اذا اردت الالحاق بالبعثة في اسرع وقت .....تفضل

مبروك اخوي والله بوفقك
انا قدمت عن طريق العطية ....قالي جيب ختم الدخول وصورة من املف للدارس ع حسابك الخاص واثبات حضور من المعهد ..... ونضمك ع طول بعد اسبوعين .... بس اعرف ناس طولو عن اسبوعين... عشان اكون اضمن ودي اخذ التوصية بس سؤالي

ايش تقصد بتوصية من الوزير؟؟
واقدر اخذها من العطية ؟؟

اخي العزيز اشكرك على التوضيح والله يجزاك خير بس ابيك توضح شلون توصية وزيــر

تقبل مروري

الخطوات الأربع خطوات بسيطة ومقدور عليها..
إنما الخطوة الثانية واللي هي توصية الوزير..هذي كأنها بمقام "الواسطة" وبالـ "واسطة" الواحد يقدر يسوي كل شي..طبيعي في السعودية..الواسطة فوق القانون مثل ما يقولون^_^
وهي كل المسألة مثل ما ذكرت..لولاها لما تم إلحاقك

بالتوفيق^_^

الف مبرووك على الالحااق

طيب طلاب كندا؟
لو اني طلعت كندا ان شاءالله ...تتوقع يجي بسرعه الالحاق؟

وايش التوصيه الي تقصد بيها<<كلنا نسأل

اكيد واسطه يا جماعه الخير


و الحمدلله الامور تمشي بدون واسطه و انا و الحمدلله اموري مشيت من كندا بدون واسطات ولا كلام فاضي

اخوكم
النمنم

فعلاً طريقة فعالة للإلحاق السريع ..

بالواسطة ........!!

الظاهر انتو فهمتو مسالة التوصية اللي من الوزير غلط
التوصية لا يبي لها واسطة ولا شي انت واسطة نفسك ..
السالفة وما فيها اني دخلت على الوزير اربع مرات وكل مرة بمعروض
وفي المرة الاخيرة شكيت للوزير ضعف الحالة المادية واني ما اقدراتحمل تكاليف الدراسة اضافة لشهادتي اللي ساعدتني كثير حيث اني متخرج بمعدل 95&#37;
وقلت للوزبر انا محتاج مساعدتك وووووو....................الخ
المهم ويقولي روح للعطية وهو بيصرف لك تذاكر وبالنسبة للبعثة فما تشيل هم انت اول ما يوصل ملفك من الملحقية لادارة البعثات ماراح تاخذ المسالة اكثر من يومين ونطبع لك قرار ابتعاث ..
المهم طلعت من عنده وعطاني مدير مكتبه ورقة مراجعة لادارة الابتعاث بعد يومين

وبعد يومين رحت لادارة الابتعاث وحولوني لموظف اسمه عبدالله الدريهم في شعبة الالحاق بالبعثات وقالي خلاص انت الوزير موصي عليك انت توكل على الله وسافر واول ما يوصلني ملفك اعتبر موضوعك منتهي

وصلت واشنطن ومريت الملحقية وفتحت لي ملف عندهم وقالو لي خلاص انت روح لولايتك وحن بنرسل ملفك للرياض
وفعلا وصل الملف للرياض وخليت اخوي يمر عبدالله الدريهم وكان الدريهم عند كلمته بمجرد وصله اخوي عطاه صورة من قرار الابتعاث وصورة ارسلوها للملحقية في واشنطن


وهذي كل الحكاية
اتمنى اني وضحت لكم مسالة التوصية بعني لا واسطة ولا شي انت واسطة نفسك
روحو للوزير والله الله في الكلام المعسووووووول تراه يساعد

طيب..هذي يعني مو واسطة..!!
نفس الشي..واسطة بس بمجهودك ومتابعتك*_^

بالتوفيق لك
والله يكتب لكم وللجميع اللي فيه الخير

الله يشهد اني خلصت اموري بنفسي ولا معي لا واسطة ولا شي واني ما توسطت باي شخص عشان يساعدني
باستثناء دخولي على الوزير طبعا

وانا ما نزلت الموضوع الا لاني مقدر ظروف اللي يبون يطلعون على حسابهم الخاص ولاهم عارفين الاجراءات اضافة الى اني مجرب الشي هذا
ابغاكم تستفيدون من تجربتي لا اقل ولا اكثر
عموما شاكر لمروركم .....اي استفسار انا حاظر
ملاحظة : عاسف الغيد اسمك لفت انتباهي
عرفت تنقي لك اسم