ارجوكم ساعدوني رحت امريكا و تورطت ..

August 4th, 2013, 04:52 AM

السلام عليكم ورحمة الله ..
اخواني انا لي فتره اضبط اوراقي و اسوي الاجراءات عشان احقق حلمي بالدراسه في امريكا ..
و طالع من هنا و براسي التخصص ..
طبعاً ادرس لغه انجليزيه بالمعهد ثم بكالوريوس ..

المهم يا اخوان اني خلصت كل الاجراءات و طلعت فيزتي و مشيت لأمريكا و باشرت الدراسه بالمعهد ..
بعد ما درست فتره قال لي واحد من الشباب لازم تفتح ملف دارس على حسابه الخاص من التعليم العالي ..
قلت ميخالف الموضوع سهل ..
لكن اللي خلاني انصدم انه قال ما تقدر تفتحه الا من السعودية ..
وانا امكاناتي الماديه ما تسمح لي اني ارجع للسعوديه حالياً قبل التحق ابداً والله ..
يعني ان رجعت للسعودية ما اظن راح ارجع لامريكا ..

والله يا اخوان اني متوهق و بديت اتحطم ..
ارجوكم علموني اذا في حل لمشكلتي ..


هذي المشكله الاولى طبعاً ..

المشكله الثانيه و اللي احس انها اسهل ..
اني قبل اطلع لأمريكا رحت و وعملت ترجمة لشهادتي و عادلتها من ادارة التربيه و التعليم .. و ختمتها منهم طبعاً ( ختم عربي الله يهديهم )
المهم رحت لامريكا و درست بالمعهد و كل شي ثم بعد فتره نادتني رئيسة المعهد قالت لازم انك تختم الشهادة حقتك من وزارة الخارجيه و بختم انجليزي ..

وانا يا اخوان ما اعرف اجراءات هالموضوع و خايف انه لازم ارجع السعوديه عشانه ..
و ياليت الل عنده حلول يساعدني << لاني زي ما قلت لكم امكانياتي الماديه ما تسمح لي ارجع ابداً .. طفران ما اقدر ادبر قيمة التذكرة والله ..


وشكراً لكم و تحملوني على التنسيق الملخبط للموضوع ..
لاني قاعد افكر بصوت عالي و ماجهزت كلام ..

(( الله يوفقكم بهالشهر الفضيل ))

• نشر عبر تويتر
• نشر عبر فيسبوك
• نشر عبر جوجل