آبشركم وصلنا واشنطن وحنا في الفندق الآن .

January 8th, 2009, 10:05 AM

السلام عليكم ورحمة الله وبركاته ..

الحمدالله اليوم وصلنا للواشنطن وحاليا جميع الطلاب في الفندق .

نبدأ من أول خطوه :

بداية حاولت الحصول على قبول معهد وجامعة طبعا في أكثر من طريقة
أنك أنت تراسل الجامعه .. أو المكاتب الخاصه أو صديق لك من الدولة نفسها.

وبعدها تقدم على أجراءات الفيزا .. صراحتن أكتب لهم كل شي صح ولا تكذب
أو تقول ما راح ينتهبون له .. أكتب كل شي ولا يهمك هم في السفارة أهم شي
عندهم أنك ما عندك فترة منقطعه يعني جالس عطالي بطالي . هذا أهم شي عندهم
طبعا تقدم عن طريق الموقع وتخلص جميع الاجراءات وتعبي الفورمات تبع السفارة
وتنتظر يوم المقابلة وتروح من بدري لو موعدك الساعه 10 صباح تحضر الساعه 6
آحسن بكثير .

وأن شاء الله بعد ما تأخذ الفيزا وتضبط آمورك ..
تجيب الاوراق التالية (( القبول الجامعي والمعهد مع الفيزا وصورة آخر شهاده حصلت عليها))
وتروح للدكتور - علي العطية وتقدم على طلب تذاكر ( أمر اركاب) .

ولا تمل مرة ومرتين واكثر من مره علشان تحصل على التذاكر .

وبعدها أن شاء الله تحصل على التذاكر .

خــط الســـفر .

لا تخاف إذا مو أنت على الخطوط السعودية .
أتبع الاجراءات وآقرا واسأل . وهم يدلونك .
ولازم تلقى عربي هناك يعني لا تخاف

ومتى ما وصلت أمريكا أول ما تدخل المطار خلك واثق من نفسك وأتبع أجراءتهم ولا تتنرفز
وأي سؤال يسألك على الاجابه على قد السؤال.

وأن شاء الله أنت بعد ما تخلص من الاجراءات تطلع في الصالة حقت القادمين
تلقى واحد مصري ومعلق لوحة جنبه (( الملحقية الثقافيه السعودية )) روح
وسجل أسمك ويأخذك للفندق ومن ثاني يوم يجي باص وتروح للملحقية
وتفتح الملف

والله يوفق الجميع .. ولا تنســونــا من صالح دعـــــــــــــــاائكم

آخوك سلطان

• نشر عبر تويتر
• نشر عبر فيسبوك
• نشر عبر جوجل