تفضل شوف معاناتي

August 6th, 2008, 07:52 PM

السلام عليكم ورحمة الله وبركاته





اخواني اخواتي






اول شيء انا اسف اني اشكي لكم معاناتي









انا طالب توني متخرج من الثانويه وانا صراحه شاد حيلي مررررره اقووم الليل الييين جبت نسبة 99.73 مانقصني الا اربع درجات درجه في الكيمياء ودرجه في الرياضيات ودرجتين في الادب ..
وثاني ثانوي كنت توني مااستوعبت نظام التراكمي فجبت نسبة 93 يعني التراكمي ثاني وثالث 96.30 المشكله ماهي هذي المشكله
المشكله اختبار اسمه التحصيلي وليس القدرات انا جايب درجه ماهي زينه في التحصيلي وهذا الاختبار الي عقدني وحرمني من طموحي الي شاد حيلي عشانه الي هو الطب
انا قدمت على المرحله الرابعه ودققت اوراقي وعدلت نسبة التحصيلي لاني كاتب 77 ومشت اموري والقدرات فوق السبعين لكن لما رحت للدكتور الي في مركز التدقيق وسالته عن احتمال قبولي قالي كم نسبة المدرسه والقدرات والتحصيلي علمته قالي الثنتين الاولى حلوه لكن التحصيلي لا ..
قالي احتمال ضعيف انك تنقبل قلت له ضعيف قالي ضعيف جدا انا انصدمت وكان كلامه كانه صاعقه تصعقني فقدت الامل واتحطمت <<الله يبعد عنكم الي صار لي <<
وانا يا اخوان قلت مالي امل الا اني ادرس برا على حسابي بعدين التحق بالبعثه
وانا يا اخوان ما ادري وش اسوي هل ممكن التحق بالبعثه لان الطب محدد في ست دول الي هي
ايرلندا , بولندا, سلوفاكيا , المجر , هولندا , رومانيا
وانا مدري وش احسن دوله فيهم وتكون رخيصه والمقعد الجامعي مضمون ..
يا اخوان اعتبروني اخوكم الصغير وساعدوني الله يساعدكم ويحقق الي تبونه من ابتعاث وطموووح يارب يارب يارب
وانا اكرر اسفي واعتذاري لكم

• نشر عبر تويتر
• نشر عبر فيسبوك
• نشر عبر جوجل