مبتعث مستجد Freshman Member
أستراليا
الزير اسالم , ذكر. مبتعث مستجد Freshman Member. من أستراليا
, مبتعث فى أستراليا
, تخصصى طالب
, بجامعة كوينز لاند
- برزبن, كوينزلاند
- أستراليا
- Nov 2008
المزيدl February 21st, 2009, 10:55 PM
February 21st, 2009, 10:55 PM
اخواني أعزائي قبل كل شي انا اخوكم دارس على حسابي الخاص اي حساب ماعندي ريال واحد كله من جيب ابوي الله يخليه لي ولايحرمني منه يارب ولايحرمكم من أبائكم او امهاتكم.. بالنسبة للي يبغى يعرف هل الإلتحاق توقف وإلا لأ انا اقولكم الأجابة الصحيحة...!!! انا قاعد آراجع الوزارة من شهر 10 /1429هـ عشان يلحقوني وليومكم هذا ماصار اي شي لا أمر إركاب ولاغيره وكل ماجيت الموسى عشان الشيخ مايبغى يتكلم كثير طابعله برشور في عدة خطوات والله لوعندي سكنر كان صورته لكم يقول البرشور طبعاً: للي يبغى يكمل البكالريوس لازم يكمل 30 ساعه اكاديمي يعني غير اللغه يعني هذي يبغالك سنتين وبعد هذا كله لازم يكون معدلك 2.5-4 او 3.57-5 هذا بالنسبه للبكالريوس. اما الي يبغى يكمل ماجستير فلازم انه يكمل 9 ساعات اكاديمي وباقي شروطها والله نسيتها.. ملاحظه هامه: بالنسبه لكندا يتغاضون نوعاً ما وامريكا لوتكلمهم المره الأولى يرفضون بس لوتكلمهم مره ثانيه يوافقون على طول ويمكن يقبلونك من اول مره بعد,, الي يحب يتأكد من كلامي يروح للمبنى الوزارة الي في الغدير ويشوف بعينه البروشورات الجديدة والله حتى اشوف الدداسن تنزل كراتين من هالبروشورات وإذا قلتله يالموسى مايصير قال هذا امر ملكي وهذا رقمه السامي حاطينه بعد عشان التأكيد للطلاب ومادري هلي فيها رقم سامي والا تصريفه لطلاب عشان يقول والله ودنا بس هذا امر ملكي.. مع العلم أيضاً كان معي احد الشباب الي تعرفت عليهم في الوزارة كان معه دبلوم أطراف صناعية وحاول معهم يمكن 3 ايام ورى بعض وكل يوم يقولون بكره بكره وفالأخير لقيته يعبي اوراق إلحاقه والله ما احسده بالعكس الله يوفقه وسلمت عليه وباركتله بعد هذا رزقه وهذا رزقي بعد انا وراضي بقسمة الله هو الرجال طبعاً رايح بريطانيا مع اني انا وياها نفس بعض لنا قلب واحد عندنا يدين وكلنا عند مخ نفكر بس هذا توفيق من رب العالمين.. وعشان ما احب اطول عليكم ارجو من الأخوان اذا كان في شي موعاجبهم في موضوعي لايرد عليه بسخافه اذا يبغى يرد يرد برأيه ونظرته وترى والله كلنا اخوان وكلنا نساعد بعضنا في الأخبار الحلوة وعشان الأخبار الحلوة قالي واحد سكرتير المشرف حق الموسى بالحرف الواحد: إطلع ورح ادرس لعل الله يفرجها من عنده (( إحتمال يجي مكرمه ملكيه والله أعلم )) احب اذكر الأخوان الي في كندا وإمريكا ارفعوا اوراقكم بأسرع وقت ممكن عشان مايجي تعميم لملحقايتكم بالإيقاف مثل اخو اخون مسعود في استراليا ويبغى يكمل ماجستير والملحقية مارفعت اوراقه وانا بعد مثله رايح استراليا والله يفرجها علي وعليكم وعلى كل مسلم يارب ياكريم.. ادعولي بظهر الغيب وادعولي ربكم إن الله يفرجها لنا ويعجل بمكرمة ابومتعب في اقرب وقت وحسبي الله على الموسى الي وقف قدام طموح ملاييييييين من الطلاب وانا اولهم عشان ماعندي واسطه رفض إلحاقي.. وعلى فكره بعد هههههههههههه راعي طويلة انا بعد الأسبوع الماضي يوم السبت دخلت على الوزير وحول ارواقي على الموسى يوم جاء يوم الأثنين قالي الموسى ماعندنا لك شي معليش مانقدر فيه شروط والسبت هذا الي اليوم دخلت على الوزير وقلت يادكتور خالد الموسى ماسوالي شي ولانفعني وكأني قاعد اطره من جيبه انا ماعندي واسطه ولا اعرف احد ومعدلي 4,29 من 5 وقالي خلاص إنشاءالله خير وحولني على الدكتور العطيه بكره يقول رح للمدير العام إلي هو الدكتور علي العطية ولعل وعسى الله يفرجها من عنده ويلحقني الدكتور علي.. مع العلم اني يوم كتبت للوزير معروضي وشرحتله وضعي شرحلي هو على الورقه: الدكتور عبدالله الموسى للمساعده. والحين كتب الدكتور علي العطيه للمساعده برضو. ما أدري للمساعده هذي الي تنكتب كل شوي مدي هي تصريفة وحطاينها شفره بينهم والا لأ الله وأعلم بكره راح اروح للوزارة واعلمكم وش راح يصير معي.. وبالتوفيق للجميع والله يرزقكم ويلحقكم بالعثة عاجل غير آجل .. الله يوفقك يا خوي ويوفقنا معك
saudi in ku February 21st, 2009, 11:03 PM
7 " الله يوفقك ياخوي وان شاء الله بيجيك الالحاق
وان شاء الله يطلعك كلامك صح بخصوص المكرمه مو بعيدة عن ابو متعب الله يطول عمره
وصدقني الله ماراد انك تنضم لاكن الله بيسهلها من عنده ان شاء الله
عليك في قيام الليل والدعاء وكثرة الاستغفار وانا اخوك وان شاء الله الله بيكتبلك اللي فيه الخير
الله يوفقك يارب وترى على مااسمع ان الدكتور علي العطيه رجل فيه خير ان شاء الله بيساعدك
بالتوفيق يارب
A7bha February 21st, 2009, 11:19 PM
7 " الله يوفقنا وياكم جميعاً صحيح انا سمعت بهالشي إن الدكتور علي العطيه فيه الخير والله وعسى الله
يسخره لي بكرة ولكن عندي حكمه لقيتها توقيع لأحد الأعضاء الا وهي الأخت (( بعثرهـ ))
(( المتفائل يجد فرصه في كل صعوبه والمتشائم يجد صعوبه في كل فرصه ))
والله يوفقنا وياكم وهو على كل شي قدير..
الزير اسالم February 21st, 2009, 11:37 PM
7 " السلام عليكم اخوي الزير سالم
انا اقول مادام اوراقك رايحه للدكتور علي العطيه بإذن الله العلي القدير انها تمشي لان الدكتور انسان يحب الخير وانت تستاهل ومعدلك جداً ممتاز تفائل بالخير
حجازي February 22nd, 2009, 03:29 AM
7 " الله يوفقك وتصير مبتعث انشاء الله وباقي اخوانا الطلاب
azooz aj February 22nd, 2009, 05:34 AM
7 " العطيه اذن ابشر بالخير كل الخير والعطاء عنده
اذكر واحد قرينا عنه هنا حوله الوزير للعطيه على طول قال سافر
وارسل بس الدخول والمباشره ويصدر قرارك
وان شاءالله الفال لك ونبارك لك والله يسهل لك ولنا
فهههد February 22nd, 2009, 05:51 AM
7 " الله يسمع منك ويلتحقون بالبعثة
azooz aj February 22nd, 2009, 05:54 AM
7 " اخوي يالزير سالم
انت درست في استراليا والحين بتطلب انهم يلحقونك في البعثه
واذا درست صارلك كم من الوقت تدرس
ولا انت سجلت في الجامعه وعلى طول طلبت الاتحاق
قولي علشان انا رح اعمل مثل ماعملت
قول من الالف الى الياء ارجوك
متحمسه February 22nd, 2009, 08:21 AM
7 " اخي الزير سالم
انت رحت استراليا ودرست فيها مده والحين بتطلب يلحقونك في البعثه
واذا درست كم المده الي درستها هناك لاني الي فهمته من كلامك انك هنا في المملكه
ولا انت اخذت القبول من الجامعه ورحت لهم تبغاهم يلحقونك في البعثه
ياليت تقولي بالتفصيل الي عملته علشان رح اعمل مثلك
رد عليه بالتفصيل الله يخليك
وان شاء الله تلقى مناك
متحمسه February 22nd, 2009, 08:27 AM
7 " 
LinkBack URL
About LinkBacks
February 21st, 2009, 10:55 PM
اخواني أعزائي قبل كل شي انا اخوكم دارس على حسابي الخاص اي حساب ماعندي ريال واحد كله من جيب ابوي الله يخليه لي ولايحرمني منه يارب ولايحرمكم من أبائكم او امهاتكم..بالنسبة للي يبغى يعرف هل الإلتحاق توقف وإلا لأ انا اقولكم الأجابة الصحيحة...!!!
انا قاعد آراجع الوزارة من شهر 10 /1429هـ عشان يلحقوني وليومكم هذا ماصار اي شي
لا أمر إركاب ولاغيره وكل ماجيت الموسى عشان الشيخ مايبغى يتكلم كثير طابعله برشور
في عدة خطوات والله لوعندي سكنر كان صورته لكم يقول البرشور طبعاً:
للي يبغى يكمل البكالريوس لازم يكمل 30 ساعه اكاديمي يعني غير اللغه يعني هذي
يبغالك سنتين وبعد هذا كله لازم يكون معدلك 2.5-4 او 3.57-5 هذا بالنسبه للبكالريوس.
اما الي يبغى يكمل ماجستير فلازم انه يكمل 9 ساعات اكاديمي وباقي شروطها والله نسيتها..
ملاحظه هامه:
بالنسبه لكندا يتغاضون نوعاً ما وامريكا لوتكلمهم المره الأولى يرفضون بس لوتكلمهم مره ثانيه
يوافقون على طول ويمكن يقبلونك من اول مره بعد,,
الي يحب يتأكد من كلامي يروح للمبنى الوزارة الي في الغدير ويشوف بعينه البروشورات الجديدة والله حتى اشوف الدداسن تنزل كراتين من هالبروشورات
وإذا قلتله يالموسى مايصير قال هذا امر ملكي وهذا رقمه السامي حاطينه بعد عشان التأكيد للطلاب
ومادري هلي فيها رقم سامي والا تصريفه لطلاب عشان يقول والله ودنا بس هذا امر ملكي..
مع العلم أيضاً كان معي احد الشباب الي تعرفت عليهم في الوزارة كان معه دبلوم أطراف صناعية
وحاول معهم يمكن 3 ايام ورى بعض وكل يوم يقولون بكره بكره وفالأخير لقيته يعبي اوراق
إلحاقه والله ما احسده بالعكس الله يوفقه وسلمت عليه وباركتله بعد هذا رزقه وهذا رزقي بعد انا وراضي بقسمة الله هو الرجال طبعاً رايح بريطانيا مع اني انا وياها نفس بعض لنا قلب واحد عندنا يدين وكلنا عند مخ نفكر بس هذا توفيق من رب العالمين..
وعشان ما احب اطول عليكم ارجو من الأخوان اذا كان في شي موعاجبهم في موضوعي لايرد عليه بسخافه اذا يبغى يرد يرد برأيه ونظرته وترى والله كلنا اخوان وكلنا نساعد بعضنا في الأخبار الحلوة وعشان الأخبار الحلوة قالي واحد سكرتير المشرف حق الموسى بالحرف الواحد:
إطلع ورح ادرس لعل الله يفرجها من عنده (( إحتمال يجي مكرمه ملكيه والله أعلم ))
احب اذكر الأخوان الي في كندا وإمريكا ارفعوا اوراقكم بأسرع وقت ممكن عشان مايجي تعميم
لملحقايتكم بالإيقاف مثل اخو اخون مسعود في استراليا ويبغى يكمل ماجستير والملحقية مارفعت اوراقه وانا بعد مثله رايح استراليا والله يفرجها علي وعليكم وعلى كل مسلم يارب ياكريم..
ادعولي بظهر الغيب وادعولي ربكم إن الله يفرجها لنا ويعجل بمكرمة ابومتعب في اقرب وقت
وحسبي الله على الموسى الي وقف قدام طموح ملاييييييين من الطلاب وانا اولهم عشان ماعندي واسطه رفض إلحاقي..
وعلى فكره بعد هههههههههههه راعي طويلة انا بعد
الأسبوع الماضي يوم السبت دخلت على الوزير وحول ارواقي على الموسى يوم جاء
يوم الأثنين قالي الموسى ماعندنا لك شي معليش مانقدر فيه شروط والسبت هذا الي اليوم
دخلت على الوزير وقلت يادكتور خالد الموسى ماسوالي شي ولانفعني وكأني قاعد اطره من جيبه انا ماعندي واسطه ولا اعرف احد ومعدلي 4,29 من 5 وقالي خلاص إنشاءالله خير وحولني على الدكتور العطيه بكره يقول رح للمدير العام إلي هو الدكتور علي العطية ولعل وعسى الله يفرجها من عنده ويلحقني الدكتور علي..
مع العلم اني يوم كتبت للوزير معروضي وشرحتله وضعي شرحلي هو على الورقه:
الدكتور عبدالله الموسى للمساعده.
والحين كتب الدكتور علي العطيه للمساعده برضو.
ما أدري للمساعده هذي الي تنكتب كل شوي مدي هي تصريفة وحطاينها شفره بينهم والا لأ الله وأعلم بكره راح اروح للوزارة واعلمكم وش راح يصير معي..
وبالتوفيق للجميع والله يرزقكم ويلحقكم بالعثة عاجل غير آجل ..