انا وزوجتي في حيره بخصوص الماجستير..يامستشار واخواني الكرام

يالغالي لاتستعجل بالإستقاله وبإمكانك تمشي بأمورك وإذا ضمنت وضعك تستقيل

وأنا أتوقع خيار المرافق بيكون لك أفضل لكن حاول تدبر واسطه مهما كان

تسلم ياطويل العمر

انا افكر بالاستقاله بعد مااكون ضمنت طبعا قبول زوجتي واكون مرافق وقتها ، لكن ماادري هل وضع المرافق واموره تكون سهله اذا قبلت زوجته مثلا او يتاخر الحاقه ؟؟؟ والواسطه وش الداعي لها اذا كنت مرافق ؟؟
الله يعين
تحياتي

يالغلا أنابصراحه مالي خبره بالمرافقين لكن اللي أعرفه إن مكافأتهم ماتكفيهم

فلذلك أنا أقولك حاول بالطريقتين سواء مرافق أو مبتعث والواسطه شي لابد منه

حتى لوكان رجل الأمن اللي بالوزاره

والله يسهل عليكم ويوفقكم

KASR
الموضوع هو اني الان ابحث عن بعثه كمرافق وماافكر اقدم بمعدلي لانه اقل من المطلوب في شروط الابتعاث والواسطه هم وغم ورمي وجيه على شي عندك بديل له وهو اللي افكر فيه الان ( مرافق ) مع زوجتي في حال قبولها . وهذا استفساري هل راح تكون امور المرافق معقده عشان يقبلون انضمامه للبعثه كمرافق او تكون سهله وبدون تعقيد ... وبالنسبه للمكافاه يحلها ربك المهم عندي الان قبولي في البعثه كمرافق مع زوجتي في حال قبولها والباقي بعدين ...

شكرا لك وعلى مشاركتك

السلام عليكم
اخي العزيز اعلم ان الرزق بيد الله جل وعلا واعمل اللي عليك والباقي على ربنا بالنسبة للاستقالة لاتستقيل الا بعد ماتضبط امورك يعني مثلا اذا انت موظف حكومي قدم اجازة وقلهم انه زوجتك مبتعثة وتاخذ اجازة يوافقو لك وانت مرافق لها وجيب اوراق تثبت ذلك وبالنسبة اذا كنت موظف في قطاع خاص قدم اجازة بدون راتب وانا انصحك انك تقدم بزوجتك وتكون مرافق معها وبالنسبة لاتضمام المرافقين الان صاروا مايلحقهم الا بعد ماينهي مرحلة اللغة وبالنسبة للمعيشة ترا تختلف من دولة الى اخرى يعني مثلا بريطانيا غالية وامريكا حسب الولاية واستراليا حسب المكان والصرفية ويعتمد في الاخير والاول عليك انت ولاتاخذ اي اجراء الا باوراق رسمية يعني لاتاخذ اي كلام من اي شخص كان وخاصة في الوزارة ورق رسمي ويعدين انت اطلع واذا كنت مرافق ادرس اول باول واجتهد وان شاء الله يضموك وربك يرزقك واخيرا اتمنى لك ولزوجتك التوفيق في الدارين

طيب تبغى نصيحتي

إذا أنت في الرياض روح لوزارة التعليم اللي في الغدير وإدخل جوى المكاتب

وروح قسم البعثات وتحصل بعض الموظفين لوحدهم بمكاتبهم إدخل وإستفسر منهم على راحتك

لإني أنا سمعت كلام بالمنتدى ويوم رحت للوزارة لقيت كلام ثاني لإن اللي هنا إجتهادات شخصيه

أما الوزارة تعطيك الكلام اللي يجمد على الشارب وقبل تروح جهز جميع أسئلتك وأسئلة زوجتك بورقه

وتوكل على الله وتحصل جميع الإجابات اللي كانت تشكل عليك والله يوفقك وعقبال مانسمع خبر ابتعاثكم

ولاتنسى الإستغفار والإكثار منه ( استغفرو ربكم انه كان غفارا يرسل السماء عليكم مدرارا )

السلام عليكم

يعطيكم العافيه

ومثل مقال اخونا KASR ماراح اخسر شي لو رحت سالت في الوزاره واخذت المعلومه لكن حبيت استفسر هنا قلت يمكن اطلع بتلميح او تصريح عن الوضع بشكل عام والحمدلله قدرت اخذ فكره لكن مازلت خايف من سالفة المرافق لو رحت مع زوجتي انهم مايضموني للبعثه سواء من البدايه او بعد وقت معين ...!!!

وماقصرت يا ( لازم احقق حلمي ) على كلامك تسلم

الله يوفق الجميع

اخووووي

نسبة زوجتك 81 % يعني تقريبا 4 من 5 وان شاء الله الامور طيبه

واكيد اذا قبلوا زوجتك راح تكون انت المرافق

المهم تقدم على البرنامج الخامس وانا سمعت ان البرنامج الخامس بيركزون على الدراسات العليا ( ماجستير و دكتوراة )

وبعدين اذا صرت مرافق لزوجتك تأخذ اجازة استثنائية او بدون راتب المهم

اخوي عزام

شكرا ياغالي على التوضيح والدعم الرائع ... بس سؤالي هو ،،، وش علاقة الاجازة بدون راتب او الاستثنائيه في الموضوع ...؟؟؟ ودي تشرح لي اذا ممكن ؟؟؟

تحياتي لك