يا شباب الجلسه ١٤٧ وينكم ( ادري قديم بس وش اسوي مع الملحقيه )

June 19th, 2008, 08:31 AM

السلام عليكم

انا من ضمن اللي انضموا الي البعثه في الجلسه ١٤٧ ( من قبل شهرين تقريبا )

والي الان ما وصل لي لا شيك ولا تعويضات ماليه ، واخر اتصالين علي الملحقيه كانو

- يوم الجمعه من قبل اسبوع:
وكان رد الملحقيه علي / انت ليش مستعجل ، اصبر تري فيه الف واحد غيرك ( ما يدري الحبيب انه لي سته شهور وانا صابر علي حسابي الخاص)
قلت له طيب فيه ناس جو بعدي وانصرفت لهم المكافاه بعد اسبوعين ولا ثلاثه من وصولهم ،

[COLOR="rgb(139, 0, 0)"]يقول لي . طيب وش اسويلك اذا معاملتك تاخرت ، وبعدين اليوم ولا بكره يرسل لك الشيك[/COLOR] ( والصراحه اني مليت من هذي الكلمه بكره ولا بعده يصرف لك الشيك )

قلنا طيب!!!! صبرا جميل والله المستعان




واخر مكالمه كانت امس وكان الرد بارد

سالتهم متي ارسل الشيك؟

الرد / ان الشيك الي الحين ما اصدر لك !!!! ( هذا شيك ولا وش) له شهرين ما اصدر وش قاعد يسوي

وانه ان شاء الله بعد اسبوع من الان راح يصدر من الماليه ويرسل لك بقيمه ١٥٠٠$ كندي ، ( طيب وين الباقي حق الشهرين )

قال هذا تراجع فيه الاداره.




فا سوؤالي الحين ، فيه احد من الشباب من كندا ولا من خارج كندا من اللي قبلو في الجلسه ١٤٧ صرف لهم شي من المكافاءه

واذا كان صرف لهم كم المده التي استغرقتها المعامله حتي الصرف ، وكم المبلغ وهل كان هناك تعويض ( ولا العوض علي الله)

اذا كان فيه احد بعد قبل بعد هذي الجلسه وصرف له شي ما فيه مشكله يعطينا شي من التجربه .


وبالتوفيق ان شاء لله للجميع

اخوكم ، رحال الديره ،

• نشر عبر تويتر
• نشر عبر فيسبوك
• نشر عبر جوجل