الوصول الى امريكا وفتح الملف في الملحقية ...

بسم الله الرحمن الرحيم

كيف الشباب ؟؟

ابشركم وصلنا امريكا الاسبوع اللي راح الحمد لله بالسلامة >>>>>>> الله يسلمك

طبعا بقول لكم قصتي من الوصول الى واشنطن الى وصولي الى ولايتي والجامعة ...

نبدأ >>> طلعت السبت اللي راح لساعة واحدة الفجر من الرياض متجه الى لندن ومن لندن الى واشنطن , لما وصلنا واشنطن في المطار دخلت في السرى ووزعونا على الشبابيك وكانوا يشيكون على الجوازات والاي توني , مااخذت دقيقتين الا وخلصت , رحت اخذ الشنط ويوم خذيتها ابي اطلع مع الناس واشوف العسكري يقول لبق يمين >>>> قاطع اشارة
الظاهر ان الاجانب يلبقون على جنب في مكان انتظار حق ادارة الهجرة يشيكون على اوراقك ويعطونك ورقة يدبسونها بالجواز >>>>> سمونها اقامة او i 49 ...
المهم عطيناهم الجوازات وقعدنا ننتظر حول ربع الى نص ساعة نادني وقاعد يسأل كم من سؤال >>>> اسالة مالها داعي , وش اسمك ووش بتدرس وعنوانك بالسعودية ومن ذا الاسئلة ....

يوم خلصنا دبس الورقة ( الاقامة ) على الجواز وقال وانت طالع من امريكا تختمها ( تسوي خروج يعني ) ...

خلصنا منه وامشي مع الناس >>>> احتري وش بيصير , ووشلون بيفتشون الشنط وما ادري ايش , فجأة القى نفسي طالع من المطار >>>> ولا فتشوني ولا شيء ...بس انتبهوا موب تقولون خلاص وتفلونها , ترى يمكن يفتشونكم ...

يوم طلعت والاقي فلبيني مع اللي يستقبلون قال لي سعودي ستيودينت ؟؟ قلت ايه وعطاني ملف فيه بينات اعبيها وقال تعال بكرى الملحقية ...

المهم كان فيه واحد جزاه الله خير استقبلنا وودانا في فندق ...

اليوم الثاني مسنتر من الصبح في الملحقية ولا في احد الى جاء واحد قال وش عندك قلت ابي افتح ملف , خذا الجواز والشهادات والاوراق وصورها وقال خلاص بيرسلون ملفك الرياض ان شاء الله , قال اذا تبي تقعد فيه ندوة تعريفية والا خلاص توكل , عاد انا لزقة قلت ابي اجلس وجلست معهم عطونا كم من محاضرة وتنبيهات الين العصر وجاءو يوزعون الشيكات والضمان المالي على المبتعثين ,, احتريهم ينادوني محد عطاني وجه ...

المهم رحت ونشبت لهم ابي ضمان مالي >>>>> لان انا عندي تذاكر من الوزارة , باليالله عطوني الضمان المالي مكتوب فيه for admission proceser only لعبوا علي فيه
قالوا مشي به حالك الين يلحقونك , قلت شكرا وطلعت من الملحقية ...

رحت لجورجيا قعدت يومين ثم رحت لولايتي اريزونا , ورحتالمعهد اكمل التسجيل وعطيتهم الضمان حق الملحقية , عطوني ورقة مكتوب لو ماسددت خلال اسبوع يغرمونك خمسين دولا , ولو ما سددت خلال شهر بيكرشونك من المعهد .... قلنا طيب (الله يستر بس ) ...

وانتهت القصة كذا ...

بس عندي استفسار : الملحقية ما اعطوني رقم الصادر ولا خذوا ورقة مباشرة المعهد ... هل فيه مشكلة ؟؟؟

وسلامتكم ...