تراني في ذمتكم الحقوني قبل لا اخربها

تنبيه: هذا الموضوع قديم. تم طرحه قبل 5837 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

Abudeem
مبتعث مستجد Freshman Member

غير معرف
Abudeem , تخصصى Treasury Dealer , بجامعة University of Ballarat
University of Ballarat

Treasury Dealer

غير معرف
Ballarat, VIC

غير معرف

Aug 2007
المزيدl
May 3rd, 2008, 12:54 PM
May 3rd, 2008, 12:54 PM

السلام عليكم ورحمة الله وبركاته

راح اشرح لكم القصه بالتفصيل السهل الممتنع ولا راح اطول عليكم

اخوكم ابو ديم موظف في القطاع الخاص خريج كليه تقنيه دبلوم تسويق

وطموحي اكمل بكالوريوس وماجستير في استراليا

ابي اطلع ادرس لاكن ماقدامي حل الا انني اطلع على حسابي ادرس بعدين اقدم طلب التحاق للبعثه

وفي حالة اني سويت هالخطوه معناه اني لازم (أنق) ادفع فوق 100 الف ريال علشان اسمي بالله

وادخل معهد وجامعه لمدة 6 شهور ...

ياشباب بحكم خبرتكم هل (أخربها) واروح وإلا مثل ماسمعت من كثيييير من الناس انها مغامره واحتمال كبير جدا جدا اني ما انقبل في البعثه وارجع خالي الوفاض!!

الجيد في الموضوع ان العمل يعطيني اجازة بدون راتب ، والجامعه والمعهد برضه جاهزين

لاكن المصيبه في الخساير لأنني راح اظطر اني ابيع سيارتي واحط اللي وراي ودوني في هالسفره

تكفون الفزعة (ترى تكفى ماتنساق لمهابيل)

شوركم علي ،، بحكم خبرتكم هل تتوقعون انه في امل او لا؟

انتظر ردودكم على أحر من الجمر

اخوكم

ابو ديم
أنا من رأيي ياعزيزي أبو ديم

تروح للوزارة وتشرح لهم وضعك وعن احتمالية قبولك بالبعثة ..علشان تكون على بينه وعلى أساس
واضح من أمرك..أتمنى لك التوفيق

تحياتي..
ليل ودموع ورصيف
May 3rd, 2008, 01:15 PM
7 "
والله يا اختي ليل ودموع ورصيف

اولا اشكرك لمرورك

وان رحت للوزاره قالوا لي

غن غن : يالليـــل ما اطولك
Abudeem
May 3rd, 2008, 01:26 PM
7 "
أخي الكريم أبو ديم..

بما أنك تقول بأنك من خريجي كلية التقنية..

وعندك دبلوم تسويق..

نصيحتي لك..

بعد تصريح الموسى..

..>>هنا<<..

انك تشوف إذا كانت نسبتك في الثنوية من 80% وطالع..

معناها لا تجازف بنفسك وتقدم على هالخطوة..

وانتظر لرجب لين يفتح البرنامج الرابع..

وسجل فيه..

وإن شاء الله خير..

أما إذا كان تحت الثمانين بالمية..

توكل على الله..

واحزم أمتعتك..

واطلع لاستراليا..

وادرس ترم..

وانتبه لمعادلة الساعات..

واطلب الحاقك بالبعثة..

وإن شاء الله خير..

نسألكم الدعاء..

أختكم..

سلين (السفيرة)..
سلين
May 3rd, 2008, 01:39 PM
7 "
انا اخوي اقول المبلغ الي راح تدفعه بالعلم مو خساره
وتوكل على الله ورح ادرس
sultansn
May 3rd, 2008, 01:44 PM
7 "
سيلين

انتي بطله وردّك بطل الأبطال

شكلي بقرطس ( حلوه بقرطس اعجبتني ) عفشي وبتوكل على الله لأنني متخرج من الثنوي من قبل 5 سنوات ومعدلي تردد اذاعة إف إم ماهوب معدل

شكرا لتعليقك ومرورك
Abudeem
May 3rd, 2008, 01:45 PM
7 "
 المشاركة الأصلية كتبت بواسطة sultansn

انا اخوي اقول المبلغ الي راح تدفعه بالعلم مو خساره
وتوكل على الله ورح ادرس

على قولتك ياخوي سلطان مو خساره انك تدفع على العلم

لاكن بيني وبينك مالها داعي ارجع مطفر واداوم على سيكل

اشكرك على المرور والله يعطيك العافيه
Abudeem
May 3rd, 2008, 01:55 PM
7 "
ادعيلكم من كل قلبي يا اهل الدبلوم

ان الله يوفقكم ويسر لكم اموركم وتتيسر لكم البعثة

اما بالنسبة انك تظحي

فانا لا اوافقك الرأي

مو معقوله ياخي تبيع كل اللي وراك سيارتك و و و و ....

عشان شئ مو مظمون

في مثل دايم يقولونه لنا شيابنا

" خلك بقردك لا يجيك قرد يقرد بك "
ههههههههههههه

وانت عارف ان وراك زوجة واولاد واهل

الاستخارة اهم شئ
هلا وغلا
May 3rd, 2008, 02:09 PM
7 "
 المشاركة الأصلية كتبت بواسطة Abudeem

سيلين

انتي بطله وردّك بطل الأبطال

شكلي بقرطس ( حلوه بقرطس اعجبتني ) عفشي وبتوكل على الله لأنني متخرج من الثنوي من قبل 5 سنوات ومعدلي تردد اذاعة إف إم ماهوب معدل

شكرا لتعليقك ومرورك

تسلم ياخوك..

بس اسمعني..

مو المهم الحين من كم سنة تخرجت من الثنوية..!!

أهم شي الحين ان سنوات تخرجك من الكلية بشهادة الدبلوم ما تتجاوز الخمس سنين >> على ما أتوقع إذا ما كانت أربع سنين..

لأن المعول في عدد سنوات التخرج هو على شهادة الدبلوم..

أما شهادة الثنوي ما راح ياخذون منها غير النسبة مو أكثر ولا أقل..

>> يعني مالهم بعدد سنوات التخرج..

وإذا إن نسبتك في الثنوية مو ذاك الزود..

أنصحك خذ اجازة بدون راتب من شغلك مدتها ست شهور ع الأقل..

>> حسب المكان اللي تداوم فيه..

حاول تاخذ أقصى فترة ممكنة..

اطلع على استراليا..

ادرس الترم التحضيري "اللغة" وفي نفس الوقت عادل موادك..

وحاول تحصل على قرار الحاقك بالبعثة في أسرع وقت ممكن >> من الملحقية في استراليا..

ولو ما ضمتك الملحقية للبعثة لا سمح الله تقدر ترجع البلد وترجع لوظيفتك مرة ثانية..

وتعتبر اللي صار لك تجربة حلوة مرت في حياتك..

الله يوفقك إن شاء الله..

ملاحظة:

عشان تعادل موادك الدراسية لازم يكون عندك شيئين..

الأول: كشف درجاتك باللغة الإنجليزية "سجل أكاديمي انجليزي" معتمد من قِبل كليتك اللي تخرجت منها..

الثاني: وصف للمقررات أو المواد الدراسية >> برضوا معتمد من كليتك..

كيف تحصل على وصف المواد..؟!!

تطلع ع الكلية وتطلبة منهم..

الأكيد انهم راح يسئلونك ليه تبيه..؟

بتقول لهم أبي أدرس برا وأبيه عشان معادلة المواد الدراسية..

أنا طبعوه لي وأنا واقفه عندهم يعني ما أخذ له أكثر من دقيقتين..

بس التحقيق اللي قبله أخذ له يمكن حول الربع ساعة..

يالله بالتوفيق إن شاء الله..

نسألكم الدعاء..

أختكم..

سلين (السفيرة)..
سلين
May 3rd, 2008, 02:14 PM
7 "
هلا وغلا

شكرا لمرورك وهذا اللي قاطع قلبي زوجتي وبنتي
والا لو علي انا كان رحت واللي يصير يصير حتى لو ارجع واقعد شهر آكل نواشف
هههههههههههه
الله يعطيك العافيه
Abudeem
May 3rd, 2008, 02:14 PM
7 "