الأعضاء الإشتراك و التسجيل

الملتقيات
ADs

اليوم قصّيت التذكرة .. كيف اخذت الفيزا وكيف اخذت الموافقة من الوزارة بالنظام الجديد!

اليوم قصّيت التذكرة .. كيف اخذت الفيزا وكيف اخذت الموافقة من الوزارة بالنظام الجديد!


NOTICE

تنبيه: هذا الموضوع قديم. تم طرحه قبل 4008 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية fawaz al-shareif
    fawaz al-shareif

    مبتعث مستجد Freshman Member

    fawaz al-shareif الولايات المتحدة الأمريكية

    fawaz al-shareif , ذكر. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى chemical engineering , بجامعة university of cincinnati
    • university of cincinnati
    • chemical engineering
    • ذكر
    • cincinnati, ohio
    • السعودية
    • Nov 2012
    المزيدl

    April 8th, 2013, 09:57 PM

    السلآلآلآم عليكم ورحمة الله وبركاته ..

    اخوكم موظف .. في شركة بالجبيل الصناعية .. وكانت أموري تماام ولله الحمد ..

    لين فجأة ومن غير بهارات و مقبلات ..

    في بريك الغدا .. جلس جنبي موظف كوري جنوبي قد بلغ من السن عتيا < -- يمديكم ع الوصف

    وقالي حرفيا يا عيال ..

    knowledge is power ,why u leave high positons for foreign people , this is your country , just do it ,u still young

    اردفها بابتسآمة .. ونظرات مباشرة إلى عيني .. لا أستطيع أن اصفهما ..

    قلت له بصوت خافت جدا .. ثانكس .. لآ ادري ان كان سمع هالكلمة مني أم لآ < --- فصحى يا حبيبي فصحى ..

    بعدها .. طالعت في صحني .. نظرة انسان مبعثر .. مزيج من اللامركزية و التشتت .. << كلامه وابتسامته ونظرته .. رنّت مخي رنّ .. وفقّعت مخّي < -- ؟؟

    رجعت البيت .. وفكّرت بالموضوع مليآ .. صليت استخارة ..

    استشرت اهل المشورة .. واستأذنت من والدي أطال الله في عمره في هذه الخطوه ..

    ثم ذهبت إلى ألى راس مالي في هذه الدنيا .. أمي .. وبعد محاولات جادة .. وافقت واذعنت لرغبتي .. مع دموع .. اسأل الله ان يغفر لي تسببي في جعل غاليتي تذرف تلك الدمووع الغالية جدا جدا جدا .. !!!

    وبعدها استخرت الله مرارا وتكرارا .. وارتحت ولله الحمد .. وما خاب من استخاار ..

    وش تسوي هالحين يابو الفوز ..

    مالك الا الاتصال بعبدالعزيز .. عبدالعزيز - الله يجزاه خير ويوفقه - احد زملائي في كلية الجبيل الصناعية ..

    افترقنا بعد الدراسة .. هو اختاار إكمال الدراسة في أمريكآ .. وأنا أخترت الوظيفة ..

    كلمته .. وبعد موّال .. كيف الاحوال .. ووش الاخبااار ..

    قاطعته بلهفة .. أبو العزّ .. أخوك يبي يستقيل وبيطلع يكمل درااااسة .. وش رايك ..

    سكت .. ثم قال لي .. من جدّك انت .. وعاد لصمته وكأنه يستجمع قواه .. وقال لي تدري ابو الفوز .. زين تسوّي .. زين .. << دويتو فصحى وعامي

    أنا قريب مني جامعة قوية ممتازة .. جامعة سينسينااتي .. وفيها تخصصك < -- عبدالعزيز يعرف تخصصي مسبقا .. لأننا درسنا سوى في الكلية ..

    طيب وش الخطوات عبدالعزيز ..

    قال لي جب ورقة وقلم واكتب معاي .. - وركزوا هنا ياللي تبون تطلعون على حساابكم الخاااص - ..

    1/ تجيب قبول من جامعة معتمدة من الوزارة في الدرجة الاكاديمية والتخصص ...

    ولآزم يكون القبول .. قبول مشروط .. لأن نظام الوزاارة الجديد ( الموافقة للدراسة على الحساب ) .. يبون القبول الجامعي مشروط ..

    كيف تعرف ان الجامعهة معتمدة ..؟؟

    هذا الرابط :

    http://www.sacm.org/Departments/Academicacreditation.aspx

    2/ تجيب قبول من معهد لغة انقليزية .. مايكون مغلق ولآ يكون مكدّس .. وعادي جدآ يكون المعهد بالشرق و الجامعة بالغرب ..

    والأفضل تكون الجامعة والمعهد بنفس المكااان .. للأستقرار ..

    هذا رابط فيه المعاهد المعتمدة من الوزارة .. وحالتها هل هي مغلقة ام مكدسة ام متااحة ..

    Approved ESL Program List

    شطحة .. انا معهدي مكدّس وجاني قبول للدراسة ع الحساب الخاص الحمدلله ... كيف يا فواز ..

    راسلت حساب الملحقية بتويتر .. وقلت له .. معهدي اللي اخترته مكدس .. واخترته لأنه تابع للجامعة .. وما ودي اطامر من ولاية لولاية .. وش السواة يا فتى الملحقية العظيم < -- يقالي ابي اضبطه الحين

    قالي حرفيا .. ارفع طلبك ربما يقبل ..

    وانا بحكم اني نابغة وافهمها ع الطاير << -- خف علينا يا فليكس >> وش دخل فيليكس يالنابغة انت

    توكّلت ع الله ثم قدمت ع هالمعهد .. وجاني القبول ..

    يا شنب ويالشنبة < -- ؟؟ ..

    لحد يقدم على معهد مكدس وينرفض طلبه .. ويجي يدعي علي هنا ..

    الفتى العظيم خخخخ قال لي .. ارفع طلبك .. ربّما يُقبل .. وفهمكم كفايه يا ابضايات ..

    3/ I20 .. ( الأي تونتي ) .. وهو مهم جدا في اجراءات الفيزا .. وانسى تجيك الفيزا من غيره .. إلا أن يشاء الله ..

    واستخراجه سهل جدا .. فمجرّد قبولك من المعهد .. يرسلون لك وثيقة القبول مع الآي تونتي ..

    4/ إجراءات الفيزا الأمريكية ..

    مآ أدري ليش الشباب مكبّرين الموضوع .. ومستصعبينه .. الموضوع سهل جدآ .. بشرط ان تكون أورااقك كاملة .. أوراقك كاملة .. أوراقك كاملة .. أوراقك كاملة .. أوراقك كاملة ..

    لمّآ تجي تعبّي طلب الفيزا عن طريق النت .. وتخلّص .. يرسلوا لك ايميل .. فيه جميع الأوراق المطلوب إحضارها وقت المقايلة ..

    وأثناء تقديم طلبك .. يطلبون منك تطبع ثلاث أوراق - ع مآ أذكر - ..


    أعيد وأزيد .. يجب ان تكون أوراقك كاملة .. وان شكيت في اي شي .. هل يبونه أو لأ .. خذه معك .. التعب ماهو عليك .. ع الملف المسكين ..

    تجربتي مع الفيزا .. سويت المقابلة يوم الإثنين .. وجاتني الفيزا يوم الأربعاء .. يعني ما اخذت اكثر من يوم ونص عمل .. ولله الحمد والمنّة ..

    وقت المقابلة .. خلّك هاادي .. ولا تتفلسف وااجد .. جاوب على قدر السؤال .. ولا تبتسم كثير .. زي الموظف العادي اللي اذا مر مديره قدامه .. أنواع الابتسامات < -- يعني ما سويتها يوم كنت موظف .. اشبع ابتسامات خخخخخخ

    بالمقابل .. أحد زملائي .. للحين ما طلعت الفيزا .. له شهر ونص ..

    لأن ضمانه المالي بخمسين ألف رياال .. !!!!!

    انا دبّرت 120 الف ريال .. واللي يقول لي وش تحس فيه يا فواز .. كثير هالمبلغ .. اقوله لو معي اكثر .. وديته لهم .. الاحتياط وااجب وانا اخوووك .. !!!

    اخوانك واخوياك .. ماهم مقصرين معك يبون يحولون لك .. بس الله يعينك ع الاوراق والضمانات والتعهدات والاقراارتت والصكوك والمحاكم خخخخخخخخ خخخخخخخخخخخ

    باختصار .. اوراقك تكون كااملة .. وضمانك المالي قوي نوعا ما ..

    يا شباب والله حرااام .. تخلص الخطوة 1 و 2 و 3 .. وتدقّر عند االخطوة 4 .. ع شان رحت المقابلة ونسيت ايصال بنك سامبا .. او انك ناسي اي ورقة يبونها ..

    5/ موافقة وزارة التعليم العالي للدراسة على الحساب الخاص .. ع شان تنضم للبعثة لآحقا إن شاء الله << دعوااتكم يا شباب ..!!

    خلاص .. عندك قبول من جامعه معتمدة في الدرجة والتخصص .. وقبول من معهد ماهو مغلق وحبذا ما يكون مكدس .. وعندك الآي تونتي .. وعندك الفيزا ..

    افتح موقع الوزارة وقدم .. وحبذا الاوراق اللي طالبينها بالوزارة تكون رافعها ملوّنة ..

    يجيني واحد .. ويقولي .. فواز .. الوزارة من شروطها .. اسوي فحص طبي من مستشفى حكومي .. مستشفى حكوومي .. مستشفى حكوومي .. مستشفى حكوومي ..

    وإذا جيت ابي ارفع أوراقي .. مافيه خانة للكشف الطبي .. !!!

    مالك لوى يالغالي ..

    في خانة رقم 6 - على ما اذكر - مكتوب .. مسوغات لتدعيم طلبك .. < -- ماني متأكد ..
    ارفع اوراقك في هالخاانة ..

    اخوكم .. قدم يوم الأربعاء وجاته الموافقة يوم الأحد .. ولله الحمد و المنّة ..

    اعيد وازيد .. أوراقك لآزم تكون كاملة ..

    اخوكم .. قبل موعد الفيزا بيومين .. بدأ يتأكد من ان الأوراق كاملة .. وقبل أرفع أوراقي للوزارة .. تأكدت من بياناتي .. قبل لآ ارفعها مليون مررررة ..

    و ع ماقال الشاعر .. القَنَص بالرّكآآدة ..

    واذا .. استصعب عليك شي .. لا تيأس و لأ تقنط من رحمة الله .. وقل الحمدلله اللي مايحمد على مكروه سوااه ...

    لأ تستلم .. وتوكل ع الله .. وع ماقالوا .. اللي عقد رووس الجبال يحلّها ..

    اخوكم .. في التقديم ع الجامعة .. واجه معوّقات كثيرة .. والحمدلله .. تيسّرت فيما بعد ..!!

    انا ما تيسرت أموري إلا بهالاشياء الثلاثة ..
    1/ توفيق و تيسير من رب العالمين ..
    2/ دعاء الوالدين ..
    3/ اوراقي كااملة .. اوراقي كاملة .. اوراقي كاملة .. وكنت قبل لا اسوي اي خطوة خصوصا الخطوة رقم 4 و 5 .. اتأكد اكثر من مرة ..

    نظام الكورة بالحارة .. طقها والحقها .. والشباب حقين السبرينت .. ماينفعون هنا .. ارفع راسك و دور بالكورة .. مرة وثنتين .. وشوف اللاعب المناسب ومرر له الكورة .. واسحب ع المدرب ما عليك منه << -- ابو الشباب وين راايح ..


    في النهاية ..

    أتمنى أن أكون وُفّقت فيما كتبت ..

    إن أصبت فمن الله .. وإن اخطأت فمن نفسي والشيطااان ..

    اللي عنده اي سؤال .. لا يستحي .. اسال مليون سؤال .. .. أخوك فواز بيساعد باللي يقدر عليه .. ولا أحد يطلب فلوس .. ما ني حافظ رقم حسابي .. والبنك حالف مايعطيني رقم الحساااب < -- ما يعرف يصرّف ابد ابد


    وادعوا لي بالتوفيق .. في دنياي وأخرتي ..

    طلب بسيط .. لو حسيت انك استفدت مماكتب اخوك 1 % اتمنى تقول ..

    اللهم ارحم والديّ فوّاز .. كما ربّيآآه صغيرآ ..

    والسلاام عليكم ورحمة الله وبركااته ..!!

    - - - مشاركة محدثة - - -

    نسيت أقولكم ..

    هذا الموقع فادني كثير ..

    www.saudiusa.com
  2. ماشاء الله كتبت الخطوات كاملة بشكل مختصر وعجبني تاكيدك للاوراق الكاملة الله يسهل دربك اخوي فواز

    والله يرحم والدينك ان شاء الله

    استفسار بسيط يالغالي بالنسبه لكشف الحساب الي انت موديه كان بالريال عااادي ولازم اطلعه بالدولار من البنك ؟؟؟

    بالذات هذي النقطه الي ابي اعرفها لاني جبت قبول اي توني وكان كشف الحساب بالريال وهم حولوه الى دولار
    بس بالنسبه للفيزا كشف الحساب يوم قدمته كان مكتوب فيه 120 الف ريال ولا 32 الف دولار !!

    ومشكوور ولااوصيك الايام الجايه خلك قريب من الغاليه لجل ماتحس بفراقك والله يسعدك في برها
    7 "
  3. المشاركة الأصلية كتبت بواسطة آهـوى آلـجنــون*
    ماشاء الله كتبت الخطوات كاملة بشكل مختصر وعجبني تاكيدك للاوراق الكاملة الله يسهل دربك اخوي فواز

    والله يرحم والدينك ان شاء الله

    استفسار بسيط يالغالي بالنسبه لكشف الحساب الي انت موديه كان بالريال عااادي ولازم اطلعه بالدولار من البنك ؟؟؟

    بالذات هذي النقطه الي ابي اعرفها لاني جبت قبول اي توني وكان كشف الحساب بالريال وهم حولوه الى دولار
    بس بالنسبه للفيزا كشف الحساب يوم قدمته كان مكتوب فيه 120 الف ريال ولا 32 الف دولار !!

    ومشكوور ولااوصيك الايام الجايه خلك قريب من الغاليه لجل ماتحس بفراقك والله يسعدك في برها
    لآ تخاف وانا أخوك .. اذا طلبت الشهادة البنكية يكتبون لك المبلغ بالريال و بالدوللآر ..
    ومايمنع انك تتأكد .. اذا جيت اي بنك وطلبتها .. انك تستفسر ع شان يرتااح بآلك ..

    اقولك هالكلام بناء على ماصار معاي في بنك الراجحي ..
    طلبت شهادة بنكية .. و سألت عنها .. قالي الموظف .. نسويها اصلا بالريال وبالدولار ..!

    البنوك الثانية ما ادري عنها .. اسال قبل افضل ..!!



    وجزاك الله خير ع الدعوة الطيبة يالغالي ..
    7 "
  4. أول شي .. مبروك على اصدار الفيزا وصدور الموافقة

    ثاني شي .. ماشاء الله على أسلوبك الرائع والسلس والفكاهي والمختصر والـ.....

    ثالث شي ... عندي سؤال

    بالنسبة للضمان المالي ... هلى هناك مبلغ محدد لفترة
    (يعني اللي جالس سنة لازم في مبلغ معين ما يكون اقل منه؟؟ والمبلغ يختلف اذا كنت طالع لحالك ولا متزوج وطالع مع زوجتك وأولادك؟ ولا أي مبلغ؟ )

    فهمت منك انو الشهادة البنكية ( الضمان المالي ) يكفي ومو لازم كشف حساب صح ولا أنا غلطان؟

    آخر سؤال .. اذا كان الضمان المالي باسم الوالد .. عادي ؟ ولا لازم في ورقة اقرار من الوالد بتحمل المصاريف ؟؟

    والله يوفقك ويجزاك كل خير
    7 "
  5. المشاركة الأصلية كتبت بواسطة Eng-Waleed
    أول شي .. مبروك على اصدار الفيزا وصدور الموافقة

    ثاني شي .. ماشاء الله على أسلوبك الرائع والسلس والفكاهي والمختصر والـ.....

    ثالث شي ... عندي سؤال

    بالنسبة للضمان المالي ... هلى هناك مبلغ محدد لفترة
    (يعني اللي جالس سنة لازم في مبلغ معين ما يكون اقل منه؟؟ والمبلغ يختلف اذا كنت طالع لحالك ولا متزوج وطالع مع زوجتك وأولادك؟ ولا أي مبلغ؟ )

    فهمت منك انو الشهادة البنكية ( الضمان المالي ) يكفي ومو لازم كشف حساب صح ولا أنا غلطان؟

    آخر سؤال .. اذا كان الضمان المالي باسم الوالد .. عادي ؟ ولا لازم في ورقة اقرار من الوالد بتحمل المصاريف ؟؟

    والله يوفقك ويجزاك كل خير
    اهلا اهلا بالباش مهندس وليد .. هلا وسهلآ .. !

    أول شي .. الله يباارك بعمرك .. وعقبالك اان شاء الله ..

    ثاني شي .. أشكرك ع الترفيع .. ترى عادي وليد اذا تبيني اكتب موضوع ثاني ماعندي أي مشكلة << --- صدّق نفسه

    ثالث شي .. وهو الأهم ..

    قبل اجاوب ع سؤالك .. أحب اقولكم شي نسيت اكتبه في الموضوع ..

    لاحظت شي غريب .. بعض الشباب الله يجزاه خير .. يكتب موضوع .. يبي يساعد الشباب ويفيدهم .. وفي نفس الوقت .. ما يدري انه يجيب فيهم العيد ..

    أنا أقولكم كيف ..

    قريت احد المواضيع .. صاحبه كاتب ..

    ابشركم يا شباااب طلعت فيزتي .. ووقت المقابلة ما اخذوا مني الا الشهادة البنكية ..

    ع شان كذا .. ما يحتاج تجيبون كشف الحسااااب ..

    ^
    ^

    الكلام هذا غلط .. وكل الغلط .. مو معناته انه ما طلبوا منك .. كشف حساب .. ما راح يطلبوا غيرك ..

    اخوكم .. ما اخذوا مني الا ds160 و ايصال بنك سامبا و الأي تونتي والجواز ..

    تخيلوا .. حتى الشهادة البنكية ما اخذوها مني ..

    ومع هذا ازيد واقول .. خذ الأوراق المطلوبة كلها ..

    وفي أمور حياتك كلها .. حاول أن لآ تكون الحلقة الأضعف ..

    ونرجع لسؤالك ياش مهندس ..

    بالنسبة للشهادة البنكية .. 120 الف ريال .. كافيه ووافيه .. حتى لو معك عيال ..

    والظاهر انك فهمتي غلط يالغالي ..

    انا بالموضوع ما \كرت وش الأوراق المطلوبة .. لأنك راح تعرفها لآحقا .. لما يرسلون لك ايميل تأكيد الموعد ..

    انا جبت طاري الشهادة البنكية لمّا قلت سالفة خويي .. راح للسفارة ومعه شهادة بنكية ب 50 الف ريال ..

    و ع فكرة .. كشف الحساب .. أحد المستندات المطلوبة .. اللي لازم تجيبها ..

    وانا ما سألوني عنه ..

    لكن .. خذه معك .. يمكن يقولك وين كشف حسآآبك ؟؟

    خل أوراقك كاملة .. بناء على الايميل اللي يجيك .. ما هو تجيب الاوراق اللي اخذوها من مصطفى بس..

    وبالنسبة لآخر سؤال ..

    عادي جدا تكون الشهادة البنكية باسم والدك الله يطول في عمره ..

    ولكن .. ورقة الإقرار بالتكفل بالمصاريف ضرورية جدا ..

    وهذا اللي سواه اخوي لما طلع الصيف اللي راح ياخذ كورس لغة .. !!

    سوى شهادة بنكية باسم ابوي .. وجاب ورقة الاقرار بالتكفل بالمصاريف ..

    شاكر لك المرور ..
    واذا عندك اي سؤال .. او مافهمت شي من اجوبتي ..

    ارجع واسأل .. بانتظارك يا باش مهندس ..

    والله يوفق الجميع يا بعدي ..!!
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.