سؤال لكل شخص درس ع حسابة... تكفــــون اللي درس ع حسابة والتحق..يشوف السؤال ويرد عليه

موفق اخوي وان شاء الله يجي من يفيدك .. ولكن حسب مايقولون انك تدرس ٤ شهور وبعدين ترفق تقارير الحضور والغياب والدرجات من المعهد .. وتنظم باذن الله على طـول بس ماقلت بكالوريوس ولا ماجستير !

- - - مشاركة محدثة - - -

موفق اخوي وان شاء الله يجي من يفيدك .. ولكن حسب مايقولون انك تدرس 4 شهور وبعدين ترفق تقارير الحضور والغياب والدرجات من المعهد .. وتنظم باذن الله على طـول بس ماقلت بكالوريوس ولا ماجستير !

سؤالك جميل وانا اليوم كلمت وزارة التعليم العالي وسئلتهم عن نفس السؤال قالوا اذا امريكا لازم تخلص 4 اشهر من معهد اللغة وليس الدراسة بالجامعه وترفع طلب على حسب النظام الحالي و ممكن تلتحق فوراً وممكن تجلس الى سنه كحد اقصى فلابد من شدة الحيل في المعهد عشان تجي الدرجات عاليه ( توقع شخص ان الالحاق شكله بينزلون له انظمة جديده والله يكفينا شرها ) اما اذا كان بلد الدراسة بريطانيا او استراليا فلازم تجيب ايلتس وتخلص اول سمستر @@ من الدراسة بالجامعه

اما بخصوص التكلفة والله يا عزيزي انا ما ادري لأني مثلك عازم على الدراسة واكمال مشوار التعليم ولكن هذي الامور ترجع الى المدينه وصرفية الشخص ولكن على حسب توقعي انها راح تكون 12 الف دولار لمدة 4 شهور اي تقريباً 45 الف ريال تزيد او تنقص من شخص لأخر ( المبلغ توقعي حسب ما قرأت )

والله يا عزيزي هذا الي اقدر افيدك فيه وانا اتمنى انه نشوف ناس يتفاعلون معانا من المنتدى لاني ما ادري ليه ما احد يرد الله يرزقنا بالتعليم والبعثه والصحة والعافية وتثبيتنا على ديننا الاسلام

الرجال كاتب التخصص ثانية عامه يعني اكيد بكالوريس

- - - مشاركة محدثة - - -

الرجال كاتب التخصص ثانوية عامه يعني اكيد بكالوريس

الله يجزاااك خيير ويحفظك ... انا معي فقظ الثانوي وابكمـل بعدهـآ .. والله يعطييك العآفية

الله يعطيك الـف عأأفيـــة .. بسس يأأخوي خوفــتني يوم تقــول راح يتغيــر النظآآم ؟؟؟

يعـني في اخبأأر مؤأكـدة انهم رااح يغيرونه؟؟ واذا كان فيه عساهأ إلي االاحسسن ...
الخوف نستقيـــل وندرس ع حسأبنأأ ويتغير النظأم اللتحآآق .. ولانلتحــق ونصيـر معلقيين

اخوي تطمن انا كنت دارس علي حسابي والحمد الله ما طولت ما جلست الا يمكن ٣ شهور (انا ادرس في الجامعه مو المعهد)

ولله الحمد جاتني البعثه بسرعه صحيح تعبت في البدايه بس الحمد الله كل اموري تمام


اخوي توكل علي الله وروح بس لا تروح الا وانت مضبط كل شي لا تغلط مثل غلطتي هذا الي اخرتني اشوي


الله يوفقك يارب

يأفدديت رآآآآآآسسـك .. انآ نااوي ان شاء الله ومعزم .. بس خفت من كلام اخونآ اللي يقول يمكن يغيرون نظام التحاق البعثــة ,, وتبي الصدق صكتنـي النفسيـة وكتبـت هالبيتيــن ..

مـأبي اعـآتب حظـي واعآتب اقـدآآري ,,, الـوكآآد انـي من حيآآتي تشأمـــت .!
حـلفت مـايطري لي للأمــل طــــآآري ... من كثـر خيبــــــآآت ألامــل تعـلمــت .


وصـلت لحآلة نفسيـة مزريــة بسس بعد كلامك هذا كني تحممسست ...

^^
لكن الأخ الكريم درس ثلاثة أشهر من الجامعة ، ثم ألحق . أنت تبي تدرس لغة أول .

أخي الكريم ، أفضل حل أنك تحسب على الاحتمال الأسوأ . تحسبها من ناحية التكاليف المادية للدراسة و المعيشة ، و تحسبها من حيث الفائدة المتوقعة .

ترى أنت موظف في قطاع حكومي ، أدري أن الراتب قليل مقارنة بكثير من القطاعات الخاصة ، لكن اسمه حكومي و العمل فيه خفيف و آمن و العلاوة ثابتة و لا لها علاقة في التقييم . و عندك خيارات ثانية للدراسة مثل الانتساب في جامعة الملك عبدالعزيز .

فإذا أنت مالي يدك ، من الناحية المادية ، و درست الموضوع من جميع الجوانب و وجدت أن الفائدة كبيرة من هذا المشروع ، فتوكل على الله بعد ما تحسبها صح .

التكاليف تختلف من مدينة إلى مدينة و من معهد إلى معهد .
فيه معاهد بـ 2000 دولار شهريا ، و فيه معاهد بـ 500 .
السكن ، يعتمد على المكان ، سمعنا في بعض الولايات و المدن الرخيصة أنك ممكن تاخذ شقة بـ 400 دولار شهريا ( تأكد بالسؤال في الملتقيات ذات العلاقة )
الأكل .. أنا أمس ( في لوس أنجيلوس ) متغدي سندويشت ماكدونالدز صغير ( ليس وجبة ) بـ 4 دولار . افترض أنك ما تفطر و تتغدى و تتعشى إلا ماكدونالدز ، و احسب و شوف . خلنا نفترض أنك ما شاء الله من النوع اللي ياكل ، فواحدة في الصباح و ثنتين في الغداء و واحدة في الليل ، هذي 16 دولار . قل يا شيخ 20 دولار في 30 يوم بـ 600 دولار ( بحسب افتراضنا السابق للكميات ) ، و أنا اعتقد أنها ممكن تكون أقل ، لأنك إذا استقريت ممكن تشتري أنت التموين للبيت و تسوي أكلك في البيت .
بعض المدن أو المناطق ، توفر باصات مجانية للطلاب ( لكن أكيد لها مسار خاص فلا بد أنك تعرفه و تحاول تسكن قريب من أي نقطة يوقف عندها الباص ) ، أو ممكن يعطونك بطاقة مجانية أو مخفضة .
إذا احتجت سيارة ، فما عندي خبرة بصراحة ، لكن أعرف واحد في ساندييقو اشترى تويوتا أفالون موديل 2001 أو يمكن 2002 بـ 6000 دولار و على كلامه نظيفة

الله يوفق الجميع

وانا مثلك أخوي

ناوي استقيل واكمل دراسة ان شاء الله

جبت قبول المعهد .. والجامعة في الطريق ان شاء الله

كلها شهرين او ثلاثة وطالع .. شيكاغو

وانا كمان متزوج

بس الأخ اللي قال انهم راح يغيروا النظاااااااااااااااام ... ياريت اللي عندوو معلومة اكيدة يقولها


وبالتوفيق للجميع