مساعدة يَ آخوان احد يعرف احد في وكالة الابتعاث موافقه الطلب على الحساب الخاص طولت

July 15th, 2013, 08:49 PM

الســــلام عليكم ،

اما يَ اخوان مقدم من تاريخ 27/06/2013 وكل شوي يجيني رساله تم احالة الطلب للجنه ورساله تم ااعادة الطلب للتدقيق جاتني خمس مرات ، واكلمهم ولا احد يرد وربي ان دقيت على اكثر من 20 تحويله ولا فيه رد حتى رد ما فيه حسبي الله عليهم ، ورحت للرياض قالوا غريبه انه تأخر طلبك ، وارسلني الموظف للمستشار فيصل مدير ادارة الدارسين على حسابهم الخاص ، ويجته وشرحت له الوضع قال عندك ملاحظه ليش مو محدد التخصص في القبول حق الجامعه ، قلت له انا قبولي مشروط باللغه وصعب اني افرض على الجامعه تخصص وانا قبولي مشروط ، قلت له وبعدين لو ان الملاحظه ما تخليني انقبل ليش تأخرون الطلب كان سويتوا رفض وقلتوا لي بدال ثلاث اسابيع تأخير يعني خلال التأخير هذا يمكن اجيب لكم القبول من جديد مع تخصص ورحلتي قربت ولازم ادفع للمعهد ، قال معك حق وكتب في ملفي ( لا ارى مانع من الموافقه على طلبه ) وارسلها للدكتور هذال العتيبي وقالي صل الظهر وراجع مع الموظف ، استخرت ربي وصليت الظهر والعصر جمعا وقصرا لأني جاي من الدمام عشان حضرتهم ، ورجعت للموظف قال ما شاء الله عندك توصيه ممتازة قلت عساها تفيد بس ، قال لك مني اروح للدكتور هذال اخليه يخلصك قلت ابشر بالدعوه الصادقه من القلب قال خلاص روح للدمام وان شاء الله قبل نهاية الدوام يجيك رد ، وامسك الخط 2 الظهر ويوم مشيت 100 كيلو تعطلت ولا وصلت الا الساعه 9 بالليل ، وافتح اللابتوب قلت الحين التعب كله بيروح اذا شفت الموافقه ، ولا لقيت شي *_* حسبي الله عليهم وانتظرت 4 ايام وانا اكلم ولا احد يرد حسيت ان الوزارة كلهم نايمين ، واليوم جاني تم احالة اوراقك للتدقيق ، وبعد ساعه ، تم احالة اوراقك للجنه ، ورجعنا على ي طير اللي .


وانا ان شاء الله بروح لهم بكره واجلس في الرياض لين اخذ الموافقه.

تجربتي بالتفصصيل الممل.
اللي يعرف احد فيها يقول لي تكفون
الله يوقق الجميع .

• نشر عبر تويتر
• نشر عبر فيسبوك
• نشر عبر جوجل