انا والعطيه والبشر والسدحان<<<<قمه المتعه

February 3rd, 2009, 01:59 PM

سلام عليكم ورحمه الله
مساكم الخير الي عنده مساء
وصبحكم الله بالخير الي عنده صياااااااااااح

المهم انا بدخل في السالفه على طووووووووووول
اممممممممممممممممم
وش اقول وش اخلي بصراحه اكثر يوم اقول فيه تكفى الي هو امس الاثنين في وزاره التعليم العالي
المهم
بقولكم السالفه

اييييييييييه بس حسبي الله عليهم لكن حمدلله

حركت من الخبر الساعه 4 الليل ومعي واحد من العيال ماعنده شغل<<<بطالي ياحبي له

وصلنا الرياض على الساعه 7 تقريبا وعلى طوووووول على وزاره التعليم العالي
دخلت الوزراه الساعه 7 ونص

وحمدلله مرتب اموري ومعاي القبول+الفيزا+المؤهل+صوره من بطاقه الاحوال+صوره الجواز

يعني معاي ملف كامل ماشاء الله

وجانا البشر في الصاله الساعه 8 ونص تقريبا<<<<<<<ياحبي للبشر
هههههههههههههههههههههههههههههههههههههههههههههه

البشر قسم بالله من كثر ماسمع عنه في المنتدى طلع اشهر من ياسر القحطاني

وزع علينا الورق وقال كل واحد يقول وش يبغا<<<كانه بيعطيناا من جيب ابوه
المهم وزحلطناها له

كتبت اني ابي امر اركاب لكندا

وجا طويل العمر الدكتور علي العطيه بيض الله وجهه عز الله انه ونعم الرجال

جا على الساعه 10 ونص تقريبا

وقام واحد مدري وش شغلته ينادي بالاسم
يوم قال ابو فلان وافز وانا في الصاله وادخل على العطيه وقلتله ياطويل العمر داخل على الله ثم عليك تكفى قل تم

قال سم امر وش تبي قلت ابي تذاكر وانا والله ماعندي واسطه ولا هم يحزنون وياكثر ماصرفتوني<<<<وانا والله شلاخ مارحتله ولا مره

قال ابشر هالمره محنا مصرفينك وقال انتظر بره
والله وطلعت وانا ودي اشوف وش النتيجه

المهم بعد ماخلص من مقابله الطلاب قام السدحان<<<<<<قسم بالله انه رفع ضغطي

وينادي بالاسامي ويعطي ورقه التصريفه الي هي تحولنا ع البعثات
ان يوم عطاني اياها وانا اتنرفز <<<<<<<طرطع

المهم وانا ارجع لمكتب العطيه واستناه وهو طالع يركب السياره واجيه واقوله تكفى <<للمره الثانيه

قل وش تبي امر قلت تذاكر

قالي خلاص انا بجي بعد الظهر وتعالي قللت ابشر
صليت الظهر وانزل استناه عند الباب ويوم جا بعد الظهر وهو داخل مع الباب وانا في وجهه
وانا اقول تكفى<<<للمره الثالثه
قال تعال المكتب وخلاني ادخل عليه انا ومعاي 2

وقالي تعال ياخوي وش تبي امر
وانا اقوله تكفى<<<للمره الرابعه
قال امر مالك الى يرضيك قلت ابي التذاكر
قال ابشر وعطاني ورقه تحولني لخالد الجماز <<<<رجل بمعنى الكلمه وانسااااان محترم

ورحتله للجماز قلت انا محول من العطيه قال وش تبي قلت تذاكر قال خلاص تعال بكره

طبعا اثناء اليوم هذا بعد ماراح العطيه انا طفشت ولا ادري وش اسوي قلت ياولد مافيه الى البشر يوسع الصدر<<<<الله يرجه

واروح عنده شوي واستهبل واذا زعل علي اروح للسدحان <<<اكره واحد في العالم

ومريتهم اليوم الي هو الثلوث واروح للجماز قالي مر الطيار

وامرهم واقولهم في شي باسمي قال وش اسمك قلت ابو فلان
قال ايه وصل
هات صوره من الفيزا وصوره اجواز وصوره من البطاقه
وقال بكره روح خذها من الغدير قلت انا والله من الخبر وماني فاضي اتهجول معاكم قال خلاص خلاص حنا بنجيبها للخبر وعطاني رقم واحد ادق عليه بكره واخذ التذاكر ان شاء الله

ياشباب الي يبي يروح للعطيه ترى والله الرجل طيب بس العدد كثثيييييييييييييييير جدا يعني حول 50 تقريبا يوميا

المهم حاول معه مره ومرتين وثلاث واربع وفي الاخير اذا حفظ شكلك ودرى انك نشبت صحح
بيعطيك الي تبي

اهم شي ورقه محوله الى خالد الجماز اما اداره البعثات ومدري وشو يعني تصريفه كبيره

سامحوني ع الاطاله واي استفسار انا حاضر

• نشر عبر تويتر
• نشر عبر فيسبوك
• نشر عبر جوجل