الأعضاء الإشتراك و التسجيل

نسيت كلمه المرور
الملتقيات
ADs

انا وخويي .. وأربع بنات بشارع العليا ..

انا وخويي .. وأربع بنات بشارع العليا ..


NOTICE

تنبيه: هذا الموضوع قديم. تم طرحه قبل 6346 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية salih_inter
    salih_inter

    محظور

    salih_inter غير معرف

    salih_inter , تخصصى طالب مجتهد في معهدي , بجامعة Institute of Public Administration
    • Institute of Public Administration
    • طالب مجتهد في معهدي
    • غير معرف
    • منغوليــا, بيفرلي هيلــز ..
    • غير معرف
    • Jun 2006
    المزيدl

    December 11th, 2006, 11:11 PM

    December 11th, 2006, 11:11 PM


    مساء الخير عليكم جميعا ..

    اليوم انا جاي ابي اقول اللي بخاطري

    لي من يوم الخميس اللي راح وانا ودي اقوله

    لكن كل يوم اتردد واراجع نفسي ..

    واليوم خلاص قررت اقول اللي صار معي بالضبط ..

    لازياده ولانقصان ..


    يوم الخميس الماضي طلعت مع واحد من الربع

    نفر على شارع العليا ..

    تعشينا وبعدها وصلنا عند تقاطع شارع العليا مع شارع العروبه

    هناك عند برج المملكه ..

    ونلاقي زحمممممه وعالم عالم زي الرز ..

    قلت لخويي اللي كان يسوق اطلع مع الحاره وفكنا من الزحمه

    عاد هو ملقوف وقال لا نبي نشوف وش السالفه

    حاولت فيه يارجال منا منا .. عيا

    دخلنا بوسط الزحمه والشارع واقف والاشاره تولع وتطفي والعالم واقفين

    قفلت معي مااحب الانتظار ..

    وشوي الا اصوات عاليه وصياح مادري وين مصدره

    نزل خويي من السياره يبي شوف والسالفه ..

    قمت انا نزلت بعد اشوف

    الا والله ذيك الجمسين حقت الهيئه

    وقدامهم سياره عائليه الظاهر انها كاديلاك مدري وش اسمها ذيك الكبيره ..

    ومكتمممممه تغييم كامل ..

    وباب الكادلاك مفتوح وداخله فيه اربع بنات

    ومعهم سواق الظاهر انه من جنسيه سودانيه .. بس مسوي حركتات

    ولابس شماغ وعقال يعنني سعودي ..

    المطوع حق الهيئه يصايح هو ووحده من البنات ويقول

    : مابي امد يدي عليك امشي اركبي السياره الحين .

    قالت : انت تمسكني يامطوع ياخايس .. ونص الكلام مدري وشو بالضبط لاني بعيد شوي

    قال : اقولك امشي اركبي السياره لااتفاهم معك تفاهم ثاني

    قالت : اعلى مافي خيلك اركبه وماراح تسوي شي يامطوع ياخايس

    وركبت البنت السياره وهي تضحك وترفع صوتها

    والبنات اللي داخل متسدحين من الوناسه

    والمطوع مايدري وش يسوي

    مشى السواق السوداني باقصى سرعه

    وراحت الجمسين حقت الهيئه وراه ..

    وبأقصى سرعه صارت مطارده ماعمري شفت مثلها الا بالافلام

    الجمسين حقت الهيئه تلاحق الكادلاك حق البنات في شارع العليا

    والعالم كلهم وراهم ملاقيف

    ومن ضمنهم حنا طبعا ^_^

    سرعه جنونيه كنا نمشي حول 150 ونفس الشي لباقي السيارات ..

    والبنات منزلين قزاز السياره وضحك واستهبال مع الشباب اللي بباقي السيارات

    ليييييين وصلنا بظرف دقايق قليله للدائري الشمالي ..

    ومنه استمرت المطارده لين دوار الثمامه ..

    وقبل دوار الثمامه كانت كل السيارات طايره مثل الصواريخ ..

    وانا اقول لخويي تكفى خلنا نرجع .. تكفى هد السرعه

    كنت حاس بمصيبه جايه بالطريق ..

    والوضع كان جنوني ..

    ماكني عايش بالرياض ..


    فجأه الظاهر السواق السوداني ماقدر يسيطر على السياره

    وبالسرعه الجنونيه اللي كانت واصله 160 بطريق الثمامه

    صار اللي كنت خايف منه وماقدر السواق يتحكم بالسياره

    وماشفت الا والسياره حقت البنات طالعه فوق الدوار ومنقلبه حوالي 8 قلبات

    لين صارت بالجهه الثانيه من الطريق ..

    العالم كلهم وقفو وسيارة الهيئه قدرت توقف قبل الدوار لمن شافت الحادث

    الوضع في الوقت هذا كان كارثي

    العالم يراكضون صوب الكادلاك

    والمطوع حاط يده على راسه ويصيح ..

    ومن شدة الموقف طلعت وحده من البنات

    (( والظاهر انها اللي كانت تتهاوش مع المطوع عند المملكه ))

    تزحف من تحت السياره وعبايتها ماهي عليها .. والدميان تغطي راسها

    واجزاء من جسمها واضحه ..

    وباقي البنات ماندري وش صاير لهم داخل السياره اللي

    صارت عجين ..

    توقفت البنت وهي تون وتصيح ونسمع وناتها ..

    ركضت وشلت الفروه اللي كنت لابسها وغطيت البنت ..

    وبسرعه جا واحد كان الظاهر جالس مع اهله عند الدوار

    وقال انه دكتور وبالفعل قام وكشف على البنات وحده وحده


    وبالاخير وقف والدمعه نزلت قبل كلمته ..

    وقال : ترحمو عليهم ..

    بالوقت هذا العالم كلها كانت منهاره

    وانا ركبي ماعد شالتني ..

    كنت ارجف وشوي ويغمى علي ..

    ماعمري شفت انسان يموت قدامي ..

    ولمن جت سيارات الاسعاف والشرطه

    شفت واحد يناظر لوحة السياره الكادلاك ويبكي ..

    قلت : تعرفهم ؟؟

    قال : هذولا قريباتي ..

    وراح وقام شال الغطا من على روسهم

    وتعرف عليهم وحده وحده








    الاولى بنت الديمن ..

    والثانيه بنت الشريه ..

    والثالثه بنت الهاص ..

    والرابعه بنت السبيت ..




    هههههههههههههههههههههههههههههههههههههههه
    هههههههههههههههههههههههههههههههههههههه
    هههههههههههههههههههههههههههههههههه
    وتعيش وتاكل غيرها انت وياه
    هههههههههههههههههههههههههههه
    معليش والله ذنبكم
    انكم متصلين وانا طفشان
    هههههههههههههههههههههههه


    يله اوووووووووووووووووت افري بدي اوووووووووووووووووت
    هههههههههههههههههههههههههههه






    الفكره ملطوشت(ن) من مكان(ن) ما ..

    والسيناريو والحوار وباقي الخرابيط ملطوشت(ن) من مخي :104:

    تصبحون على خير
    << بينحاش ينام قبل لا يتصفق
  4. ههههههههههههههههههههههههههههههههه
    يلعن ام القرف ياشيخ انت وياها ..
    وربي لو اني قاعد مع هنود ..
    قسم بالله هندينا حق شقة العيال يعرف الديمن والسبيت والشريه
    بيجي واحد يفزع لي الحين ويفهمكم ..
    << جاته عقده كل ماكتب موضوع طلع له 10 قالو مايدون وش السالفه
    هههههههههههههه
    الصورة الرمزية salih_inter salih_inter

    December 11th, 2006, 11:23 PM

    7 "
« لعبة الوصف..(كالعادة بدون زعل) | بيت عائلة مبتعث >>الكل يشارك.. »
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.