LinkBack URL
About LinkBacks
الله يهديك بس لون الخط حولني حتى مع كنترول a 
ريلاكس و جمعي رموشك اللي طاحت... رح اجاوبك من خلال تجربتي في الالحاق
اتوكلي على الله.. والله يكتبلك اللي فيه الخير
7 " ريلاكس و جمعي رموشك اللي طاحت... رح اجاوبك من خلال تجربتي في الالحاق
- الشروط الأساسيه للالحاق اصلا هي اجتياز 30 ساعه للبكالوريوس بمعدل معين ولكن الوزاره اتغاضت عن هاذي الشروط في الاونه الاخيره وصارت تلحق الناس وهم يدرسوا بمرحله اللغه.
- مده الالحاق تحتلف من شخص لاخر حسب مواعيد الملحقيه; يعني الملحقيه ترسل الملف للوزاره والوزاره تحدد جلسه لدراسه الطلبات وبعدها يقرروا إلحاق الطالب هاذي العمليه تاخذ وقت ومن واقع تجربتي اخذت شهر واسبوعين علما اني كنت في مرحلة اللغه. نصيحتي لك جيبي قبول مشروط من جامعه معترف بها من قبل الوزاره وقبول اللغه(القبول المشروط= قبول من الجامعه في تخصص معين بشرط انك تجتازي اخر ليفل في المعهد حق الجامعه) واول ماتوصلي ارسلي للملحقيه طلب الالحاق ونسخه من قبولك المشروط وورقه تفيد انك مقبوله بمعهد ومنتظمه فيه وان شاء الله في اقل من شهرين يتم الحاقك. لانهم متساهلين بالشروط بالنسبه لامريكا.
- بالنسبه للضمان المالي او الشهاده البنكيه; اللي رح يدفع تكاليف الدراسه يروح للبنك يقولهم ابغى ضمان مالي موجه للجامعه الفلانيه ويعطيهم اسمها والبنوك يعرفوا شغلهم رح يطلعوا ورقه يكتبوا فيها ان الشخص يوجد برصيده مبلغ معين و أفضل ان يكون في الحساب مبلغ يغطي تكاليف سنه دراسيه كامله. او 6 شهورعلى الاقل اذ كان للمعهد. أما الضمان المالي الموجه للسفاره فهو نفس الشي ورقه موجهه للسفاره من البنك تقول ان في الرصيد كذا او تقدري تجيبي كشف حساب لمده 3 شهور, (ولكن من رأيي الورقه اللي من البنك احسن من كشف حساب طويل وفيه كم صفحه). يعني المحموع في النهايه ورقتين الاولى مكتوب انها للجامعه او المعهد والثانيه مكتوب انها للسفاره الامريكية. المبلغ ما ينخصم ولا يتجمد من الحساب. يعني على راحتك اهم شي تثبتي انك رح تغطي تكاليف الدراسه والمعيشه. اما موضوع الحواله اللي قلتي عنه اول مره اسمع فيه وما اظن انه يحتاج. المبلغ:يفضل انها تكون تكاليف اول سنه.
- متى تبدأي التقديم: اول ما توصلي تقدري تمري الملحقيه او اول توصلي لمدينه الدراسه وترسليلهم كل شي بالبريد والاوراق عباره عن ابلكيشنات من موقع الملحقيه وهي طلب الحاق بالبعثه + موافقه للدراسه على الحساب الخاص. راجعي موقع الملحقيه بالطلبات ما اتذكرها كلها.
- ترجمي الشهادات من مكتب ترجمه ويصدقوها بطريقه معينه بس ماعندي اي علم بالطريقه ولكنها ضروريه للتقديم على جامعه وضروريه بالنسبه للملحقيه انها تكون مترجمه.
- المحرم: لازم يكون موجود وفي ورقه خاصه في طلب الالحاق في البعثه فيها معلومات المحرم ويوقع عليها. يعني خليه يطلع معاك ويصلح كل هاذي الامور. موافقه الدراسه على الحساب الخاص مايحتاج تروحي الوزاره من الملحقيه وهي كما ذكرت سابقا مجرد ابلكيشن ينرسل للمحلقيه.
- العمليه كلها قبول من معهد + جامعه >>>>فيزا >>>>سفر بالسلامه ان شاءالله>>>تقديم اوراق للملحقيه>>>انتظار انعقاد الجلسة>>باذن الله موافقه على الالحاق. وبالتوفيق ان شاء الله
- العمل في امريكا عموما : لا يحق للطالب اليل معاه فيزا f-1 العمل في امريكا الا داخل الجامعه وهي زي ماقلتي مكتبه - مطاعم الجامعه. بس اي مكان ثاني غير تابع للجامعه ممنوع وخطر فيها امجريشن وزحمه.
اتوكلي على الله.. والله يكتبلك اللي فيه الخير
July 6th, 2008, 08:29 AM
يانااس انا طاحت رموشي من كثر ما ادور وللحين مالقيت الاجابه اللي ابيها وغير كذا كل مادخلت موضوع اقراه تطلع لي اسأله خرافيه واضيع زياده كل ماحسيت اني حصرت اللي ابيه يطلع لي شي جديد ويطيح رمش
اذا ربي كتب انشالله بروح لامريكا وبدرس على حسابي الخاص طبعا ( لان البرنامج مافكرت اقدم عليه )
المهم اللي ابي اوصل له كم مده الفتره التي يلحقوني فيها للبعثه ؟؟؟؟ قريت فيه ناس شهر وناس شهرين وفيه اللي جلس 6 شهور وفيه اللي جلس بالاسابيع وادري انها مسأله حظظظظظظظظظظظظظظظظظظظ ( من زين الحظ عاااد )
طيب وش سالفه الـ 30 ساعه هل هي من ضمن دراسه اللغه او اني بعد ما اخلص من دراسه اللغه على حسابي وابدا بالجامعه تنحسب لي؟؟؟؟؟؟
وفرضا كانت من ضمن دراسه التخصص ( بالجامعه يعني ) كم تقريبا سمسمتر واحد او سنه؟؟
وامممم قريت خطاب الموسى اللي يقول فيه ان اللي يدرس على حسابه مايرجعون له المبالغ اللي دفعها على حسابه صح الكلام والا اشاااعه لاني برضو قريت في المنتدى انو فيه ناس يحتفظون بالوصل ( الريست ) ويقدمونها للوزاره ويعوضونهم ((( والا المسأله مسأله واسطه )))
طبعا فيه كم سؤال بسألهم وانشالله تفيد للي راح يقرا الموضوع تكون اسألتي شامله
الحين وش الفرق بين الشهاده البنكيه (Balance Certificate ) وبين كشف الحسااب لان فيه اسئله تندرج تحتها!! وهل لازم اجيب الشهاده والكشف مع بعض والا واحد يكفيهم ؟؟؟ وبعدين الشهاده اعطيها مين السفاره والا ارسلها للجامعه؟؟
(طبعا لازم تكون الشهاده بالانجليزي ولازم تكون المبلغ بالريال ويعادل بالدولار)
اول سؤال ::
كم معدل الدرجات اللي لازم اجيبها علشان انظم للبعثه ابغى كم المعدل اذا كان من 5 ؟؟
لان قريت اذا كان من 4 لازم 2.5
ثاني سؤال::
كم المبلغ اللي لازم يكون بحسابي ؟؟؟
قريت مليون موضوع وتقريبا قالو يكفي 30000$ بس سؤالي : هل المبلغ يكفي لمده كم ؟؟ سنه اللغه لحالها او معها فتره من الجامعه لان الواحد مايضمن ان الوزاره تظمه للبعثه ((( احتيااااط يعني)))
ثالث سؤال::
هل المبلغ يتجمد اذا طلبت الشهاده والا لا؟؟ ناس يقولون ايه وناس يقولون لا
ثالث سؤال::
وش سالفه الحواله الدوليه اللي يشوفونها بكشف الحساب مدري الشهاده؟؟
هل هم يشوفون (حساب الشخص) قد ارسل مبالغ او بالاصح حول مبالغ لدوله ثانيه ( هذا على حسب فهمي )
رابع سؤال::
هل اقدم اوراق الالتحاق من الملحقيه بامريكا اذا وصلت والا من الوزاره هنا بالسعوديه والا من وين بالضبط؟؟
ومتى ابدا بالتقديم ؟؟ بعد ما ابدا الدراسه والا قبل؟؟
خامس سؤال::
هنا السؤال الغبي اللي شوي صدع راسي
الحين انا تخرجت من الثانوي قبل سنتين عام 1426/1427 اوكيي
وادرس بكليه خدمه المجتمع بكالوريس والحين خلصت سنه ونص باقي سمستر واخلص سنتين بس المشكله ماتنحسب لي دبلوم لاني اساسا مقدمه على اساس بكالوريس
ماعليكم من الحكي لان مو هذا سؤالي<<<
سؤالي وش اسوي علشان ازين اوراقي
اول شي شهاداتي (شهاده الثانوي وحسن سيره وسلوك واذا فيه شي ثاني ناقص ايش هوو )لازم تترجم بس ويين هل اترجمها بالجامعه والا في مكتب وش الاحسن؟؟
وبعدين هذا الشي اللي رافع ضغطي كيف اروح بدون محرم يعني عادي يسوي لي ابوي ورقه موافقه واروح والا يرفضون لازم يصير معي ؟؟
وبعدها اجيب قبول من الجامعه والمعهد وبعدها اطلع الفيزا صح؟؟
بس انا قد قريت بموقع الوزاره انو لازم اروح الوزاره واجيب منهم موافقه اني راح ادرس برا ذي بالله كيف بجيبها انشالله ؟؟
سادس سؤال::
اذا رحت وبديت دراسه واموري الحمدلله تمام وكل شي ماشي كويس هل فيه امكانيه اني اشتغل ( ساعات )
وبعدين ابغى اعرف هل العمل في وقت الدراسه بيأثر علي؟؟ علما اني بحاول انظم الوقت
وايش الاماكن اللي ممكن العمل فيها ( علما اني اعرف ان العمل بالنسبه للطلاب السعودين تقريبا شبه ممنوع الا في اماكن محدده مثل مكتبه الجامعه وووو بس هل فيه امكانيه العمل في اماكن اخرى )
وبس واذا تذكرت شي برجع واسأل وانشالله ماتقصرون معااااي
ادري طولت عليكم وطفشتكم ببربرتي واسألتي الكثيييره بس انشالله القى الرد اللي بيرجع لي رموشي اللي طاحت :P ومشكوريييين مقدمااا