مبتعث جديد New Member
غير معرف
No LiiMiiT
, تخصصى student
, بجامعة Bangalore
- Bangalore
- student
- غير معرف
- Bangalore, Karnataka
- غير معرف
- Feb 2009
المزيدl February 15th, 2009, 11:34 AM
February 15th, 2009, 11:34 AM
بسم الله اولا رحت لمكتب العطيه الصباح الساعه 9 ونص وكان في زحمه مو طبيعيه حشا اكتتاب موب مراجعه في وزاره طبعا من قرادة حظي والعلاقه الودوده بيني وبين البشر حصلته في وجهي قلت اعوذ بالله كان رايح واتعرض طريقه واوقفه واوريه ذيك الابتسامه يعني تراني ناشب لك الليله طالع فيني قال لاحووول وش عندك قلت ابدا ابدخل للعطيه قال بكره اليوم مايمدي توكل ع الله قلت له موب مشكله بستنى طفش وراح وخلاني غاسل يده مني هع هع المهم يوم شفت الزحمه قلت من جد شكلي ماراح ادخل عليه المهم اني مشيت رحت فرع الغدير اسئل عن الجلسه 168 دخلت ع الاستقبال وحصلت واحد في وجهي ماله خلق احد ابدا ومافي الا تصريف بالعالم طالعت فيه قبل ماتكلم معه قلت له بتصرفني ...... سكت مافهم وش ابي اصلا قال نعم قلت ابدا بس بغيت اسئل عن الجلسه المشؤمه وش صار عليها ومتى راح يبتون فيها قال من اسبوع الى اسبوعين لان المتقدمين فيها واجد <<<< مع اني احسه مدها من عنده قلت له انت متاكد قال اقل شي اسبوع طبعا الحلو في الموضوع اني كنت بساله وش اسمك بس قبل ما اسئله نقز له واحد قبلي وقاله وش اسمك طالع فيه قاله خالد وسكت شوي قاله ذاك خالد ايش قال خالد العروان ويقولها باستحقار وماتدرون وش قال قاله ليه انشالله يعني ماخذ اسمي تبي تخطب من عندنا ؟؟؟؟؟؟؟؟؟؟!!!!!!!!!!! اانا واللي جمبي عيوننا طلعت ماحنا مستوعبين انه بهالعقليه بس وقسم بالله رد عليه اللي جمبي رد قوي قاله يابوي معليش اسف اذا غلطت عليك بس اظن كلنا رجال ومافيها شي لاذكرت اسمك وعطاه اشكل ومشى عنه وقسم بالله يا اخوان هذا اللي صار ناس تقهر وبالنسبه لموعد الرد احسه نصب علي فيه بس الشكوى لله وش نسوي الله يسهل عليكم اموركم ان شاء الله وتحققوا الا تتمنوه
بالتوفيق للجميع
ولا تزعل ترى هي الحياه كذا صعبه بس اهم شئ توصل للي تبيه انت والا معك
ان شاء الله جميع اموركم ميسرة
crazy quiet February 15th, 2009, 11:43 AM
7 " اللهم امين والله ودنا ولكن لمن تجين تشوفين الاشكال اللي في الوزاره كأنهم بيصرفون علينا من جيوب ابوهم حسبي الله عليهم
No LiiMiiT February 15th, 2009, 11:48 AM
7 " الواحد منا "ياما يعيش وياما يشوف "مثل مايقولوا واحنا اتعودنا على كذا اننا نبذل قصارى جهدنا للوصول للي نبيه ببهدله وطلعه العين بس اهم شئ نوصل,,,,,,,,,
انت اهم شئ اكثر من الدعاء والخيرة فيما اختارة الله وان شاء الله يطمن قلبك وتوصل للي تبيه
الله يسهل عليكم اموركم
crazy quiet February 15th, 2009, 11:51 AM
7 " أخوي كم كان عدد المراجعين للدكتور العطية ..... ؟؟؟ ( تقريبا )
S-A-D-001 February 15th, 2009, 12:07 PM
7 " ساد اقولك اكتتاب تقولي كم كان عدد المراجعين
زحممممممممممممممه شي مو طبيعي
خلها على الله بس
No LiiMiiT February 15th, 2009, 12:12 PM
7 " ياأخوان ياأخوان تصرفوا بعقلانيه وأتركوا عنكم السلبيه الدائمه الي في الجميع
هل هذا الحال يستحق الكتابه في هذا المتدى
والله مايزيك ذا الكلام الا ضغظ وكسر للنفسيات
الا متى والسلبيه نلسبها مثل لبس الثوب?
ليه ما حطيت نفسك مكان الاخ الي اسمه خالد وقلت والله يمكن شكله مو قادر يكلم احد من كثر الي يكلمونه ويتصلونه عليه من جميع انحاء العالم
ليه ماتحط نفسك مكانه وعلى الاقل تقول والله شغله مشغول وشايل هم انهاء معاملات الناس وتفكر بطريقه ايجابيه
اعرف كيف تريح نفسك وتريح الاخرين ياشباب والله الامور ماتنحل كذا
الان الاخ خالد العروان اذا قراء مقالك السلبي هذا في هذا المنتدى ايش راح يكون موقفه او تفكيره
اتوقع انه راح يكون عدو لكل من يحط رجله في الوزاره او يحاول يسئل عن اي جلسه او معلومه
واذا كان ايجابي واعطاك معلومه وقال لك انه بعد اسبوعين
اعتقد لغيرك راح يقول له ماأعرف شي وتزداد الحيره
نصيحه للجميع ومن ضمنهم محدثكم
تعلموا كيف تخلعوا ثوب السلبيه
وعتابي حار للكاتب الموضوع الاخ NO limted
tek-tak February 15th, 2009, 12:54 PM
7 " يعني ها ها حول حروة كم وااحد .. ؟؟
S-A-D-001 February 15th, 2009, 01:44 PM
7 "
February 15th, 2009, 11:34 AM
اولا رحت لمكتب العطيه الصباح الساعه 9 ونص وكان في زحمه مو طبيعيه
حشا اكتتاب موب مراجعه في وزاره طبعا من قرادة حظي والعلاقه الودوده بيني وبين البشر
حصلته في وجهي قلت اعوذ بالله كان رايح واتعرض طريقه واوقفه واوريه ذيك الابتسامه
يعني تراني ناشب لك الليله طالع فيني قال لاحووول وش عندك قلت ابدا ابدخل للعطيه
قال بكره اليوم مايمدي توكل ع الله قلت له موب مشكله بستنى طفش وراح وخلاني غاسل يده مني
هع هع
المهم يوم شفت الزحمه قلت من جد شكلي ماراح ادخل عليه المهم اني مشيت
رحت فرع الغدير
اسئل عن الجلسه 168
دخلت ع الاستقبال وحصلت واحد في وجهي ماله خلق احد ابدا ومافي الا تصريف بالعالم
طالعت فيه قبل ماتكلم معه قلت له بتصرفني ...... سكت مافهم وش ابي اصلا
قال نعم قلت ابدا بس بغيت اسئل عن الجلسه المشؤمه وش صار عليها ومتى راح يبتون فيها
قال من اسبوع الى اسبوعين لان المتقدمين فيها واجد <<<< مع اني احسه مدها من عنده
قلت له انت متاكد قال اقل شي اسبوع
طبعا الحلو في الموضوع اني كنت بساله وش اسمك بس قبل ما اسئله نقز له واحد قبلي وقاله وش اسمك طالع فيه
قاله خالد
وسكت شوي
قاله ذاك خالد ايش
قال خالد العروان ويقولها باستحقار
وماتدرون وش قال
قاله ليه انشالله يعني ماخذ اسمي تبي تخطب من عندنا ؟؟؟؟؟؟؟؟؟؟!!!!!!!!!!!
اانا واللي جمبي عيوننا طلعت ماحنا مستوعبين انه بهالعقليه
بس وقسم بالله رد عليه اللي جمبي رد قوي
قاله يابوي معليش اسف اذا غلطت عليك بس اظن كلنا رجال ومافيها شي لاذكرت اسمك
وعطاه اشكل ومشى عنه
وقسم بالله يا اخوان هذا اللي صار ناس تقهر
وبالنسبه لموعد الرد احسه نصب علي فيه بس الشكوى لله وش نسوي