الأعضاء الإشتراك و التسجيل

الملتقيات
ADs

كل ما طقيتها عوجا عوجا

كل ما طقيتها عوجا عوجا


NOTICE

تنبيه: هذا الموضوع قديم. تم طرحه قبل 5547 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية sky2008
    sky2008

    مبتعث مستجد Freshman Member

    sky2008 المملكة المتحدة

    sky2008 , ذكر. مبتعث مستجد Freshman Member. من السعودية , مبتعث فى المملكة المتحدة , تخصصى على باب الله , بجامعة u
    • u
    • على باب الله
    • ذكر
    • بريطانيا, في بيتنا
    • السعودية
    • Dec 2008
    المزيدl

    January 19th, 2009, 11:37 PM

    السلام عليكم
    كيف الحال طيبين
    اما حالي فالله العالم خلوها على ربكم
    مدري حضي التعيس او عين اوتراب الله يكرمكم خلوها على ربكم قصتي وما ادراكم ماقصتي قصتي هي االماسي بعينها
    بقولكم قصتي التعيسة وهي:
    متخرج بكلوريس من سنتين
    وقمت بالتقديم على التدريس ومافيه
    وقدمت على العسكرية ومافية
    قدمت على وضيفة حكومية مافيه
    اخرتها قدمت على شركة قالو مافيه
    لان ما معك انجليزي قلت تيب وش اسوي
    المهم
    قلت لنفسي مالك الاتروح وتخربها وتدرس على امل الانضمام الى البعثة المهم تسلفت وسافرت الى ماليزيا وكنت انتظر قبول من جامعة لماستر وانتظرت لمدة ستة شهور المهم كنت في هذيك المدة ادرس انجليزي وجلست هناك 6 شهور ولم ياتيني قبول على الجامعة الزبدة طفرت وخلصت فلوسي ورجعت السعودية قلت انتظر قبول يجيني والا يومك ماجني شي
    قلت لنفسي مالك الاتقدم على بريطانيا لعل وعسى المهم قدمت وجاني قبول في 3 جامعات معترف فيها في التعليم السعودي المهم قدمت على معهد وجاني قبول وبعد مدة قامت الملحقية تاخذ يالتقييم الجديد 2008 وطلعت جامعاتي الي قدمت عليها غير معترف فيها ولا وزاد الطين بله قاموا بايقاف المعاهد التي في الجنوب قلت لعلها خيرة
    المهم رحت لمكتب وخذيت قبول لمعهد في لندن المهم جاني ورحت اقدم على الفيزة وقالوا تعال الاربعاء واستلمها قلت تيب
    واليوم وما ادراك ماليوم دق علي المكتب وقال تراء المعهد الي جبت لك قبول فيه غير معترف توهم شايلين اعترافه قلت وشهو قال الي سمعت
    قلت في نفسي كما قال الشاعر:
    ارقاء درج والحض ينزل اصنصير
    ينزل وانا من عادتي ارقا
    حظي يعاند خطوتي وين ما اسير
    وليا بغيت الغرب وداني شرقا
    والحين جالس انتظر قبول جامعة جديد وانتظر اجيب قبول معهد جديد (يعني كنك يا زيد ما غزيت)
    ما اقول الله يعين
    مدري وش اسوي
    وظيفة مافيه
    زواج مافيه
    سيارة بعتها يعني مافية
    مستقبل مافية
    كل شي عندي اسود خلا ص احس الدنيا تقفلت في وجهي
    مدري وش اسوي
    ولا ويقولون الالحاق للماستر توقف في بريطانيا وانا تقدير جيد
    بس الله يعين ما اقدر اقول الله يفرجها علي
    تراء كتبت هذي القصة مجرد تعبيرعن ما في داخلي لاني خلاص انتهيت
    مالي الاالدعاء (الله يفرج كربتي وجميع اخواني المسلمين)ولا اريد منكم الا النصح والدعاء
    وشكرا
  2. الله يعينكـ اخوي

    وماراح تأخذ بهالدنيا الا نصيبك والللي كاتب لك الله

    نصيحتي لكـ تتوجه لأستراليا وش تبي في بريطانيا وغثاهم وايقافاتهم وغلاهم ..

    استراليا قبولات سريعة ومعترفة وقوية للجامعات والمعاهد ..

    والله يكتب لك اللي فيه الخير ..
    7 "
  3. مااقول إلا الله يسهل امرك وانا اخوك

    انا كان وضعي مثل وضعك تقريبا .. خلصت معهد صحي وجلست عاطل سنه وبحثت عن إنظمام في سنه ونص والحمدلله ربي فرجها وإنظميت امس بعد إنتظار طوييل

    نصيحتي لك حاول تجي كندا .. وش تبغى في بيرطانيا .. والله إن كندا افضل من كل ناحيه إلا بعد المسافه بس وانت ماراح ترجع إلا مره بالسنه اذا الله كتبه وإنظميت

    الإنظمام في كندا مفتوح واسهل من غيره من الدول مثل بيرطانيا او استراليا
    والمكافئه صارت عز وتكفيك وزياده .. حاول تدبر لك قبول في معهد وجامعه هنا في كندا
    وانا مستعد ارسل لك رجال سعودي هنا في كندا والنعم فيه يجيب لك قبول باسرع وقت

    بالتوفيق .. وتذكر لايأس من الحياه .. ولا حياه مع اليأس (( عساني قلت المثل صح ماقلبته )
    7 "
  4. اخوي الالحاق في بريطانيا موقف لمرحلة اللغه
    يعني لازم تخلص معهد انجليزي و9 ساعات جامعيه بما أنك ماستر

    روح لأمريكا ولا كندا لان الالتحاق مفتوح في مرحلة اللغه
    يعني كلها شهر شهرين وانت ملتحق بالبعثات
    وبما انك ماستر ترى الماستر صعب القبول في كندا حسب ماسمعت
    اقول من وجهة نظري حول على امريكا لان فيها جامعات كثيره مره والا ماتقبلك جامعه ومعترف بها ان شاء الله


    موفق
    7 "
  5. شكرا لمروركم ياشباب
    اخو تحسين تقول اذا تبي تدرس انجليزي تروح لماليزيا وانا اقولك (غلطة عمر)خلها على ربك
    ويا احمد دووف انا مجبت اشاعة
    ان الالحاق ببريطانيا موقف
    اصلا كل يوم سامعبن كلام وان شاء الله يكون كلامي خطا يارب انه لم يوقف الابتعاث
    وياليت اذا عندك معلومة تفيدنا الله يعطيك العافية وشكرا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.