هل يحق لي الالتحاق في البعثة ، الان ؟؟!!

مراحب ..............
بصراحة أنا ماأدري إذا تقدر تلتحق بالبعثة حالياً أو لا لأن التسجيل انتهى..

لكن على ماأعتقد إن اللي يلتحقون بالبعثات يكونون في مرحلة البكالوريوس أو الدراسات العليا

يعني مو اللغة...والله أعلم

وبالنسبة للمعدل فهم طالبين3,75 من5 بس ماأدري بما أنك وصلت هناك وش الوضع بالنسبة لك

عالعموم.. أنت جرب واسأل الملحقية الثقافية السعودية عندكم وماراح تخسر شي وعسى ربي يوفقك ويوفقنا معك وييسر للجميع....

تحياتي................

تركي الاسمري .. سلام عليكم أخوي انت انشاءلله انك تبتعث خلال شهر او كثر بقليل ... شوف خوي انا ابي اقولك الطريقه ... وهي كالتالي .... 1 - تجيب قبول من الجامعه وتكون الجامعة من الجامعات المعترف بها في السعودية ... . اي قبول دراسه بنك تبي تدرسه ... وتختار تخصص من التخصصات الموجوده في الابتعثات
2- تفتح ملف في الملحقيه ... وفتح الملف هو ارسال اوراقك عبر البريد على الملحقيه الثقافي في كندا .. واوراق المطلوبه موجوده في الملحقيه ... ارجع للموقع الملحقيه ..
3- صورة ختم دول الدوله ... 4 ارواق أخرى تجده في الملحق الثقافي وهذا هو الموقع
http://www.saudibureau.org/Arabichome.html
يالغالي .. على فكره فيه ناس كثير يلتحقون ألى البعثه ... وبعدين كثدا مافيه طلاب كثير .. يالطيب .. انشاءلله انك تلتحق بس لاتاخر ... وي معلومات انا جاهز .... الدعاء لنا في ظهر الغيب

صحيح اخوي مثل مافال لك ااخوي ابن المدينة انا اعرف ناس كثير تحولوا على الحكومة
وشوف هذا هي كل الطلبات
1-صورة من بطاقة الاحوال
2- صورة من اخر معدل لك وكشف الدرجات مترجم
3-صورة من الجواز والفيزا وختم الدخول
4-صورة من قبول جامعة معترف بها من الوزارة
5-نموذج الحساب البنكي
6-نموذج التفويض
7-نموذج الحاق طالب على حسابة بالبعثة وهذي تلاقيها في الملحقية
8- صورتين شخصية
9-ورقة تثبت انك بديت بالدراسة
وترسلها بالبريد لملحقية كندا او الي تابعتلها
ولازم تكلمهم وتهتم من المعاملة وان شاء الله شهر وتتحول على الحكومة
واتمنى اني مانسيت من شي
والله يوفقك وييسر لك امرك

ممكن اعرف ماهو نموذج الحساب البنكي
ونموذج التفويض

الله يسهل عليك اخوي ويفتح لك الأبواب المغلقة
تحياتيــ ....

بالتوفيق لكم إن شاء الله
والنماذج موجودة في موقع الملحقية
سواء التفويض أو معلومات الحساب البنكي
كلها تجدونها في موقع الملحقية

بالتوفيق^_^

الله يعطيكم العافية اخواني من القلب...

ويوفقكم في دراستكم ودنياكم واخرتكم...

ارق واجمل تحية ...

هل التفويض ومعلومات الحساب مطلوبة في أمريكا بعد ؟!
لأني دخلت موقع الملحقية ومالقيتهم

أظن ذلك..
نموذج التفويض ( consent form) موافقة منكم على أن تقوم الملحقية بمتابعة أمورك الدراسية مباشرة من المعهد أو الجامعة.
الحساب البنكي مهمة لإعلام الملحقية برقم حسابكم البنكي من أجل نزول المكافأة

بالتوفيق لكم
^_^