متى يحق للمعلم الدراسة على حسابة الخاص ؟

للاسف الشديد قامت وزارة التربية والتعليم بمنع تفريغ أي معلم ومعلمة

لاحول ولاقوة الا بالله

عسى الله ان تكون خيرة للجميع من المعلمين والمعلمات

دائم في وزارتنا الموقرة لابد من التعقيد لعدم اهلية الموضف واغلبهم خاصة في الإدارات مايفهمون النظام اويماطلون لضعف الرقابة عليهم ولاكن إذا اردت أن تأخذ حقك فعليك بالهرم الاكبر وقدم معاريضك واصبر وراجعهم بإستمرار ،هذا اسلوب مجرب وبإذن الخالق أن تحصل على مرادك.

أخوي أنا مريت بنفس مشكلتك حاولت أطلع عن طريق وزارة التربيه ولافيه أمل لو طلعت أنا وأنت من يطلع الواسطات؟؟؟ عشان كذا مكتوب نطلع ع حسابنا المهم مالك بالطويله لاتفكر أبداً أبداً بالاستقاله الحمدالله أنت موظف حكومي ووظيفه مستقره وغيرك يتمناها. علشان كذا أول خطوه تجيب قبول جامعي مشروط بتخصص يكون مناسب للوزارتين شوف تخصصات التعليم العالي وشوف تخصصات وزارتنا وشوف وش الي يناسب شهادتك السابقه يعني اذا كان تخصصك في البكالوريوس رياضيات وتربيه جيب قبول جامعي للرياضيات .
2-قدَم في وزارة التربيه على إجازه بدون راتب للمدة الي تبيها أنا قدمت اربع سنوات ومادامت اجازه بدون راتب يمشونها ومايطلبون بديل ولو وقفو لك فيها روح للإدارة الي أنت تابع لها ورح تمشي أمورك. هذي الإجازه مهمه جداً حتى تضمن إلحاقك في برنامج الملك عبدالله لانهم مايقبلون الموظفين الا في حالة كانت عندك إجازه بدون راتب.
3- افتح ملف طالب على حسابه الخاص وأنت بالسعوديه طبعا أنا فتحته هنا با أمريكا لكن من الأفضل تفتحه من الرياض علشان تجي مرتاح.
4- تجي أمريكا في معهد رخيييييييييييص جدا ترا مايفرق معهم نوع المعهد لأنك على حسابك الخاص بعد ماتنضم للبعثه غير على كيفك. طبعا الملحقيه تقول مايرفع الطالب الا بعد اربع شهور بس أنت ارفع تقاريرك كل شهر علشان تشوف وش النواقص . وتغيرها .
5- لاتيئس ان شا الله بتنضم لبرنامج الملك عبدالله اذا كانت اوراقك كامله أهم شي لاتستقيل وأحمد ربك إن عندك وظيفه غيرك يتمناها . وإقرأ كثييييير في طلباتهم وروح واسئل أنا بصراحه عانيت من موظفات الابتعاث في وزارة التربيه ماعندهم خبره ولا معرفه تخيل جايتها بالقبول الجامعي ع بعد سنه ونص وتقولي لا مانعطيك اجازه الا قبل دراستك باسبوع قلت غبيه انتي ادرس جامعه وانا ماعندي لغه؟؟؟أخر شي رحت للوزارة وكلمت المسئوله عنهن والحمدالله مشت الأمور لكن لو سكت ومشيت ع كلامها ضيعت وقتي ومستقبلي دائما اذا وقف لك موظف روح لمديره اذا مديره ماعنده سالفه روح لرئيسه,خلك ورا مطالبك حتى تاخذها . وقبل كل خطوه اقرأ عنها وشوف وضعك.
وبالتوفيق أخوي.
3-