ماهو لحالك يالمستشار التعليمي

جعل والديك في الجنة انا من زمان ودي اتكلم عن هذا الموضوع ليش كل قسم مايكون في 3 او اربع مشرفين على الاقل
عشان المشرفين طلاب زينا ويجيهم اختبارات وينشغلون وكل ما كثر عدد المشرفين كل ما زاد نسبة وجود مشرف بالمنتدى

احسنت اخووووي كلامك عين العقل

ما تشوف الادارة فاتحه باب انضمام للطاقم الاداري

ان شاء الله نشوف تتطور ملحوظ المرات الجايه

انا نفسي اكون مشرف على هذا القسم واذا انتو موفقين ماعندي مشكلة وربنا يوفقكم

[align=center]
أخوي الكريم ,, أشكرك على إهتمامك وهذا إن دل على شي يدل صدق نيتك إن شاء الله..
أولا أخوي المستشار على علم بأكثر المواضيع المستجدة على الساحة وخصوصا كل مايتعلق
بالوزارة بحكم قربه لها,, ومساعدته للطلاب من غير مقابل يدل على شهامته وطيبته,, وهنيئاً له
بالدعاء من أشخاص يعرفهم واخرون لايعرفهم,,
أما بالنسبة لي ياعزيزي الكريــــم أتمنى إنك تتراجع عن الصدمة
فتواجدي بالمنتدى على الدوام,,وصفتي هي مراقب على هذا القسم,, وأما عن عدم وجود ردود في المواضيع
اللتي تطرح داخل القسم فهي لسبب أن أكثر الأسئلة والإستفسارات هي عن تجارب أشخاص لدى الوزارة,, أو عن ظروف
حصلت مؤخراً,,فهي تتطلب أشخاص مثلكم يحكون تجاربهم الشخصية لإخوانهم في هذا المنتدى,,كما كان قبل سنتين ونصف
..أتينا هنا واستفدنا من تجارب من سبقونا ,,ثم أفدنا من كان بعدنا,,وهاهو الدور يأتي إليكم..وإلى من سوف يأتي بعدكم(بحكم تغربكم)
وكما أشرت سابقا في أكثر من موضوع..المنتدى منكم وإليكم ,,تفيدون وتستفيدون...
واحب أن أضيف أيضا بأن في هذا القسم لاأود أن أقول جميع الأجوبة لكل مايحتاجه الطلاب الدارسين على حسابهم الخاص,,بل أغلبها.
فقط الذهاب إلى كلمة بحث..
وأخيرا وليس اخرا ,,سوف تكون إدارة هذا القسم إلى شخص اخر,,بحكم عدم استمراري فيها لظروفي الشخصية..وأنتم فيكم الخير والبركه...


أخوكم / هاوي
[/align]

شاكر لكم الردود اخواني .. وعسى الله يوفق الجميع

وشكر خاص لك اخوي هاوي مع اني ماتوقعت بـ ترد علي

لكن ملاحظه اخوي هاوي مو كل معامله الطلاب وحده يعني
هذا عنده واسطه هذا ماعنده
هذا يماطلون فيه هذا تمشي اموره
وبعض اسئله الاعضاء يعني يبيلها واحد متخصص في هذا الشيء

اشكركم مره اخرى ..

اخوكم \ اسير

السلام عليكم صباح \ مساء الخير
ابصراحه اخوي انا عاذرك في بعض الاشياء او في بعضها لا . انت الحين حط اي اسفسار لك او انا اتحداك اذا ما لقيت لك الاجابة الكافية او الوافية يعني يا جاوبك مشروف ولا ماتبي هذا شئ .
الاشاعات المنتدى مو يدخله واحد ولا اثنين مليون واحد يعني وين ماتبي االأشاعات ماتجي شئ طبيعي تبي مشرف انسان يقعد كل مقابل هل كمبيوتر او يشك اي واحد ياخي تراة بشر او الانسان طاقة يعني لازم يوم يمر ما تدخل اسبوع .
ــــــــــــــــــــــــــــــــــــــــ
بس انا ما ابرر انه ما يكون هناك مشرف ابصراحه لازم لازم يكون عشان الطلاب الجدد الي الحين كثير كثير يجون يعني الحين في طلاب الله يحفظهم هل الايام في موضوعي الي انا فاتحة يجون او يسؤلون اسئلة يدل على انه مسكين ضايع ضايع فيجي عشان يشوف كلام المكتب الفلاني الي رايح له او يطلع كلام المكتب كله نصب في نصب او اتشوف كلام المكتب كذبة ما تنتصدق لو تجي اتقولها على اخوك الصغير
ــــــــــــــــــــــــــــــــــــــــــ
اتمنى ما تكون زعلت مني بس اهنيك على حسك ياخوي او خوفك على هل منتدى الي اعطانا الكثير او انا عن نفسي جا الوقت الي لازم لازم ارد جميل واحد من جمايل هل منتدى الي بصراحه من اني ما اعرف معني ترجمة الشهادة الي الحين اخوياي اي يدرسون برى يتصلون علي من البلد الي يدرسون فيه
ـــــــــــــــــــــــــــــــــــــ
شكراً

ملاحظة :اود افادتكم ان هذا الموضوع قديم و كتب منذ سنتين!!!!
على العموم كل الشكر و التقدير لجميع من ساهم في خدمة الطلاب سواء كانوا مشرفين او طلاب لانه في الاخير كل واحد يسعى لفعل الخير لكسب الاجر فقط ولوجه الله تعالى, و لا يصح تن ننتقص من جهد كل مجتهد ، و الله الموفق