الحاقا لموضوع ( تطمين للدارسين على حسابهم الخاص با أمريكا )

سلام عليكم يعطيك الف عافيه يا اخوي
بصراحه تطمن نوعا ما
انا طالب دارس على حسابي الخاص وبصراحه الوضع مزري وصعب مره
انا الحين ادرس في المعهد وعندي قبول مشروط من الجامعه و اوراقي كامله باذن الله
ومشكلتي مشكله انا متزوج وقصتي قصه زوجتي في السعوديه وحامل والله ييسر
وهي باقي هناك وانا كنت موظف وطلعت على اساس اني احسن من وضعي
وقررت اطلع وطلعت اكمل المهم وصلني الخبر وقفل النفسيات والمعنويات
وارسل اوراقي للملحقيه على اساس يفتحون لي ملف وكل يوم ادق عليهم يوميا ولا احد يرفع السماعه
وفي الاخير بعد شهر يقولون ما وصلت اوراقك ولا ادري وش اسوي
وصلت لدرجه اني بغيت ارجع والله لان الوضع لا يحتمل
خصوصا ان وضعي ما يحتمل لا وضع مادي ولا نفسي ولا شي وجاو وكملو الباقي
على العموم اتمنى افادتنا بكل جديد لان يا شباب وضعي مزري بكل امانه
ويعطيكم الف الف عافيه على مجهوداتكم والله يجيركم ان شاء الله

ما اقول الا الحمدلله اني ماسافرت وضيعت فلوسي على الفاضي

مع ان معي امر الاركاب بس قلت لا تستعجل تشوف وش بيوصل عليه الوضع

وللاسف تم ايقاف الالحاق في مرحلة اللغة

افا يا محمد خل ايمانك بالله قوي وتذكر انه من طلب العلم الله سهل عليه وابشر بالخير يا رجال..

ماني بقايل الا ابشر بالخير انتظر شهر 3 وابشر ابشر ابشر باللي من عند الله

الله ييسر الامور بس والله يا شباب كل شي مقفل في وجهي ماديا ومعنويا وكل الامور زفت الى الحين انا صريح وضع الله لا يوريكم والله ييسر الامور ان شاء الله

اخي محمد
صل على النبي / حنا يا طلبت سانت دييقو معك وانا امثلهم / مالك الا اللي يساندك الين تتضح الرؤيا بخصوص ضمك للبعثه ( انشاء الله ) وغير كذا ما تشيل هم محفول مكفول الين ترجع بالسلامه الى ارض وطننا الغالي .

ايميلي عند ادارة المنتدى ولا اضن انهم بعيدين عن موضوعي انا وانت .....هدي اعصابك يا رجال .

واتصل بي اذا بغيت .
تحياتي .

ياشباب اللي معه امر اركاب لا يتردد ابدا

تدرون ليه
اول شي لمن تقفل بريطانيا واستراليا والدول الاخرى ..
رفعوا ملفات الطلاب اللي يبغوا ينظموا للبعثه بس اللي معهم امر اراكااب من الوزاره
شآيفين كيف حاله استثانيه

ثآني شي انا مره قريت رد للمسشتار التعليمي انو اللي معه امر اركاب يسقط عنه شروط الالتحآق


اتمنى ما اكنت مخطئ