استفسار بخصوص طلب موافقه للدراسة على الحساب الخاص ضووووري

السلام عليكم
انا قدمت طلب لآخوي وانرفض، السبب (عدم وجود قبول جامعي موضح فيه التخصص)
علما ان القبول اللي عنده للغه فقط
عموما انا وضعت موضوع استفسار وانتظر رد الاخوان، لانه نفس استفسارك

بالتوفيق للجميع

الســـلآم عليكم ،


أخوي الله يوفقك ، موضوعك موآضح ما يبي له شي ،
معليش ما تقدر تقدم طلب دراسه على الحساب الخاص الا بقبول جامعه و معهد ، وتقدر تخش على موقع الوزارة ايقونة طلب موافقه على الحساب الخاص وتشوف الشروط.

بالنسبه للموافقه للمعهد بس هذي تعطى للي على حساب الوزارة يعني يعطونه مهله يروح بالمعهد ويجيب له قبول من هناك ، اما لـ اهل الحساب الخاص لا

الله يوفقك ، ويعطيك مرادك ،

صدق انها وزارة التحطيم العالي يعني حتى وانا طالع على حسابي يعقدون الامور استغفر الله العظيم
نسبتي 97 ونص وقدراتي 82 بس التحصيلي 65 اختبار ساعتين ضيع تعب 12 سنه

ياحبيبي اعرف واحد نسبته59ثانوية عامه شرعي ومن مدرسة اهلية يعني ماهو حق دراسة مبتعث وله خمس سنوات ما خلص اول سنة بالجامعة لا وكمان ممدد سنتين
لكن النظام ماينطبق الا على الطلاب اللي ما عندهم واسطات واعرف حالات اكثر من كذا وفي المقابل طلاب يساهلون هذة الفرصة لكن تحول بينهم انظمة الوزارة

الي عنده واسطه لا يبخل علي ترا مشكلتي بالتحصيلي 65 هههههه والثانوي 97 والقدرات 82 شكلي بحط طلب في المبوبه اطلب واسطه

الله ييسر امرك ويرزقك من حيث لا تحتسب

الله يوفقك ،

وييسر امرك وامرنا ، الوزارة تصعب الامور وهي المفروض تسهل على العالم ، لكن لعبت فينا الواسطه / والله اني جالس عندهم والاوراق تروح وتجي ~> حقت اهل الواسطه والجوالات شغاله ،

يعني لو عندك احد في الوزارة تعرفه على طول يقدر يضمك ، او اقل شي يعطيك امر اِركـاب ،

تحياتي ،