يا شباب كندا ابيكم انتو الحكم + المستشار التعليمي

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخ

<<<<<< يعرف الوظف مين

و الله يا ابو عبدالكريم خلها على ربك انا كل ما ادق على الموظف اللي قلك نفس الكلام يقولي لسع ما ارسلنا الاوراق وما ادري متى ارسلها اذا خلصت الاوراق رسلتها

هو المعروف كل اللي يسوي يشيك على الاوراق و يختم و يرسلها بلستة على فاكس الوزارة و انتهينا بس مدري وش فيه يتكبر و يتغلى علينا


انا صراحة سلمت امري الى الله

معني اوراقي كاملة مية في المية
الله يسهل لجميع الطلاب الدارسين على حسابهم الخاص و ينضمو في البعثة


اخوك
النمنم
ابو عابد

لا حول ولا قوة إلا بالله العلي العظيم
هادا مايخاف من ربه
واسطات وعارفين اننا ماراح نمشي من دونها
بس الأسلوب مره دنيء

الله يستر اجل احنا الطلاب الدارسين على حسابهم الخاص بكندا رحنا فيها بسبت ذا الموظف
يمااااااااااا خفت من ملحقية كندا
على قد ماكانو يمدحولي فيها اكتر شي

اخوي النمنم مين هوا وشو اسمو
طيب لا تقولو عام لو ماحبيت قولي هوا خاص
عشان انا لمن اتصل مالقاه بوجهي واتورط وارتبك



والله يعينك اخوي
وان شاء الله تنقبل بالبعثه وكل الطلاب بكندا وانا منكم

وربي يوفقنا جميع
تحياتي
اختك/سابي

طبعا الموضف معروف ,, هو الوحيد المسؤول عن الطلاب الدارسين على الحساب الخاص ..

الشخص هذا دنئ جدا .. والفاظه سيئة ,, وشغلة انه يقفل السماعة بوجهك اصبحة رتم معين يسلكه هالموضف وكم مرة قد سواها فيني

بالنسبة للإذلال فكل ما اكلمه معروف انه بيعطيني كم كلمة فيها من السب والاذلال ,, بس عادي متعود .

اخر مرة كلمته قال لي وين الثقة ماتبيني امش معاملتك ,, قلت له اعذرني لو غلطت ,, قال لا لا مايصلح كذا يالغامدي لو مافي ثقة مافينا خير وقفل السماعة بوجهي ,, ولا رد على سؤال ,, سألته عن اخبار الاوراق جاب لي ثقة وما ثقه

آآه بس من الظالم وربي بيحاسبه ,,

والله يابو عبدالكريم ان قصتك فيها من الظلم الكبير ,, وما في الا انك تجيب له ذيك الواشطة اللي تدردحه من كلامه او تجيب لك قبول ,, ,, وبالنسبة للقبول بالماستر صعب ,, بس شوف جامعة تومسن ريفر تعطي قبولات كثيرة لكل الطلاب الماستر والبكالوريس خلال اسبوع بالكثي ر,, الجامعة تعبانه الا ابعد الحدود ,, اللي اقصده جيب قبول وقدم وان شاء الله تلحق بالبعثة .. ثمن انتظر الرد من الجامعة البرتا او اي جامعة قوية ثانية ,, واذا جاك فيها قبول اطلب تحويل من تومسن ريفر الى الجامعة الجديدة ,, وذي سهلة ..

ربي يعينك ويوفقك ويعين الجميع ويساعدنا على هالظالـم ويوفقنا للإبتعاث ..

وما قلت لي وش اهبار الخزرجي , وش قال لك ,, هل رح يتدخل بالموضوع !

يا خوي الشباب الذين يدرسون اللغة و تم الحاقهم بالبعثة هم الذين تم ترشيحهم عن طريق برنامج الملك عبدالله للابتعاث الخارجي حيث ان الحصول على قبول لدرجة الماجستير ياخذ وقت لذا تم الاتفاق على ان الطالب يذهب يدرس اللغة هناك و اثناء دراسته يحصل على قبول.
بالنسبة الى الموظف بالملحقية فهناك نقطتين:
- لا بد ان يكون تعامله مع جميع الطلاب باحترام لانه ما وضع هناك الا لخدمة الطلاب ، و انا ارى بان كل طالب حصل له موقف مشابه ان يخاطب الملحق بذلك.اذا ما حصل تجاوب يخاطب مكتب الوزير.
- الموظف مبلغ بتعليمات من الوزارة بعدم رفع اي معاملة لاي طالب الا و ان يكون للطالب قبول ومن يرفع طلب ناقص القبول يحاسب، لذا لا تلومه لانه طبق التعليمات.

انا اشوف انكم ما تسكتون على انسان زي كدا زي ما قال المستشار
يعني سوو خطاب مشترك وشكوى وار سلوها على مكتب الوزير
المفروض يعرف ان فيه احد يراقب من ورا
والله انه ما يستحي <<<عصبت

اليوم بعد كلمته ,, ( اخر مكالمة لي قبل اسبوع ونص تقريبا )

وقلت له السلام عليكم ,, قال وعليكم السلام

قلت له كيفك استاذ ( ... ) قال نعم
قلت له بغيت الله لا يهينك استفسر عن معاملتي ,, اول ما قلت كذا قفل السماعة بوجهي .

اتصلت عليه بعد 10 دقايق ورد ,, وقال نعم يخوي وش تبي
قلت ربي يحفظك بغيت استفسر عن الاوراق ,, قال لي من انت قلت له معك الغامدي

قال ياكثركم يالغمد ,, طبعا انا سكت وش يبيني اقول له !

وشوي ويقول لي طيب وش تبيني اسو لك !! قلت له ابشوف اخبار المعامله لها قرابة شهرين , قال لي مدري عنها بنرسلها اذا انتهينا ,, بعدين قال يلا تبي شئ ,, قلت له لا سلامتك وقفل السماعة بوجهي

لا كثر الله من امثالك

خخخخخخخخخخخخخخخخخخخخخخخخخخخ

ذودها ذا ترا شكلي اخر شي بروحله و معاي عجره و نتفاهم انا وياه برا الملحقية راس براس


اخوكم
النمنم

والله ..الله يعنيكم
عنجد الله يعينكم

غربة، وتكاليف دراسة، وإنتظار معاملة
وفوق كل هذا تعامل زفت