دراسة لغة 5 شهور تكفي للحصول على 6.5 - يهمني رأيك

بالتوفيق
.
.
.
.

هل هذه المدة تكفي علماً بأن الدراسة ستكون في بريطانيا؟؟

ااخوي اختبر بالسعوديه اول شي اختبار ايلتس وشوف مستواك وبعدين شوف وين انت ضعيف فيه وطور من نفسك من خلال دراستك بالمعهد في بريطانيا

نصيحه اخوي لاتعتمد على المعهد 100% ، المعهد يعطيك 20% بس الباقي عليك انت ابذل جهدك وان شاء الله تجيب فوق الـ6 باذن الله

ربي يوفقك ياخوي

بصراحة 5 شهور غير كافية
أنا درست سنة كاملة لغة بكلية الجبيل ( مناهج جامعة البترول)
التخصص سنتين ونص ( كله بالانجليزي )
والتطبيق 4 شهور ( كل كلامي بالانجليزي لانهم إجانب )
أشوف الافلام اللحين و الحمد الله ما احتاج ترجمة
وجبت 5.5 بالايلتس
كما قال الاخوان تحتاج جهد أكثر خصوصا القواعد والفكاب

الله يوفقك لاكن نصيحه لا تمشي مع اي عربي ما قلت سعودي يعني اي واحد ينطق حرف عربي ابتعد منه ونشاء الله تجيبها في 6 لاكن احس ان هاذي المده قصيره قل 8 شهور ممكن والله الموفق تقبل مروري وشكراااااااااا

السلا عليكم ورحمة الله وبركاته اخوي الايلز ليس باتبار صعب ولا كن لابد عليك من الاجتها اذا كانت عندك اساسيات الانجليزي وعندك بعض اللغة وبتضيف عليها هالخمسة شهور او انك بتكثف جهدك ولا بتعتمد على الايلز بس انشاء الله تقدر تجيبها وارجو انك تدخل دورة حق الاختبار لأن الاختبار هو طريقة اكثر من ماهو اختبار تحديد لغة انجليزية
اهم شي انك تعرف الطريقة وتتمرس عليها كثير وتجيب اناء الله بالراحة بس اهم شي لا تسمع كلام اللي يحطمك او انك تتخاذل تلعب او انك تتعتمد على المعهد ومذاكرته لأن الان المعاهد في بريطانيا فقدت كثير من قيمتها التعليميه بسبب وجود كثير من العرب فلذا لازم تجد وانشاء الله خير

لا اقصد با العرب قللو من شان المعهد بل اقصد ان اللغة المداولة في المعهد هي اللغة العربية فلذلك من الصعب عليك الاعتماد على المعهد تحياتي لكاخوي

اعرف ناس درسوا اللغة في المدرسة يعني من الابتدائي الى الثانوي ومعها نص ترم في السنة التحضيرية حقت جامعة الملك سعود وبعد كذا درس شهرين في معهد في بريطانيا وجاب 7 في الايتلس

يعني ما فيه شيء مستحيل لكن زي ما قالوا الشباب حاول تختبر هينا قبل لا تروح واذا عندك وقت خذ لك دورات عشان اذا رحت تكون جاهز


وفيه ناس درسوا الماستر وهم ما جابوا الا 5 لانهم قابلوا الادفايزر وشاف لغتهم زينة ويقدرون انهم يتواصلون وقبلهم في الماستر بالدرجة هذه

لكن تبي نصيحتي ونصيحتهم بعد ما دخلوا في دراسة الماجستير انك تاخذ حقك من دراسة اللغة لان كل شيء بيصير عليك سهل بعد ما تتمكن منها وبعد ما تدخل الجامعة بتلاحظ الكلام هذا

وبالتوفيق

اخواني الايلتس امتحان قدرات وقياس بالدرجة الاولى في ناس تقول انا بلبل في الانجليزي بس جبت درجة 5.5 وانا واحد من اقاربي عاد الامتحان 3 مرات مع انه خريج امريكا !!!!
هذا معناته انو الامتحان له تكتيك معين متى فهمت كيف تتعامل معاه ,باذن الله 6.5 ماراح تكون صعبة وعلى فكرة انا انشاء الله يوم السبت بعد يومين عندي اختبار والدرجة المطلوبة مني 6.5 انشالله اجيبها ومااحتاج اعيد الاختبار,
انا مثلا اكتب تقارير باللغة الانجليزية وخطابات بحكم شغلي لكن عندي مشكلة اني مااقدر اكتب في وقت قصير ومحدد في اي موضوع , الكتابة في الايلتس محتاج دقة ومراعاة الوقت وكتابة شي مفيد يعني الامتحان اللي صار السبت اللي فات جاهم الموضوع عن انقراض الحيوانات كتابة لمدة 40 دقيقة فقط و20 دقيقة اخري لكتابة تقرير من جدول او خريطة عن ازدياد عدد الزائرين في مكتبة في لندن والله مو فاكرة بالضبط عن ايش الوضوع لثاني بس هو تقرير,

واللي يخليني ااكد لك كلامي انو مجموعة من الاخوان يقول لك حتى 8 شهور ماتكفي وهذا برايي انا مو صحيح ابدا , انا اخذت دورة اعداد لللايلتس لمدة 40 ساعة ومعاي ناس كلامها شوي مكسر بالانجليزي لكن ماشاء الله جابت 7 لأنها عرفت كيف تتعامل مع الاختبار وعلى ايش تركز بالضبط , وانا الله يستر ,

لكن بعد هذا انت حاب تدرس اللغة الانجليزية 5 شهور برا وبعدين تاخذ الايلتس ؟ انا اقول سوي الايلتس بالسعودية عشان تعرف مستواك بس لازم تاخذ دورة اعداد عشان ماتنصدم بالاختبار , والامتحان غالي 800 ريال , اكيد مو كل مرة بتعيده واحب اطمنك اذا جبت 5.5 تدرس 3 شهور او اقل عشان تاخذ 6.5 وهذا معروف كل درجة اعلى في الايلتس تتطلب 5 اسابيع دراسة مكثفة بس انت حط طموحك 6.5 وانشاء الله تطلع بعدين بس عشان تاخذ دورة تمهيد للماستر3 شهور بدل كورس لغة انجليزية عام ,والله يوفقك انشاءالله

انا بالانقليزي ميح ماعندي سالفه وطالع ثلاث الى اربع شهور تكفي ولا لا