مسألة العائلة محلولة ، يحطهم عن بيت أبوه و ينطلق في رحلته العلمية إلى أن يوفقه الله في البعثة ثم يدبر طلعتهم له هناك .. ناس ثانيين ما عندهم الإمكانية هذي ، فيضطر أنه ياخذهم معه ، و هنا تظهر مشكلتين ، مشكلة التكلفة ( زوجة و خمسة أطفال عدد مو بسيط ) ، و مشكلة الازدحام في الوقت و بالتالي التأثير في الدراسة ، و لذلك لا بد من التفكير في إيجاد لهذا المخاطر المتوقعة

على فكرة ، عودا إلى موضوع شهادتك ، أعرف شخص معرفة وثيقة ، درس انتساب في نفس تخصصك و نفس جامعتك ، و قبل حوالي سنة و نصف تخرج و انضم لسلك التعليم ، ثم درس في الرياض سنة و الآن في مدينة تبعد عن جدة حول المائة كلم ، و في نفس الوقت يدرس دبلوم تربوي في الملك عبدالعزيز خلال هذي السنة الدراسية و طموحه يكمل ماجستير إدارة تربوية بعد الدبلوم ، و لم يذكر شيء عن الدكتوراة و لكن لا أستبعد ، لكن معدله اعتقد جيد ، تقريبا 3 أو يمكن 2.9 من 5.00

عذرا ، قد يكون كلامي غير مرتب ، لكن لعل في كلامي أمور تفتح لك أبواب للتفكير و السؤال ( و اعتذر شديد الاعتذار إذا فتحت لك باب للتردد )