Ξ❤Ξقصه .. ياليتني في يدها بيدجانه Ξ❤Ξ‎

تنبيه: هذا الموضوع قديم. تم طرحه قبل 5448 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

مستر مدري
مبتعث جديد New Member

البرازيل
مستر مدري , ذكر. مبتعث جديد New Member. من الأرجنتين , مبتعث فى البرازيل , تخصصى محاسبه << راعي دراهم :( , بجامعة جامعه
جامعه

محاسبه << راعي دراهم :(

ذكر
المجمعه, ولايه المجمعه

الأرجنتين

May 2009
المزيدl
May 20th, 2009, 03:00 PM
May 20th, 2009, 03:00 PM

مدخل .. .. ..

الكابتن ماجد نجم الملعب نجم رائع نجم حساس ومهذب

يعرف ان اللعبة مهارة فن تمرير متبادل يصنع اهداف وإثارة بالتدريب المتواصل

بسم الله الرحمن الرحيم ..

تصدقون عاد قسم القسمات اني حبيتكم اكثر من اهلي ( من قال ان عندك اهل من الاساس ) .. انتم تحبوني (( الله يحوم سبدك ياشيخ نحب الجار ولا نحبك ((

بس قبل ما احبكم كنت عايش قصه حب .. حب اقوى من حب عنتر لـ فاطمه .. واقوى من حب قيس لـ حصه بنت عبد الكريم (( الله يقلع مصالتك )) .. وحب اقوى واقوى من خياس

شرابات ولد عمتي عبود ابو ديوي .. وانتهت بشي مأسوي مره الحين تعرفون القصه .. وعلى فكره القصه هذي ما فيه اي فااايده والي يطلع فايده منها اكيد غلطان او اني كاتبها بالغلط (( صريح والله ))

بس الشي الوحيد انها تصيح مره بعد .. والشي الثاني ترا القصه طويله مره عشان كذا طفى الكمبيوترات عشان ماتصرفون انترنت (( قصدك يالسببه طفو الانترنت عشان ماتصرفون .. بس الله يقلع من علمك السواليف ))

واسمعوني اكرمكم الله .. (( وش تبي انت ,, اخلص بس )) .. لا احد يتشمت فيني تراا ربي يعاقبه ,,

اقولكم ابطال القصه البواسل .. مستر مدري .. وعبود ابو ديود الحين تعرفون ليش اسمه كذا والحب << فيس واحد مستحي

طبعا انا معروف والمعروف لا معروف (( حمار قصدك المعروف لا يعرف )) ..

اما عبود ابو ديود .. اسألكم بالله قد شفتو رجال ديوده واصله سره .. انسان بارد ثلج ميت قلبه .. دب تخيلو نلعب سوني تو << امانه عاد وانا اقول سوني تو ماتحسون اني كاش (( كل تبن )) تخيلو هو منسدح على بطنه وانا وراه مااشوف التلفزيون العب على الصوت بس عليه كرشه كأنه وحده حامل بـ الشهر الـ 9 او 10 والله العالم (( وش 10 محشش انت ))

اما سيقانه والله ماندري له يسقال ولا لا .. اجل ذاك اليوم اشوفه من بعيد جاي مسرع قلت وش عنده يركض غريبه انه يركض وبالسرعه ذي .. اخر شي اكتشفت انه راكب دباب الهنود البطه ولا هوب باين الدباب ..

المهم نلعب سوني انا وياه في الملحق ومخليه يصقعني عشان مااتمزع اذا فزت عليه .. وحنى منسدحين قالي .. مستر تصدق بالله عاد ودي اقولك شي بس مستحي .. وش دعوه ياولد عمتي اعتبرني زي امك وفضفض .. يامستر انا ابي احب انسانه واعيش قصه حب واتزوجها زي الي في الافلام ..

ياعبود الله ياخذ عمرك احسب عندك سالفه بيني وبينك يالله يالله بقره انت تتزوجك وعساها توافق عليك بعد .. انت يامستر دايم تسفل فيني تراا وقسم بالله اطيح في المخدرات واصير داشر كله من تهزيأك وين حنان الام الي يقولونه (( وعبود صدق انك امه )) ويالله ياعبود مااتوقع ان المخدرات بتفيد فيك من شم شراباتك عرف ان المخدرات مالها اي تأثير ..

وحنى في هذا الحوار القوي اسمع عمتي تصارخ عبود مستر روحوا جيبو خضروات بيجون عندا ضيوف اليوم وانتم مثل ما انتم عارفين عندي رجوله مهيب صاحيه حتى انهم يسموني مستر بن شداد بن عدوان الانصاري . . يعني فيني شجاعه وقوه مهيب صايح (( في هذي اصدقك بحكم انك متحمل ريحه شرابات عبود )) والله وانا اسحب عبود مع ديوده لأنها اكبر شي فيه

ونركب السياره واقوله يالله رح سوق الخضار بنشتري اغراض .. وهو مايكلمني يعنني زعلان .. وصلنى السوق ونزلنا وقالي انا بنتضرك في السياره ..ياعبود ياحبيبي من بيشيل الاغراض انت يدك وش كبرها تعال شل معي .. وحنى نتجول في السوق ونشتري .. فيه شي غريب يلحقتي بس مادري وشو .. والله وانا ألتفت وراي وانا اشوف .

ذاك القمر لالا ذاك الملاك الي خلاني اخق خقه مهيب صاحيه عيون وش كبرهاا تلمع وتطيح الاسد من السماء وانا اوقف في مكاني ماقدرت اتحرك قلت والله ما امشي من هنا الى انا مرقمها .. المهم قلت لـ عبود يالله رح السياره انا بجيك الحين ..

السبهه راح وجلست اتميلح عليها اسوي حركات وادقدق بـ الكوره 5 بالرس و 5 بارجل يعني اوريها مهاراتي .. بعدين طلعت جوالي الباندا احط النغمات وبعدين جلست اسوي ضغط اخر شي شلت ملابسي ابي اوريها اني اعرف اسبح (( الله من المصاله اخلص بس ))

المهم والله والبنت تأشر لي وانا الي احط الرقم في شنطتها واقول لها دقي علي انا ما عندي رصيد (( وين تميلحك وخربطتك )) والله وتغمز ..

وركبت السياره وانا في قمه فرحي وسعادتي .. عبود يقولي مستر تراني شفتك وانت ترقم البنت .. طيب واذا شفتني شو اسوي لك يعني غاير اني حلو وملك جمال السعوديه .(( اي جمال ياالصومالي )) لا بس عيب عليك ترضاها لـ اختك ... يابن الحلال بلا خربطه اكيد ارضاها (( يلعن شكله المحشش )) ورحنى البيت وانا اجلس انتضر ان الحب يدق وانواع الاغاني الرومانسيه ماعاد انام في الليل خلاص تفكير في الحب (( هذا وانت ما كلمتها الى الحين )) وفجأه يدق جوالي دقه ويقفل وانا ماصدقت خبر دقيت على طول

.. الو لو سمحتوا احد داق على جوالي . وانا سمع ذا الصوت الي يخقق يقول ايه داقين عليك .. انا من الارتباك قلت اهاا طيب مادامكم غلطاني عادي (( ياربيه مسوي مستحي الحقير )) وترسلي مسج وش دعوه يالثقل انا راعيه سوق الخضار .. ونا اتصل عليها .. هلا والله وغلا ما عليش تو كان الي يكلمك اخوي (( الله من زين التصريفه )) .. ممكن نتعرف .. انا مستر قالت انا روعه .. قلت لالا اقول اسمك وشسمه ماقلت انتي حلوه ولالا .

. يابن الحلال اسمي روعه .. طيب ياروعه كم عمرك .. 24 وانت انا صراحه مادري كم عمري بالضبط بس من زمان وانا مولود .. المهم مرت الاياه وانا غرقان في بحر الحب .. وتمر الشهور . وانا غرقت مره وصرت لازم اسمع صوتها كل يوم مرتين .. ((علاج علاج مهوب مغازل )) ونحفت ما صرت اتعشاا وعاد صارت فاتورتي تجي بـ 1.200 او 1.500 وهذا شي غريب ان فاتورتي تجي كذا .. بالعاده ابو 20 ريال ويقولن الشركه حنى نسددها عنك ..

. المهم جاء يوم من الايوم وهي الي تقولي ابي نتقابل تمرني ونطلع نتعشاا وكذا وانا الي ماصدقت قلت لها خلاص اعتمدي يوم الاربعاء الجاي يالله يالله الحق اتزكرت (( وش عنه الزين .. يرحم امك والله هي الخسرانه انها بتشوفك )) طبعا كل هذا الفتره ماشوف عبود واصلا منيب فاضي له انا مشغول مع الحب .. خذت السياره وطلعت محل بدلات ابي اشتري بطله مجنونه عشان تخق معي زياده .

. وانا اتمشى في المحل واشتري لكم هذيك البدله الي كل من شافها خق خقه مجنونه وشريت جزماتي انعم الله عليكم (( قصده وانتم بكرامه بس مهوب رجال مايعرف يقول شي )) لا ازيدكم من الشعر بيت اجار (( اقول الله يقدرك وتخلص ذا القصه وتفكنا ))

جاء يوم الموعود المشكله اني ابي احط جل بس مالقيت شي يثبت فلافلي فـ شريت صمغ حق الفيران وحطيته على شعري وألبس هذيك البدله والجزمات ومعها ذا الشراب البرموده الي لونه فورتقالي (( وشذا اللون ))

اكيد انتم متشفقين تبون تدرون وش لابس (( ايه مره اقول كل تراب )) لابس ياطويلين الاعمار .. بدله الهلال . رقم 20 محمد الدعيع وبنطلون برموده وحركات (( رايح تلعب كوره ولا تقابل خويتك الله يقرفكم بس )) هاه امانه عاد خقيتو مع لبسي ولالا ..؟ والله واركب السياره واتعطر بـ فليت .. واعطر السياره وانا في الطريق اكلمها واقولها وين بيتكم وتوصف لي واخر شي قالت انا عند الباب تراا ,,, وانا اوقف عند باب البيت وتركب.. اول ماشفت عيونها وانا الي اخق خقه مهيب صاحيه واشم ريحه العطورات من قوتها حسيت اني متعطر بـ زيت عافيه من خياسي .. المهم ..

السلام عليكم حبيبي مستر .. هلا هلا هلا هلا والله وتو مانورت السياره يالحب اقسم بالله اني اتمنى هذي اللحضه من اول يوم شفتك فيه .. وحتى انا والله .. اقول مستر وين خويك الدب هذا ما عاد له حس .. والله مادري عنه من زمان ماشفته .. يالله طيب رح مطعم انا عازمتك .. ياقلبي والله هذا الي انا ابيه (( فضحت نفسك يالحمار اجل هدفك انها تعشيك في مطعم ))

طيب ياروعه قبل ما نمشي ابي اشوف وجهك بليز شيلي الغطااا .. كم عندي مستر انا ابشر هذا انا شلته .. يالله عاد بلا سخافه شيليه .. والله شلته .. تستهبلين علي اقول يالله شيليه .. وقسم شلته شفتي اضحك .. ويطلع ذاك التقوين الي يسطع في عيوني خلاص خلاص صكري فمك الخايس

(( طلعت سودا اجل هههههههههه )) اقول روعه مشاء الله اسم على مسمى والله فيك جمال ولا نانسي عجرم .. عاد المشكله انها تقول انها زينه وكل الشباب يلاحقونها .. انا عرفت الحين ليش يلاحقونها شكلهم يحسبونها قطعه فحم تمشي .

. اقول حبيبتي روعه انزلي دفي السياره احس اننا غرزنا .. تغرز في المزفلت .. ايه ايه انا سيارتي كذا في كل مكان تغرز والله وهي الي تنزل والعطه يابطه .. ما عاد شفتها ابد الابدين ..

رجعت البيت وانا متحطم مره وضايق صدري وانا الي اشيل اغراضي خلاص ناوي اروح عند خوالي في الصين ما عاد لي جلسه فيذا الديره الخايسه .. سافرت فيذاك عشان اضمن اني اذا حبيت وحده مافيه امل تصير سودا .

.. وانا في الصين وش صار في البيت ..

1-يقولون ان عبود حب شغاله اسمها كومار ومسوي رجيم كل شي نحف فيه الى الديود عشان كذا صار هو الام

2-عمتي الى الحين ماسويت العزيمه لأن كل الي جبناه انا وعبود كيلو برتقال كله من روعه الله يحوم سبدها

3- انا تزوجت في الصين وحده وجبنا انا وياها عيال وابشركم حبنا بيالات وفناجيل

4-ما عاد لي نيه اجي لـ السعوديه

.. ما يستفاد من القصه ..

1-لو احلف ان القصه مافيها شي يستفاد منه ابد

2-لا احد يحب وحده الا وهو متأكد انها بيضا واذا مهيب بيضا عادي تصير مربى << الله يلقع المصاله

3-لا تغازلون تراا الي يغازلون ربي يحطهم في النار

وفي الختام اقولكم هذا رقم جوالي للي حبني (( وين الي يقول ربي يحطهم في النار ))

هذا ايميلي www.google.com

(( يالسبهه هذا اسمه ايميل ))

وفي الختام تقبلو تحياتي مستر مدري

(( اقول الشرهه مهيب عليك الشرهه علينى حنى الي مضيعين وقتنا وجالسين نقرا حشيشك كل تبن ))
ههههههههههههههههههههههههههههههههههههههه

و أنا قاعد أقول مستر مختفي وتغير علينا

هع

أثرك حبيت هههههههههههههههههههههه

بس تعال

الحين عرفت ليش كنت تبكي يوم خسرت الصين قدام اليابان في 2004 هع

أثر خوالك صينيين هع

مشكور مستر على القصة
عمـ Red-Death ـشز
May 20th, 2009, 03:04 PM
7 "
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه

الله يرجك فطست ضحك ومن كثر ماضحكت دمعت عنوني
هههههههههههههههههههههههههههههههههههههههههههههههههه

يعيك العافيه ومع انه القصه مالها داعي هههههههههههههههههه

امزح يسلمو

ودي
غــــــرام أطــــفـــال
May 20th, 2009, 03:13 PM
7 "
عمشز لا تفضحني اكثر من كذا

صمتي ..
ليش تذبين على العيون ولا عشان عيوني صغيره وخوالي صينيين

ويعني يوم تقولين ان قصتي مالها داعي متوقعه انه بيضيق صدري

عادي متعود على التسفيل
مستر مدري
May 20th, 2009, 07:41 PM
7 "
هع

نطلع باقي الفضايح هع
عمـ Red-Death ـشز
May 20th, 2009, 09:37 PM
7 "
هههههههههههههههههههههههههههههههههههههههه
ههههههههههههههههههههههههههههههههههههههه
هههههههههههههههههههههههههههههههههههه
هههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ههه

اااااااااااااه يابطني الله يقطع ابليسك فطستني من الضحك واخاف الجيران يسمعوني من كثر مااضحك هاذي وش عندها

اضحك الله سنك وضرسك ولسانك كككككككككككككككككككككككككككككككككككككك

تسلم ياالمبدع على كتاباتك الشيقة
calgary girl
May 21st, 2009, 02:59 AM
7 "
خخخخخخخخخخخخخخخخخخخخخ تعرف الاغنية العراقية ياليتني طمآطة انتا مسوي زيها

وبعدين يا خي الحب آعمي

والسواد سواد القلب كانو كدا يقولولنا في المدرسة

آلف يسلمو خيو
artasia
May 21st, 2009, 03:31 AM
7 "
calgary girl
جعلك كل يوم تفطسين من الضحك

<< هذا الي يبيها تموت

artasia

لا والله ما سمعتها ... تراني ما اسمع اغاني انا

اسمع اغاني اذا صرت سكران بس

هههههههههههههههههههههههههههههههههههههه

هين السواد في عرق كل الناس

<< بيرقع لـ نفسه الاسود
مستر مدري
May 21st, 2009, 01:24 PM
7 "
هههههههههههههههههههههههههههههههههههههههههههههههههه ههههه ..

الله يغربل بليييييسك ..

ذبحتني يا مستر مدري من الضحك ..

بإنتظار مغامرة جديدة خخخخخخخخ .. > وش ناوية عليه الأخت خخخخ
ترنيمة عناد
May 21st, 2009, 10:11 PM
7 "
ترنيمة عناد

الله يجعلك كل يوم تضحكين
وعلى المغامره الثانيه انتم الخسرانين
مستر مدري
May 21st, 2009, 11:11 PM
7 "