الحاق البكلوريوس ببريطانيا

.
.
الله يوفقك اختي

شوفي العلم الوكاد

بتجي ردود من الاعضاء واحد يقول مقفل وواحد يقول مفتوح... وهذا شيء اكيد لأن كل واحد له تجربة تختلف عن الثاني..

لكن نصيحتي لك ...
اذا لازم بريطانيا ولاتقدري تروحي امريكا او كندا..

لاتمشين إلا بتذكرة من العطية .... وش فائدة التذكرة....؟!

لو عندك تذكرة وجيتي ... يعاملونك كطالبه مبتعثة ... وتعبين نموذج تفعيل قرار ابتعاث (يعني ماتعبين نموذج طالب دارس على الحساب الخاص) ... يعني غصب عن إللي ما يرضى يرفعون أوراقك للوزارة.... فهمتي

لو جيتي بدون تذكرة .... اتوقع بيقولون لك الملحقية ان الالحاق مقفل...

والعلم عند الله...

وبالتوفيق لك

لكن إذا الاوضاع المادية طيبة .. وممكن تمشيك إلى 6 اشهر

تعالي حتى لو بدون تذكرة

لأنهم بين الفترة والثانية يفتحون الالحاق.. للبكالوريوس...

يعني قبل ايام قالوا الوزارة للملحقية أرسلوا لنا جميع الطلاب البكالوريوس عشان نلحقهم ...

فممكن على بداية السنة الجديد إذا الميزانية طيبة للوزارة يقولون ارسلوا الطلاب اللي فتحوا ملفات عشان نلحقهم....

الله يجزاك خير كلمة مرور ريحتني الله يريحك

اذا تبغى ضمااااااااااااااان ...

ضبط امورك ..

وقبل ما تسافر بيوم واحد ..

اتصل على أي طلاب في لندن ..

وقل له يروح للملحقية ..

ويسألهم هل ما زال فتح ملفات للطلاب الدارسين على حسابهم الخاص .. بدون شروط

( دراسة 30 ساعة للبكالوريوس و 9 ساعات للماستر )


وكذا .. تكون ضامن ..

وأول ما توصل الى لندن .. عالطوووووووووول للملحقية ..

طبعا .. اذا اخذت التذكرة من العطية ..

معناها .. انك مبتعث ...

على طول يفتحون لك ملف ويعطونك الضمان المالي للمعهد و يعطونك خطاب للبنك وخطاب تعريف

كلامك حلو ومرتب يا كلمة مرور
بس وانا اخوكي اعملي حسابك على كل شي
تراني متنقع هنا من شهر 7 ميلادي ولا فكروا ابدا يلحقوني
نفس وضعك طبعا
بالتوفيق

عبد العزيز بن عبدالله انت اخذت تذاكر من العطيه؟

صدقيني يا اختي علبه الوان

ويا اخوي عبدالعزيز بن عبدالله

انا درست في بريطانيا شهر ونص بس ولاخذيت تذكرة من العطية ولالالالالالاشي

وقدمت وقبلوني البعثه الحمدلله ،،، يعني لاتتحطمون إن شاءلله يقبلونكم في البعثه

صدقوني الالحاق للبعثه والله سهل لدرجة انهم يقبلون الطلاب وهم توهم يدرسون في مرحلة اللغة

بس اهم شي يكون معكم قبول من جامعه معتمده وانكم تدرسون لغة او خلصتوا من دراسة اللغة

مع أحترامي

والله انكم ترفعون المعنويات
الله يوفقكم