قررت أدرس على حسابي الخاص و محتارة في اختبار الدولة ( ساعدونــي)

اختي


بصراحة

خيارات الدول الدول الاوربية ودول شرق آسيا صبعة شوية ليييييييييييه ؟


لأنو إذا ما أنضميتي على البعثة راح تتعبي كثيييييييييير وتخسري كثييييييييييير

أما دولة عربية

حتى ولو أنك ما انضميتي

تقدر تواصلي بفلوسك

انا صاحي تجربة في الإلتحاق بالبعثة والحمد لله ألحين التحقت بالبعثة بعد تفكيييييير ثلاث سنوات

وحسيت اني ضيعتها من دون فايدة

ولكن الحمدلله ربنا يسرها وألحقت

وأنا الحين أنصحك أنك تدرسي في الأردن ،، اعتبره خيار جدا مناسب ومعقووووول وبإذن الله راح تنضمي على البعثة ، وأقولك كيف الطريقة غلي تسوينها

وأنت عارفه أن الوقت مايحتمل كثير وتعرفي ان الوزارة كل يوم تطلع قرارات جديدة تعجيزية ضد الطلاب

فلا تفوتي الفرصة

فكري واستخيري الله عز وجل

شوفي بحكم تجربتي مع الأردن رح اخبرك

الدراسة هناك ما عليها كلام جامعاتها قووووية واسعارها مناسبة جدا
يعني انا لما كنت بكمل في الاردن في جامعة العلوم والتكنولوجيا بـ اربد كلفني دراسة السمستر تقريبا ب 4 آلاف ريال يعني السنة تقريبا 9 او 10 آلاف ريال يا بلاااش!
وطبعا هالجامعة ما عليها كلاام قووية وتقريبا كل الجامعات الحكومية في الاردن قوية واقوى شي باعتقادي العلوم والتكنولوجيا باربد والاردنية في عمان

لكن انا ما كملت بصراحة .. بتقوولي لييش اقوولك الحين لييش

اولا الأردن طالعة بنظام جديد وهو أي طالب دبلوم يبغى يكمل في جامعات الاردن لازم يختبر اختبار شامل في تخصصه في جامعة البلقاء يكلف 350 دولار .. يعني قبولك في الجامعة مشروط بنجاحك في الاختبار .. انا مادخلت الاختبار اصلااا لأن المفروض اختبره في الإجازة وهم كانو مقفلين الاختبار عشان التسجيل يعني التاخير جى منهم .. ومثل ما سمعت من أحد البنات إنه صعب ما هو سهل .. لكن ما ينخاف من الوضع تقدر تضبطي لك أحد من المراقبين ويتوصى بك .. لأن هم نفسهم نصابين ويقولون لك لا تخاافي بنساعدك وخاصة اذا شافو سعودين لوول !

ثانيا نجي للمعادلة طبعا أنا اتكلم عن الجامعات الحكومية وبالأخص جامعة العلوم والتكنولوجيا باربد. احتمال يعادلو لك كم ساعة فقط واحتمال 20 او 30 ساعة بالكثير واحتمال ما يعادلو شي .. وعلى حسب طبعا المكان الي متخرجة منه .. اذا كان معهد ما عتقد انهم يعادلو .. ولا أي مكان اعتقد يعالدلو! لأن مثل ما اذكر كان في شخص متخرج من معهد اشعة لكن ما عادلو له شي لأن يقولو لك هي نفسه وزارة التعليم العالي السعودية ما تعترف به كيف هم يعادلو!!
وطبعا لازم تسألي عن نظام الدراسة هل هو نظام ساعات او نظام فصول وتتاكدي من كلامهم لا يسوو لك مثل ما عملو معي خبروني في البداية إنه ساعات ولما رحت هناك قالو فصوول الكذاابين .. لأنه لو كان نظام فصول وعادلو لك مثلا 20 ساعة أو اكثر .. يمكن يقولو لك ماتقدري تنزلي مواد على كيفك وتختصري .. يعني مواد الفصل الأول تنزل في الفصل الأول في السنة ومواد الفصل الثاني تنزل في الفصل الثاني من السنة .. يعني ماتقدري تدرسي مواد من السمستر الثاني وانت في السمستر الأول!
وبكذا يبغوني أجلس 3 سنوات ونصف + صيف كل سنة!!

أما بالنسبة للجامعات الأهلية فتختلف .. معادلة الساعات رح تكون أكثر بالإضافة إلا انه مافي الأختبار الشامل الا قلت لك عنه .. وحتى الجامعات الأهلية قووية واسعارها أظن مناسبة..
والي اعرفه أن البعثة في الاردن تطلع بسررعة ما تطول.

بالنسبة للدول العربية الثانية مثل الامارات والبحرين .. اكييد فيه لكن الأسعار اغلى بكثيرر طبعاً!!
.................................................. .....

نجي الحيين للدول الأجنبية ..
انت قلتي اذا رحتي يضموك على طول .. بس حبيت انبهك مثل ما فهمت أن الالتحاق في البعثة بمرحلة اللغة يعني مثل ماقلتي شهر وضامينك مفتوح فقط في كندا وامريكا واليابان والصين حتى تاريخ شهر 11/ 1429 يعني شهرين فقط! ما يمدي الواحد يسوي شييي
وهو رح يتوقف بسبب الميزانية الجديدة!

لكن بعد هالتاريخ ما نعرف ايش يصير هل رح يستمر الالتحاق في مرحلة اللغة او لاا لازم تكملي 30 ساعة ماانعرف.. وبالاضافة إلى أن كندا ما تعاااادل الدبلووووم!


ان شاء الله اكون قد افدتك .. وآسفة على الإطاالة

بالتوفيق

افضل الدول هي امريكا وكندا وفرنسا والمانيا وكوريا والصين واليابان وان افضل لكي اليابان

ربنا يوفقك .......

تضبط احد المراقبين؟؟؟؟؟؟؟؟

لاتعليق صراحه...صار إسفاف مو تعليم
لو اجلس طول عمري جاهله افضل من اني اتنازل عن كرامتي ومبادئي

كنـدا ماتعادل الدبلوم ,, أمريكـا ممكن ...

طالبة متحطمة!!!

لا يووصل فكرررك بعيييد!
أنا ما قصدييي ابدااا الي في باالك .. تضبط احد المراقبين يعني اقصد بها هم يعرضوون مساعدتهم لكن مقابل الحلوااان بعديين .. يعني مقابل مبلغ 100 أو 200 ريال أو قد الا تعطيه!
ومو شررط يكوون رجاال!
ومعرووف الاردنين .. والسوورين بالذات ما يمشوو الا بالبقشيش .. واذا جربتي تسافري على الحدود السورية او رحتي سوريا رح تشووفي مثل هالنماااذج كثيرر!
وأي مبااادئ الا تتكلمي عنهاا!! .. هي العملية اساساً في البدااية نصبب في نصب .. اول مرة الاختبار بـ 350 دولار .. اذا ما عدتيه تختبري ثاني مرة بـ 450 دولاار!!
يعني تتوقعي انهم رح يخلووك تعدي الاختباار ويروحوو عليهم 450 دولاار .. والاختبار هذا ما حد يعديييه .. قليييل جدا وناادرا .. انا اعرف وحدة دخلته وكاان صعب مررة وكانو الطلاب يقوولو للمراقب الاختبار صعب قال لهم ما عليه انا بساعدكم طبعا يتكلم مع السعودين .. وبعدين لما جات تاخذ النتيجة هو كان مو موجود ونتيجتها عنده .. كلموه الا يشتغلو معه عشان يطلعو منه النتيجة قال لا انا بسلمها بنفسي وكاان مصرر.. يعني تتوقعي عشاان ايش!

وليش وصلتي السالفة إلى كرااامة ومبادئ!!
يعني الا يعمل كذا ما عنده كرامة؟! بالعكس أنا ادفع 100 ريال ولا اجلس طوول عمرري جااهلة مثل ما تقوولي!! لأنها رح تكون في ذمته مو في ذمتي .. أنا صاحبة حاجة وش ذنبي اذا هو ما عنده ضمير!
واتحدى لو كنت مكان أي شخص وعرض عليك شخص المساعدة ترفضيهااا.. لأن هم في البداية نصب لأن الاختباار ماله داعي اسااسا .. حتى لما كنت بسحب اوراقي مدير القبول والتسجيل قال لي هالكلام أن الاختبار مشكلة وماله حااجة وتقريبا كل الجامعات الحكومية رافضته ومو راضين عليه!

والا يسمعك الحيين يقووول الحين حناا كلششش .. عايشين على النظااام والأماانة .. وخاااصة البعثاات عندنااا .. بأمااانة الحين انت لو تحصلك واسطة في الوزارة وتطلعين بعثة تقبليهاا او لااا؟؟
وش الفرررق بين الاثنين!


الله يهديك ويوفقك ان شااء الله..

ويوفقك ان شاء الله .. لكن انا كنت اتكلم عن نظام ادفع وتمشي كذا تحسين انك مو قاعده تدرسين
عشان كذا التعليم عندنا بالعالم العربي متدهور بسبب المحسوبيات والإكراميات على قولتهم..

عموما اعتذر ان كنت اخطيت .. ولك كل التقدير على سعة صدرك وتقبلك لوجهة نظري القاصره

دمتي بحفظ ربي وتوفيقه

لا عادي اختي مافي داعي للاعتذار

هذا الوضع الحقيقي للعالم العربي وهو مو بس في التعليم في كل شي حتى الوظائف .. لكن في النهاية ما نقدر نسوي شي غير نقوول حسبنا الله ونعم الوكيل!

تحياتي لك